السلام عليكم ورحمة الله
عندي وصفة رائعة للرفيس ومع اللبن يعتبر احسن سحور
المقادير
دقيق
ملح
ماء زهر
زبدة
عسل
جوز _يمكن الاسغناء عنه-
اولا حضري الرقاق مثل تاع الشخشوخة
مرريه وهو ساخن على غربال الرفيس _تجدونه يباع في الاسواق _ ثم اعيدي تمريره على نفس الغربال و بعد دلك مرريه على غربال خشن من اجل نزع الاجزاء الرقيقة
ماتبقى على الغربال ضعيه في كسكاس وفوريه ثم ضعيه في قصعة و رشي عليه القليل من ماء الزهر واعيديه الى الكسكاس ولمل يفور ضعيه في القصعة
سخني القليل من الزبدة والعسل حتى الغليان واسقي به الرقاق,,,ضعيه في صحن ورشي عليه القليل من الجوز المدشش وقدميه مع اللبن
ملاحظة : يمكن تحضير كميه كبيرة و حفظها في الثلاجة داخل الفريزر ولكن دون تفوير و دون الزبدة وماء الزهر و العسل و في كل مرة اخرجي كمية وحضريها بنفس الطريقة السابقة الدكر اتمنى ان تنال اعجابكم
و صح بعد السحور*
شكررررررررررررررررررا أختي لكن طريقة الرفيس إنتاعك تختلف على إنتاعنا
اول مرة اسمع بهذا الرفيس شكرا فكرة رائعة والرقاق وشنهي هما الفرمسة وان امكن طريقة تحضيرهم
بارك الله فيك وهو لذيذ جدا مع لبن او حليب بارد
جوزيت خيرا
شكرا اختي .. طريقة مليحة
احنا الرفيس ديالنا نديرو بمعجون التمر
و هو يجي على الطريقة القسنطينية ..
ميرسي حبيبتي
صحا فطوركم
أختي هنادي الرقاق هو اللي نستعملوه في الشخشوخة وطريقة التحضير كما يلي
احضري الدقيق حصب الكمية المراد تحضيرها بلليه تدريجيا بالماء مع العجن المستمر الى غاية الحصول على عجينة طرية جدا ثم بللي قليلا من الملح واضيفيه للعجينة
شكلي كريات صغيرة من العجينة ابسطيها بالزيت حتى تصبح رقيقة جدا ثم احمليها و اطهيها في الطاجين الخاص بها كما في الصورة
وادا لم تسطيعي تحضيره يمكنك شراءه من السوق
الصورة منقولة للامانة
بارك الله فيكي مشكوررة
وفيك بارك الله
العفووووووووووو
بارك الله فيك اختي
لذيذ جدا سبق لي ان تذوقته
تاع سوق هراس هايل
نورتن صفحتي حبيباتي
الله يسعدكن و يهنيكن
نورتن صفحتي حبيباتي
الله يسعدكن و يهنيكن
شكرا على الطريقة
حنا الريفيس تاع الصحراء ماشي كيما هكذا ويجي بالدهان الحر ويؤكل باللبن
وحاجة فور خلاص
حطيلنا الوصفة يا شهد الحنان