السلام عليكم البنوتات كيفكم
حبيت نشارككم بوصفتي للآيس كريم
والله رووووعة مماثلة للآيس كريم لي تتباع في المحلات
ملي عرفتها و انا ندير فيها في شهر رمضان ماخطاتناش كل اليوم موجودة في السهرة
و حتى الآن مازلنا نديروها
إليكـم المقــاديـر :
2 كيسان حليــب بـأرد
2 ملاعق كبـار بـودرة الحليب (غبرة) ( لحظـة )
6 ملاعق كبـار بودرة الشونتي (غبرة)
2 علب فلان نـوارة(نأكدلكم على فلان نوارة لأنو مع باقي انواع فلان متنجحش)
الفلان كيما تعرفو كاين تاع فراولة وكاين تاع فاني وكاين شوكولا
انتو و واش حبيتو النكهة
أنا مجربتهم قاع
قاع خرجو روووووووووووووووووووعة
التحضيــــر :
في إيناء يكون غابي شوي باش ما يطرش
ضعو جميع المكونات
الحليب+بودرة الحليب (لحظة)+بودرة الشونتي+فلان نوارة
خلطو بالخلاط الكهربائي ( الباتوووور )
من الأفضل في السرعة 2 أو 3
لأنو في السرعة 1 تأخذ وقت أطول
المهم تخلطو لمدة لاتقل عن 15 دقيقة
حتى تشوفو المزيج طلع
ومبعد حطو المزيج في بــوغــت مــونــجـي تكون نقية
غلقو عليها وحطوها في الثلاجة ( المجـمد أو فريـزر)
لمدة لاتقل عن 4 ساعات المهم كي تجمد و تتماسك قدموهـا
وبالصحـة و العافيـة 
بارك الله فيك و الله سخفتيني ان شاء الله نديرها
شكراااااااااااااااااااااااااا
|
المشاركة الأصلية كتبت بواسطة yuuke-chan
 بارك الله فيك و الله سخفتيني ان شاء الله نديرها
شكراااااااااااااااااااااااااا |
وفيك يبارك الله
والله جربيه وماراح تندمي عليه
انشاء الله ينجحلك ويعجبك
sa7 kayna hadi jarbtha m3a mon pére wa najiha 100 bi l 100
mais ana fnyana bnah nktb
merciiiiiiiiiiiii okti sah mojrba wa najiha
يعطيك الصحة والله مجربتها وفعلا رائعة انا درتها وقدمتها مع الفواكه مقطعة صغيرة روووووووووووووعة
|
المشاركة الأصلية كتبت بواسطة محبة الله الجزائرية
sa7 kayna hadi jarbtha m3a mon pére wa najiha 100 bi l 100
mais ana fnyana bnah nktb merciiiiiiiiiiiii okti sah mojrba wa najiha |
العفو اختي
شكرا على مرورك
نعم فالوصفة ناجحة 200 في 100 ههه
|
المشاركة الأصلية كتبت بواسطة سمسومة 05
يعطيك الصحة والله مجربتها وفعلا رائعة انا درتها وقدمتها مع الفواكه مقطعة صغيرة روووووووووووووعة
|
العفو اختي
مشكورة على مرورك
نعم والله روعة خصوصا كيما قلت مع الفواكه المقطعة رووووعة
إيه صح تجي مليحة،حتى أنا مجربتها،بصحتكم
|
المشاركة الأصلية كتبت بواسطة nibou
إيه صح تجي مليحة،حتى أنا مجربتها،بصحتكم
|
الله يسلمك
شكرا على مرورك
يعطيك الصحة
يعطيك الصحة شكرا ان شاء الله نجربها
ختي بودرة شانتي تتباع ؟
وشحال ادير
وقوليلي هذو المقادير شحال يقطعولك
السلام عليكم
يعطيك الصحة
بارك الله فيك
بارك الله فيك