السلام عليكم راني جبتلكم الوصفة
هذه الكيكة مقتبسة من كيكة الأخت الصوامعية جزأها الله كل خير، بدلت فيها غير شوي و كسيتها بكريمة من ابتكاري و النتيجة والله فووووور مالقري انا ذوقي صعيب ماشي اي حاجة تعجبني ،،،، بصح مادتي روش عليها راني مازالت مبتدئة
المهم المقادير:
4بيض
نصف كاس زيت
نصف كاس سكر
6ملاعق كبار فرينة
برش ليمونة
ملح
فانيلا
2خميرة الحلوة
الكريمة
20غ شكولا بيضاء
بيضة
لافاني
قشور ليمون
بتي سويس 100غ
تخبط البيض السكر الملح الفاني و الزاست مليح نضيف القرينة المنخولة مع الخميرة ونخلط حتى تمتزج
نفرغ ها في مول الكيك او مول دائري قطرة بين 21 و22سم مدهون بالزبدة
وطيبون في فرن مسخن مسبقا على 200°و بعد 5دقائق نقص الفور 180°
نحضر سيرو خفيف نعصر فيه حبة ليمون و كي تبرد نحيها من المول ونسقيها لازم يكون ساخن
والكريمة ساااااهلة
حطي 20غ شيكولة بيضاء تذوب في حمام مائي وكي تذوب نحطلها صفار بيضة ونخلط بسرعة ثم نحي من النار و نحط 100 غ petit suisse
و رشة فاني و برش نصف ليمونة و نخلط ممكن تحبيها اكثر حلاوة أضيفي ملعقة قهوة سكر وردي على حمام مائي و خلطي حتى تذوب
طلعي البياض ثم كي تبرد الكريمة أضيفه يعطيها خفة
هذه الكمية تكفي لطلاء الكيكة من الوجه و الحواف الي حابة تحشيها تضاعف الكمية
في التزيين انا زدت برشت قشور ليمون زادوها بنة
وزينت بالقشور على شكل وردات 
واوووووووووو
قمة الروعة باين لذيذ ة جدا
شكرا اختي لكن اين الوصفة
ماعليش غدوة صباح نشاله نحط الوصفة
تبان شابة يعطيك الصحة
تحفة شهتيني ربي يحفضك
بارك الله فيك اختي
هايلة
يعطيك الصحة
يعطيك الصحة
الله يسلمكم. وشكرا على مروركم
بارك الله فيك
عجبتني فكرة الكريمة بارك الله فيك
و شكلها تاني مليح
شكرًا ربي يبارك فيكم
|
المشاركة الأصلية كتبت بواسطة الأمنيات
 |
شكرًا اختي بارك الله فيك