عملت تارت بالفرولة والكيوي لذيذة جدا
وقلت اقدم لكن المقادير والطريقة لكي اجربوها لانها قمة في البنة
المقادير
العجينة
250غ زبدة
250غ سكر عادي يعني كغساليزي
2حبات بيض
ملعقة صغيرة فاني
نصف باكي خميرة الحلوة
500غ فرينة
الكريم باتسيير
نصف رتل حليب
100غ سكر عادي
2 صفار بيض
50 غ نشا او مايزينة
ملون غذائي وردي اختياري
معطر الفولة
التزيين
فرولة كيوي او اي نوع من الفواكه
لاجولي
او الكولي تع الفرولة يعني قليل من الفرولة مع قليل من السكر تمكسيهم وتزييني به
الطريقة
بالنسبة للعجينة تخلطي الزبدة مع السكر حتي يذوب السكر قليلا ثم اضيفي البيض والفاني ثم الخميرةولمي بالفرينة
ابسطي العجينة بسمك 1سم وسويها في قوالب التارت صغيرة او كبيرةاثقبهابشوكة ودخليها اطيب حاولي تحمريها قليلا من الفوق
كطيب خليها تبرد قليلا ونزعه من القوالب وتقدري تعملي نصف المقادير المذكورة ثم حضري الكريمة بخلط كل المقادير بارد في بارد ثم حطيها على النار غيرتولي تبدا تعقد شوية فقط انزعها من النار وخلطي بدون توقف حتى يصبح قوامها كريمي حطيها فوق العجينة وزيني بالفواكه ثم حطي قليل من الجولي فوق النار كتذوب قليلا زيني بها فوق الفواكه او اذا ماعندكش حضري الكولي تع الفرولة وزيني به
اتفكروني بدعواتكن يا حبيبات
هنا عملت ميني تارت
وهنا قدمتها مع عصير النعناع والليمون المنعش
انشاء الله اجربوها لانها لذيذة وانانعملها حتى في رمضان بالفواكه الي تكون موجودة خوخ موز عنب الخ
مع تحيات اختكم ام اسلام وآية ويوسف
"أغلى شكر وتقدير لمجهودكم الموفق "
"تمنياتنا دوام التواصل للامام "
"جزاكم الله كل خير لما تبذلونه في هذا الصرح الرائع "
"حفظكم المولى وصانكم وبارك في رزقكم "
"جزاكم الله كل خير"
" ومتعكم بالصحة والهناء "
"اختكم مطيعة الرحمن تتمنى لكم كل النجاح الدائم"
|
المشاركة الأصلية كتبت بواسطة مطيعة الرحمن
"أغلى شكر وتقدير لمجهودكم الموفق " |
الف شكر اختي مطيعة الرحمان على دعوات الخير الي تشرح النفس ولك بالمثل حبيبتي
شكرا لك و جزاك الله خيرا
تارت روعة هذا هو وقت الفراولة
§§§ شهيتيني §§§
الله يبارك ويعطيك الصحة .
|
المشاركة الأصلية كتبت بواسطة amel_star
شكرا لك و جزاك الله خيرا
تارت روعة هذا هو وقت الفراولة |
مشكورة اختي على الرد العطر تسلميلي
|
المشاركة الأصلية كتبت بواسطة سيرينا لبنينا
§§§ شهيتيني §§§
الله يبارك ويعطيك الصحة . |
مشكورة حبيبتي سيرينا نورت موضوعي وشهيتك في الجنة حنونة
الله يبارك بصحتكم
يعطيك الصحة اختي ام سلام و آية و يوسف ربي يخليهملك ان شاء الله تكلوها بالصحة و الهنا………….بصحتكم
تهببببببببببببل يا ام اسلاام تهبل
يعطيك الصحة الصغار عجبوني بزااااف
بارك الله فيك
كنت نهدر مع اختي باه ندير تارت بالفريز و كيوي بصح قلت ندير تارتولات
يعطيك الصحة جات تهبل
تسلم ايديك مميزة ان شاء الله في ميزان حسناتك
سلمت يداك الله يبارك فيك
الله الله عليك ياحبيبتي هذي غيبة ملي روحتي مالقيتش روحي ماتغيبيش عليا هههههههههه تسلميلي يااحلا اخت
الله يبارك روعة ربي يسترك دنيا وآخرة