جبتلكم اليوم و صفة بيتزا مختلفة شكلا ، جاتني فكرتها فجأة و طبقتها و خرجت هايلة و الله ولادي وزوجي ماشبعوهاش ،
نبدأ على بركة الله
~~~~~~~بيتزا القوارب~~~~~~~
مقادير العجينة
كوب و نص حليب دافئ ، علبة يايورت طبيعي ، ملعقة خميرة خبز ، ملعقة سكر ، ملعقة صغيرة مسحوق الثوم ،
نصف ملعقة مارغرين ، ملعقة صغيرة خميرة كيميائية ، فرينة
نضع الخميرة مع الحليب الدافئ السكر و نتركها جانبا حتى تظهر الفقاعات نضيف باقي المقادير ما غداً الزبدة ، و نضيف الفرينة حتى تتشكل عندنا عجينة رخوة و طرية و تلتصق باليد ، نعجنها جيدا ثم نظيف الزبدة و ندخلها جيدا في العجين ، ًو نتركها تخمر ، اذا كان المكان دافئ 15د الى 20 د كافية
مقادير الحشو
طماطم طازجة منزوعة القشر و البذور و مفرومة ، القليل من اللحم المفروم ، فلفل حار مقطع ، زيتون اخضر مقطع ، فطر مقطع ، دبشة ، ملح ، مسحوق الثوم
جبن مبشور ، انا استعملت خليط من الموتزاريلا و الجبن الاحمر
جبن مثلثات مقطع
مطهي كلشي في مقلاة حتى تتداخل المكونات
يمكن تغير الحشو على حسب الموجود ، دجاج و طماطم ، تونة ، سلق ، بطاطا مقلية ، شكشوكة ، حميس ، كلها جي لذيذة
الطريقة
نقسم العجينة الى كريات صغيرة
نطرح كل كرية رقيقة و نزيد نأكد رقيييييييقة
نضع الجبن و الحشو و نوزعوه حتى الحاشية ، باه كي نروليو جي العجينة كامل فيها الحشو
نشكلوهم بهذه الطريقة على شكل قوارب ثم نجمعو هم بهذا الشكل في بلاطو مدهون بالزيت
ندهن الحواشي بزيت زيتون ، او حليب حسب الرغبة ممكن نرش جلجلانية او زعتر
نخليوها تطلع عشر دقائق و نطيبوها في فرن سخوووووووووون مسبقا ، و اللي عندها المروحة من الاحسن تشغلها
و هذه النتيجة صدقوني لذيييييييييذة جدا
~~~~~~~وردات السلق~~~~~~~~~
كنت مرة شفت وردات صابلي محشيين بالتمر ،
عجبتني الفكرة و طبقتها على عجينة البيتزا و جات اممممممممم و لا اروع
هذه الوصفة استعملت نفس مقادير العجين لي فوق
اما الحشو كان
سلق مقطع و مفور ، القليل من الطماطم المصبرة ، دبشة ، ثوم ، بهارات ، ملح
نطيبو كلشي فوق النار حتى ينشف السلق من الماء و تتداخل المكونات
و التشكيل يكون كالتالي
نطرحو القرص الاول بيدينا و نحطو الحشو
نغطيو الحشو بقرص ثاني
ًو نغلقو مليح الأطراف
نبسطو القرصة بدينا مليييييح
نقصوها بهذا الشكل
كل جزء ندوروه بهذه الطريقة
ندهنوها ببيض و نرشوها بسمسم او أعشاب مجففة و نخليوها تخمر شوي
و ودخلوهم فرن سخوووووووون مسبقا ، و هنا بعد ما طابو
~~~~~~في امان الله~~~~~~~
ما شاء الله زينوبة يعطيك الصحة
وربي يجازيك على كل ما تقدمين
فعععلا في غاااية الروووعة
ماشاء الله عليك زينب ،انت ام الافكار رووووعة تسلم الايادي
امممممممممممم الله الله على بنت بلادي حرة لحراير بارك الله فيكي
رووووعه بارك الله فيك
امممممممممممممممم كور وديكور العلامة الكاملة تستحقينها
يعطيك الصحة يا الفحلة
اممممممممممممممممممم وامممممممممممممممممممممم وامممممممممممممممممممممممم روووووووووووووعة
يعطيك الصحة
مالقيت غير نقلك الله يبارك فيك ويحفظك تحفة وروعة نخبي الوصفات لرمضان ادا كنا من الحيين
وااااااااااو روعة ربي يباركلك ويزيدك من خير
ماهذا يا زينب سخفتيني تستاهلي الفوز سفرتك كانت روووعة الف مبروك
يعطيك الصحة زينب كل حاجة من اديك تخرج روووعة ما شاء الله عليك
رووووووعة البيتزا خرجتلك تحفة ماشاء الله عليك فنانة باتم معنة الكلمة ربى يجازيك ويبارك فيك اختى زينب
يعطيك الف عافية حبيبتي زينب يسلم يديك واي حاجة من يديك تخرج روعة.