السلام عليكم
جبتلكم اليوم تارت روعة شكلا ومذاقا بنينة
مقادير الكيك الإسفنجية
3حبات بيض
90غ فرينة
90غ سكر
رشة ملح
2م ص فاني
لتزيين
فواكه كيوي بنان أناناس خوخ او فرولة
سيرو كرام شونتي
1بوات كرام فراش
125ملل حليب
فواكه اقسميهاالى إثنين قطع صغار وقطع كبار
اضربي بيض و فاني وسكر ونخلي فرينة ثم ضفيها ضعي ورق الشمع في البلاطو
و صبي الخليط وحاولي تعدليها قدقد و أدخليها الفرن 5 د
كي طيب نحيها و قطعيها بل مول تاع قلب الكبير تاع لتارت
وسقيها باسيرو ثم لكرام وفواكه قطع صغيرة ثم قلب وسيرو وكرام دريها مليح ومن كل الجوانب
وزينيها بلفواكه قطع كبيرة وكرام بلابوش وكذلك الجوانب زينيها بلفواكه
نسيت نحطلكم لكرام
خلطي كرام شونتي وكرام فراش وطلعيهم بلحليب عادي وحطيها في ثلاجة ثم استعمليها
وأي استفسار راني في الخدمة.
راني حبيت نحطلكم صور لا كنني معرفتش لا أنا وراجلي هبلتو
باه يجبلكم صور من النت شابهو في لتارت لكن معرفناش رجاء
منكم نعتولنا كفاه
|
المشاركة الأصلية كتبت بواسطة ام انليز
 راني حبيت نحطلكم صور لا كنني معرفتش لا أنا وراجلي هبلتو
باه يجبلكم صور من النت شابهو في لتارت لكن معرفناش رجاء منكم نعتولنا كفاه |
شكرا لك الاخت الكريمة
أولا حبيبتي لازم تطلعي التصاور في الميكرو حاولي ديريهم في ملف خاص في البيرو
روحي لعمو قوقل اكتبي مركز الخليج
يخرجولك عناوين بزاف
كليكي على الاول مركز خليج يخرجلك جدول مكتوب فيه باركورير/////// هههههههه فرنسية مكسرة مدقشة ………/
المهم كليكي باركورير
يخرجولك بيرو/بوسط دو ترفاي وووووووووو
كليكي بيرو
يخرجلك قاع واش كاين في بيروك كليكي على الملف اللي فيه الصور و فتحيه يخرجولك الصور كامل اكليكي على الصورة واهبطي للأسفل ديري فتح
راح تتعمر الخانةالاولى في مركز الخليج
اهبطي للخانة الثانية بنفس الطريقة
كي تكملي كامل الصور ديري رفع
استناي حتى يرفعهم يخرجلك كل صورة و أسفلها كتابات روحي وين مكتوب رابط الصورة ديري كوبيي
وروحي لموضوعك اكليكي على المربع الاصفر يخرجلك جدول يقولك ديري رابط
أملا هذاك اللي كوبييتيه من مركز الخليج ديريه ثم وكليكي اوكي تطلع الصورة
اكتبي تعليق و لا أي حاجة وكل ما تزيدي صورة روحي جيبيلها الرابط من مركز الخليج و ديريه بنفس الطريقة
فهمتيني و لا نعاااود هههههههههه مكاش مشكل انا أستاذة موالفة نعااااود
هيا ذوقيني انا الاولى
صباح الخير عليك ياأخت رحمة
راني نجرب هذ راهي مرة الؤولى لرايح نحط فيها صور لا معرفتش
راني نعاود نسقسيك وشكرا بزاف على الرد