هدي اول مرة نحط وصفة ان شاء الله تعجبكم
الوصفة هي البيتزا معشوقة الجماهير
لكن للاسف ماقدرتش نصور جميع المراحل
المقادير خاصة بيا و اللي حبت تزيد و لا تنقص
5 كيسان فرينة + 2 مغارف لحظة + 2 مغارف سكر + 2 مغارف زيت + ملح + 2 مغارف خميرة في صحن كبير شمخي بالماء حتى تتحصلي على عجينة ادلكيها مليح في الاخير زيديلها 2 مغارف مارغرين طرية و عاودي دلكيها مليح حتى تدخل المارغرين في العجبن و تختفي تماما ادهنيها بالزيت و خليها تتخمر
فشيها (خرجي منها الخمور ) و خليها ترتاح شوية
حليها على شكل السنيوة اللي تحبي
شكلي كريات صغيرة احشيها بالجبن كوريها حطي الكرات على الاطراف
ضعي الصوص في الوسط و زيدي واش تحبي
انا حطيت الزيتون و الجبن رابي فقط
ادهني الكريات مع الاطراف بالبيض و رشيها بالجلجلان او الحبة السوداء
طيبيها حتان تتحمر
شهية طيبة
ان شاء الله تكون واضحة الطريقة لاني اول مرة نحط وصفة في المنتدى
يعطيك الصحة شكلها رلئع ويشهي
اتمنى لك التوفيق
هايلة احسنتي
ممممممم تشهي الله يبارك
بارك الله فيك نفس طريقتى لكن التزيين يخلف انا نحط كريةو جبن والاخرى كاشير
اين الصورة؟
بارك الله فيك