السلام عليكم و رحمة الله و بركاته
بسم الله
اليوم بعد سؤال الأخت عبير ريمة على التابل , جاتني فكرة إني نجاوبها بالصور و نزيد نحط كل البهارات اللي عندي حاليا في المطبخ 
, يمكن تفيد أي أخت معانا 
.
و أتمنى لو يكون الموضوع فيه تجاوب يعني كل واحدة منكم تضيف بهاراتها هنا : حتى يصبح الموضوع خزانة مطبخ الجلفة .
أبدأ على بركة الله : بالطبع من بعد استئذان الملح و الفلفل الأسود 
لأنهم معروفين عند الجميع
التابل :
هو حبوب الكزبرة الجافة (بذورها) من المستحسن الإحتفاظ به على شكل حبوب, و كل ما تحتاجيه تهرسي منه القليل يكون أفوح,
نستعمله في تفويح اللحم البقري, السلاطة المشوية, الهريسة الحمراء.., الملوخية…
الكروية :
يحفظ حبوب و يهرس عند الحاجة, نفوح بيه (مع التابل) السلاطة المشوية و الملوخية , و نستعملو وحده من غير تابل لتفويح السمك المقلي أو السمك في المرقة أو الشربة. و نحطو مع التاي الأخضر في حالة مرض الأطفال بالكحة.
أعواد القرفة :
نحطو في الماء اللي نفور فوقة الروز الجربي, و في الماء اللي نسلق فيه الروز الأبيض.
عود قرنفل :
نحطو واحدة فقط في مرق الكسكسي (أحنا عندنا الكسكسي أحمر), و 3 حبات مع الكسكسي اللي يفور من فوق.
بهارات لسلق الروز الأبيض :
علبة : متكونة من ورق رند صغير , حبات بسباس, عود قرنفل , حبات هيل, حبات فلفل أسود و أضيف لهم أعواد القرفة لسلق الروز.
تابل و كروية مرحين :
تابل و كروية مرحين عند المطحنة : رقيييييق نفوح بيه السمك في كل طرق الطبخ و خاصة المشوي و المصلي.
الكركم (سيد المطبخ ) :
نحن في تونس لا نطبخ الأكل الأبيض : إما أحمر و إما أصفر , أي بالكركم. و له منافع عديدة يكفي أنكم تلاحظو أن الهنود (اللي هوما أكثر شعب يستعمل الكركم) لا يشيخون أبداااااااااااا : عجائزهم أصغر من شبابنا ما شاء الله عليهم.
المهم استعمال الكركم في كل الطبخات المالحة , و خاصة تفويح السمك و كل أنواع اللحوم, و في كل أنواع المصلي, و في بعض أنواع الخبز .
الفلفل الأحمر ( و هل يغيب القمر 
) :
كل أنواع الأكل اللي لونهم أحمر, يمكن الإستغناء عنه في الشربة.
النعناع الشايح:
يحك بين الأصابع فيصبح رقييييييييييق جدا : نفوح بيع السلاطة, الروز الجربي, المحمص بالقديد, و حتى إذا لم يتوفر النعناع الأخضر الطازج لطبخ الشاي الأخضر يمكن تعويضه بهذا.
كليل و زعتر شايحين و مرحين : ( بطل المطبخ هههههه )
هذا مكون هاااااااااايل : نفوحو بيه الدجاج, صالصة البيتزا, و نحطو مع الفرينة في : العجينة البريزي و عجينة البيتزا. يعطي مذاق راااااااائع. و في نوع صالصة للمقرونة.
القرفة المرحية :
نفوح بيها الروز الجربي, و نستعملها في نوع المعجنات : السينابون.
أعواد كليل شايح (اللي عنده الطازج يكون أفضل) :
نفوح بيه صالصة البيتزا, و كل أنواع المصلي, و يمكن إضافته للشاي
الزعتر الشايح :
نفوح بيه صالصة البيتزا, و في نوع من صالصة مقرونة , و يمكن إضافته للشاي في حالات إلتهاب الحلق.
الكمون :
يهرس و يضاف في مرقة إسمها كمونية باللحم البقري و الكبدة, و نفوح بيه السمك لما يكون السمك غير طازج كما أريد.
و بالطبيعة أوراق الرند مع أعوادهم : للمقرونة و الملوخية……
هذا اللي لقيته في مطبخي حاليا ههههههه إذا تفكرت حاجة أخرى أضيفها إن شاء الله
و تو دوركم إنتم : شنو عندكم في مطابخكم؟؟؟؟؟؟؟؟
ملاحظة : فقط دعوة خير لأمي , هي اللي كل صيف تحضرلي البهارات اللي نجيبهم معايا لهنا, ربي لا يحرمني منها.
السلام عليكم …بارك الله فيك اختي على هدا العمل الممتاز وجزاك خيرا..
ربي يبارك فكرة مليحة ماشاء الله
ربي يخليلك الوالدة الكريمة اختي انا امهم
راكي ما خليتيش هذا مش مطبخ وقيلا فاتحة محل اعشاب وتوابل ماشاء الله
ما عندنا مانزيدوا عليك
يعطيك الصحة
بارك الله فيك…جعل الله اعمالك في ميزان حسناتك…
جزاك الله و امك كل خير..
بارك الله فيك هذا ما كنت أبحث عنه
يعطيك الصحة حنونة هايل
بارك الله فيك اختي ، راكي كفيتي و وفيتي ، لاحظت انك تحبي بزاف التوابل و انا ثاني نعشقهم ونحاول يكونوا عندي كامل .
يعطيك الصحة
بارك الله فيك اختي على هذا التقرير الشامل
جعله الله في ميزان حسناتك
شكرا على الموضوع الجميـــــــل
ما عندنا ما نزيدو فوق واش حطيتي راكي وفيتي وكفيتي نفس التوابل موجودة عندنا في المطبخ فقط الهيل منستعملوهش بزاف بارك الله فيك
بارك الله فيك ,نفس التوابل المستعملة عندنا
الله يحفضلك الوالدة ويطول في عمرها’
كل صيف نأت بالتابل والكركم من تونس وبالتحديد من المنستير
دون ان أنسى زيت الزيتون
الله يبارك فيك كفيتى و و فيتى
شكرا جزيلا لك
ما شاء الله ما كاش فرق بيننا
نموت على الطبخ التونسي خاصة الكسكس نتاعكم لا يقاوم
ايه ولهريسة رانا في حدود تونس ههههههههه
ربي يهنيك الاخت راكي وسعتيلنا دائرة الثقافة في اذانتظار جديدك