كيف نتصرف مع هذة الظاهرة
صراحة انا نتكلم معاهم هناك من تتقبل بصدر رحب و هناك من تزيد تعيط و تبيكي تماك 
و هناك من تشتمني 
ماهو تصرفكم في هذه الحالة لو صادفتي تلك الكومة و ما تصرفك اذا التقيتي مع من تعرفينها و احبت تبادل الكلمات و الحديث وسط الشارع
اعطونا حل
نعتذر لكل شخص بالنيابة عنهم هاذا تصرف سيء
الدين الاسلامي يفرض على المرءة المشي في الرصيف و عدم اعاقة الممر للمارة و الذهاب مباشرة للمكان المقصود و عدم المرور بين مجموعة رجال
وهناك بعض التصرفات للرجال على الرصيف التجمع و اعاقة مرور السيدات 
ممكن نتكلم عنها في موضوع منفصل ان شاء الله
السلام عليكم تحدث معي كيكنت في الجزائر واخد النهار كنت فالمرشي تاع الملابس تزيتهم 
رهم ميحشموش وقلتلها اسمحيلي راني مزروبة ربي يهديهم بالنسبة كينلقا عباد نعرفهم نهدر معاهم من بعيد لباس لباس سالي على الدار سلام علاه نقعد نحكي سلام
فكرتيني بالايام لي كنت نقضي فيهم الصوالح. انا من طبيعتي منحبش الدورات بزاف دايما نزرب ومين نصيبهن قدامي الدخان يخرج من ودني.
مرة كنت بوهران نشري وصبت جماعة مبلوكيين الطريق قلتلها اسمحلي نفوت راني مقلقة ماسالتش عليا وعطاتني بالظهر قلتلها اعرضها لدارك لكأس قهوة واحكيو وااااع ندبتلي وجهي غي ربي ستر كنت راح نتشوه من هداك النهار حلفت على ديك البلاصة
قلت نتزوج ونروح للغربة نتنها صبتهم لحقوني حتى هنا. وقت مقيل يهدرو بيناتهم كل واحدة من دارها والحي كامل يسمع او يتلاقو عند الدخلة تاع الحي ونفس الشي وحتى اللوطو ماتقدرش تدخل ولي تضحكني لي رجالاتهم يسمعو فيهم عادي مع انهم كبار ويبانو محافضين شوي يشوهوا نظرة العرب حتى جوارين الأجانب يشكو
السلام عليكم
انه منظر مزعج …… وكم هو منتشر عندنا ……. يقفون في وسط الطريق ـ الممر ، الرصيف .. ـ و يتبادلون الحديث بكل طمأنينة وكان المكان لهم ….. سواء رجال او نساء … او اختلاط ……. هؤلاء لايحترمون الغير … ووجب اعطاءهم مخالفات مباشرة ……. خاصة ممن تملك جثة ضخممة فانها تسد الممر ايما انسداد !!!! …… انعدام ثقافة .. واش تحبي
|
المشاركة الأصلية كتبت بواسطة chouchou w
 السلام عليكم تحدث معي كيكنت في الجزائر واخد النهار كنت فالمرشي تاع الملابس تزيتهم
رهم ميحشموش وقلتلها اسمحيلي راني مزروبة ربي يهديهم بالنسبة كينلقا عباد نعرفهم نهدر معاهم من بعيد لباس لباس سالي على الدار سلام علاه نقعد نحكي سلام |
وعليكم السلام
شكرا على المرور اختي
مرة جلست في وسطهم نخزر فيهم متحركوش يحكو و يحكو لا دناو لا حسبوني حشيت روحي في وسطهم مدناوش
|
المشاركة الأصلية كتبت بواسطة simassim
فكرتيني بالايام لي كنت نقضي فيهم الصوالح. انا من طبيعتي منحبش الدورات بزاف دايما نزرب ومين نصيبهن قدامي الدخان يخرج من ودني.
مرة كنت بوهران نشري وصبت جماعة مبلوكيين الطريق قلتلها اسمحلي نفوت راني مقلقة ماسالتش عليا وعطاتني بالظهر قلتلها اعرضها لدارك لكأس قهوة واحكيو وااااع ندبتلي وجهي غي ربي ستر كنت راح نتشوه من هداك النهار حلفت على ديك البلاصة قلت نتزوج ونروح للغربة نتنها صبتهم لحقوني حتى هنا. وقت مقيل يهدرو بيناتهم كل واحدة من دارها والحي كامل يسمع او يتلاقو عند الدخلة تاع الحي ونفس الشي وحتى اللوطو ماتقدرش تدخل ولي تضحكني لي رجالاتهم يسمعو فيهم عادي مع انهم كبار ويبانو محافضين شوي يشوهوا نظرة العرب حتى جوارين الأجانب يشكو |
صح اختي ربي يهديهم تهدري تحصلي ميحشموش و يكونو جماعة يتحاماو عليك و الي يفوت ميفهم والو كي يسمع المضاربة
بهدلو بينا اختي في الغربة و داو طبايع ماشي ملاح حصلة بيهم
شكرا على المرور
|
المشاركة الأصلية كتبت بواسطة زرقـآء اليمآمـة
السلام عليكم
