جاتني الفكرة ونفذتها ووالله جات هاييلة اسميتها تارت اsurprise
شوفوا صورة القطعة درك تفهموا
نخليكم مع الصور
الصورة صغيرة ماتبينش التفاصيل
ادخو للرابط تشوفوها يصورة اوضح
https://www.casimages.com/img.php?i=1…1455129168.jpg
وراني جئتكم بالوصفة اعدروني او Pc تاعي شوي معطل عليها نحط الصور نتعب بزااااف باه نتيليشارجيهم و من بعد نفرينييي نقول خللي غدوة نستعمل ipad نكتب منوا
يعني الحاصول نبقى نتنقل من جهة لجهة باه نحط وصفة….. علابالي كثرت الهدرة نبدأ مباشرة
العجينة استعملت عجينة الصابلي بالطريقة الاصلية الفرنسية تاع chef simon
مول تاع 8 حصات استعملي
250 غ فرينة
125 غ زبدة او مرقرين طرية
70غ سكر رطب ولا عادي
2 صفار
فانيلا
رشة ملح
ملعقتين حليب او ماء بارد على حسب الدقيق
في وعاء حاولي أمزجي الفرينة مع الزبدة والملح بطرفي الإبهام و السبابة لكلتا اليدين ثم حكي المزيج بأصابعك بدون ضغط و لما تتحصلي على مزيج مثل الكسكس اعملي حفرة في الوسط أخفقي الصفار مع السكر و الفانيلا ثم صبيه في الوسط وامزجي فًقط بدون ضغط و غلفيها ببلاستيك و احتفظي بها في الثلاجة
انتقلي لعمل الكرام باتيسيار (معروفة مقاديرها) كي توجد فرغيها في اناء وادهنيها بالزبدة و غلفيها ببلاستيك غذائي
نرجعوا للعجينة :حليها فوق سطح مغطى بالفرينة حاولي تحطيها في مول بلعقل خطاكش تتكسر معاك لكن ماعليش حاولي تسويها وتثقبيها حطي فيها ورق زبدة وفرقوا حبوب لوبيا او…..و طيبها 180°كي تحمار من الحواف أنزعي الثقل وخليها تطيب من الوسط و من الاسفل و من بعد خليها تبرد
تحضير الفراولة
نقيها مليح أغسليها وحطيها على النار مع عصرة قارص و سكر حسب الرغبة انا درت نصف الكمية و خليها تتهرس شوي و تعقد
حطي ورقة جيلاتين في ماء عادي تطرى 10د ثم انزعيها من الماء و حطيها مباشرة في معجون الفراولة وهو ساخن جداً و خلطي درك تذوب
خليها تدفى شوي و فرغيها في قلب التارت و سويها و حطيها في الثلاجة تحكم روحها ثم طبقة الكرام باتيسيار انا خلطت الكرام باتيسيار بla crème fraîche épaisse
3 او 4ملاعق ممكن تضربيهم قبل ما تخلطيهم
زينيها حسب الرغبة انا حبيت نغير شوي من الشكل التقليدي التارت فاحتفظت ب شوي سائل من معجون الفريزة بدون جيلاتين
وافرغت قليل بملعقة صغيرة و بطرف السكين عملت خطوط ابتداءا من منتصف السائل باتجاه الخارج و حطيت فراولة في المنتصف و هكذا
احتفظوا بها في المبرد ثم نحيها من المول و بالهناء و الشفاء اه ه ه ه ه راني تعبت من الشرح نتمنى يكون شرحي كافي ووافي
ايييييه نسيت هادي وصفة العجيييينة تخرجوا منها احسن صابلي ذقتوووه . جربوها و ماتنساوش تردولي
شكرا لك ممكن الوصفة
تورتة جميلة ممكن اختي الوصفة و الطريقة
الوصفة؟؟؟؟؟؟؟؟؟؟؟؟؟؟؟؟؟؟؟؟؟؟؟
نتمنى كل وحدة تحط وصفاتها تزيد تكمل خيرها وتحطلنا الوصفة
ماشاء الله اختي الينا بالطريقة راهي تهببببل
مممممممممممم تهبل اختي بصح ممكن الوصفة
بارك الله فيك
مشكورة على الصورة لكن نريد الوصفة من فضلك
شكرا لك وبارك الله فيك
شكراااا اخواتي!!
شكرا اختي…
العفو اختي
|
المشاركة الأصلية كتبت بواسطة جسر الأمل
 الوصفة؟؟؟؟؟؟؟؟؟؟؟؟؟؟؟؟؟؟؟؟؟؟؟
نتمنى كل وحدة تحط وصفاتها تزيد تكمل خيرها وتحطلنا الوصفة |
سامحيني اختي لا اقصد ذلك وانما يتعذر عليا ادماجهم في نفس الوقت لظروف صحية
شكرا جزيلا
|
المشاركة الأصلية كتبت بواسطة الصوامعية
شكرا جزيلا
|
العفو شكرًا على المرور الطيب