السلام عليكم
لبنات وأنا انحوس في المنتديات
لقيت طريقة تضمني بيها الربعات يجوا قدقد
لاطالع ولا هابط
وذلك بسل الخيط اللي بعده ايخلي مكانه خط
نعملوا نقاط على حافة القماش ومن بعد انسلوا خيط اللي تحت النقطة تماما
وبذالك نحصلوا على خطوط طول وخطوط عرض يعملونا مربعات
هي صعيبة لكن انا جربتها في قطعة قماش صغيرة
صباح الخير
و الله يا هندة السوفية هذي الطريقة عرضها قبل في الورشة و الاستاذة فيفي قات بلي متجيش مليحة في الخدمة و يجو الوردات فارغين
على فكرة انا لي راح نخدم التروسو بغرزة الياسمينة
صح هنودة قالت الاستاذة فيفي انوالطريقة متخليش الوردات واقفين ورايحه تورينا طريقتها هي
وأكيد مضمونة……يعطيك الصحة عالاهتمام
صباح الخير لبنات
ايواه راكم متبعين وشاطرات ماشاء الله
ايه لانو لما تسلو الخيط بالطول وبالعرض المكان لي راح نحكمو فيه الخيط راح يكون فارغ و هكا مايحكمش مليح
فهمتوني من الاحسن نعملو بالنقط ما يبقى حتى اثر
والمساء ان شاء الله نحط الدرس الاول
شكرا ليكم
لكن انخاف نغلط
والا انميل
اختي ايسويتس راكي حافظة الدرس هههههه
ما شاء الله الله ايعينا
لما نسلو الخيط تتحل الغرزة وجي ماشي باهية انا جربتها في مخدة ورجعت تحلت كامل مشكورة على الاهتمام
و الله ياهندة لازم نحفد راهو كوفرلي ليلة العمر
هههههههههههههههههه
نحنا الراجل ايجيبه ابيض
والمرأة الوردي اليوم الصباحية
خص انجيبله فراش العرس
هههههههههههه
ربي ايسهلنا
انا مش مخطوبة لكن متفائلة هههههه
واش يسطرك يا قماش يا ماااااااااااااااااما ان شاء الله الاخت فيفي تجيبلنا طريقة سهلة
ههههههههههههه
ايفرجها ربي
وفي الاتحاد قوة
ايه يا هندة حنا الراجل يجب الدار و الشمبرا ودير العرس و العروسة تجيب كولش
الكنبيات و المطارح و التفريشات و لي كوفرولي و الزور و الزرابا و الريدوات و الكاش ريدو والمكوات و الطابلة تاعها و دروات زيدي واش نزيدك راح نهبل
أنت من اي ولاية
باش كيف ايجيني واحد من ولايتك
نعرف وش انجهز روحي
نحنا نتعاونوا
وزيد هو يدفعلها دراهم
متكفيش لكن تعاون
يسلمو اختي هند انا تاني لما نعمل السموك نسل الخيط
شكراااااااااااااااااا
|
المشاركة الأصلية كتبت بواسطة fifi180
 واش يسطرك يا قماش يا ماااااااااااااااااما ان شاء الله الاخت فيفي تجيبلنا طريقة سهلة
|
اهلا اختي وعلاش تسطري القماش كامل ديري فكرة التنقيط و الاستاذة فيفي شرحت الطريقة وانا جربتها سهلة جدا
صح فكرة التنقيط تجي خدمتها باهية خير من السل اشرو ورق مقوى كبير راه كاين حتى ميترة وعملو كيما وراتلنا الاستاذة فيفي الله يحفضها