انه منظر مزعج …… وكم هو منتشر عندنا ……. يقفون في وسط الطريق ـ الممر ، الرصيف .. ـ و يتبادلون الحديث بكل طمأنينة وكان المكان لهم ….. سواء رجال او نساء … او اختلاط ……. هؤلاء لايحترمون الغير … ووجب اعطاءهم مخالفات مباشرة ……. خاصة ممن تملك جثة ضخممة فانها تسد الممر ايما انسداد !!!! …… انعدام ثقافة .. واش تحبي |
و عليكم السلام
صح اختي كومة لحم في وسط الطريق تلقايهم جاماعات مرات حتى 10 نساء
هي و عرايسها و تتلقا مع اخرى و بناتها و عرايسها الي اكيد ماشي عاملات ماكثات في البيت
مرة اختي راجلي طاح من الموطو بسبب وحدا جات تقطع و شافت حبيبتها من بعيد ولات و ماشافتش ماراها راجلي حاول يبعد عليها طاح و اتجرح و تقطعلو السروال من الركبة
شكرا لمرورك الطيب
السلام عليكم
يقول الحديث الشريف _اعطوا الطريق حقه _
عَنْ أَبِي سَعِيدٍ الْخُدْرِيِّ قَالَ: قَالَ رَسُولُ اللَّهِ صَلَّى اللَّه عَلَيْهِ وَسَلَّمَ:
((إِيَّاكُمْ وَالْجُلُوسَ فِي الطُّرُقَاتِ، قَالُوا: يَا رَسُولَ اللَّهِ, مَا لَنَا مِنْ مَجَالِسِنَا بُدٌّ نَتَحَدَّثُ فِيهَا، قَالَ: فَأَمَّا إِذَا أَبَيْتُمْ إِلا الْمَجْلِسَ, فَأَعْطُوا الطَّرِيقَ حَقَّهُ، قَالُوا: يَا رَسُولَ اللَّهِ, فَمَا حَقُّ الطَّرِيقِ؟ قَالَ: غَضُّ الْبَصَرِ، وَكَفُّ الأَذَى، وَرَدُّ السَّلامِ، وَالأَمْرُ بِالْمَعْرُوفِ، وَالنَّهْيُ عَنِ الْمُنْكَرِ))
أخرجهما البخاري ومسلم عن أبي سعيد الخدري في صحيحهما]ا
لا احب من يوقفني لكن ساعات اجد قريباتي اسلم عليهن واحاول قدر المستطاع
عدم الوقوف مطولا كان اتحجج بشيء ما
ماعسانا نفعل هذا هو حالنا
شكرا ماريام على الموضوع
تحياي
|
المشاركة الأصلية كتبت بواسطة سميرة10
السلام عليكم
يقول الحديث الشريف _اعطوا الطريق حقه _ عَنْ أَبِي سَعِيدٍ الْخُدْرِيِّ قَالَ: قَالَ رَسُولُ اللَّهِ صَلَّى اللَّه عَلَيْهِ وَسَلَّمَ: ((إِيَّاكُمْ وَالْجُلُوسَ فِي الطُّرُقَاتِ، قَالُوا: يَا رَسُولَ اللَّهِ, مَا لَنَا مِنْ مَجَالِسِنَا بُدٌّ نَتَحَدَّثُ فِيهَا، قَالَ: فَأَمَّا إِذَا أَبَيْتُمْ إِلا الْمَجْلِسَ, فَأَعْطُوا الطَّرِيقَ حَقَّهُ، قَالُوا: يَا رَسُولَ اللَّهِ, فَمَا حَقُّ الطَّرِيقِ؟ قَالَ: غَضُّ الْبَصَرِ، وَكَفُّ الأَذَى، وَرَدُّ السَّلامِ، وَالأَمْرُ بِالْمَعْرُوفِ، وَالنَّهْيُ عَنِ الْمُنْكَرِ)) أخرجهما البخاري ومسلم عن أبي سعيد الخدري في صحيحهما]ا |
صح اختي بارك الله فيك
هذه من المسلمات في ديننا الله يهدي الجميع
تكلمو كثيرا الائمة في الخطب و المساجد و لا حياة لمن تنادي ناهيك عن تصرفات في بيوت الله حتى اصبحت لا احب الذهاب للمسجد ربي يهديهم
تنهيهم باللين ياكلوك تعيطي ماشي مليح حصلنا بقينا نغيرو المنكر بقلوبنا ربي يصلح الحال
|
المشاركة الأصلية كتبت بواسطة راحـيل
صراحة الامر مزعج
لا احب من يوقفني لكن ساعات اجد قريباتي اسلم عليهن واحاول قدر المستطاع عدم الوقوف مطولا كان اتحجج بشيء ما ماعسانا نفعل هذا هو حالنا شكرا ماريام على الموضوع تحياي |
هههههههه تعرفي اختي انا ابي كي يمشي في الشارع وجهو للارض و ميشوف لحتى شخص شعال من مرة ناديلو ميسمعش و يكمل طريقو
فيها سر الان عرفت لانو ابي معروف في كل منطقتنا
يدير روحو مشافش الناس
اعتقد نعمل كيفو احسن
شكرا للمرور الطيب
صح مشكلة و كذلك بالنسبة للرجال الذيم يجلسون عمد حافة الرصيف و يتفرج في مارا كانهم سكانار
|
المشاركة الأصلية كتبت بواسطة rose de sable s
صح مشكلة و كذلك بالنسبة للرجال الذيم يجلسون عمد حافة الرصيف و يتفرج في مارا كانهم سكانار
|
قالك سبب البلاء كامل النساء هوما خاطيهم مساكن …..
هاذا كامل ماشي من الدين
الاخت كتبت حديث صحيح المرأة و الرجل على حد سواء لازم يعطو للطريق حقه
القهاوي معمرين الحيوط معمرين ربي يهديهم مرات اانا و زوجي و منقدروش نفوتو
هذا هو لي يقلولو سوق النساء