السلام عليكم حبيباتي هذا اول موضوع لي في لمنتدى
البارح درت البغرير احنا في الشرق نقولو القرصة أو الغرايف المهم جاء رائع جدا
وراني طيبتوا في المقلاة برك وجاء هايل علابالي في الطاجين احسن المهم اليكم الطريقة
الخطوات الأولى كي بليت العجينة وعجنتها ما صورتهاش المهم تحطي السميد (من نوعية مليحة ) لانو نوعية السميد تعمل دور في نجاح البغرير انا ندير لكل خبزة تاع كسرة مغرف قهوة خميرة فورية وندير شوية زيت حوالي مغرف كبيرة زيت وشوية ملح المقادير نديرها بعيني يعني ماشي بمقياس ثم نبلها مثل الكسرة ونخليها ترتاح حوالي نصف ساعة ونعجنها حتى تولي رطبة وطرية واذا لزم الامر نزيد الماء دافئ وباقي الخطوات باللصور
وللأمانة راني حطيت حوالي ملعقة صغيرة خميرة الحلوى قبل ما نطيبوا وخليتوا حوالي 10د ثم طيبتوا وهذا سر الخفة تيعو بصح مرات ما نحطش كي نلقاه
مثقب ما نحطش الخميرة تاع الحلوى بصح هي تخليه خفيف بزاف وما تكثروش منها لانها تجري الخليط وحطوها قبل ما تطيبوا ب5 او 10د لانها سريعة المفعول
ونصيحة اخرى لكان كنتو راييحن تحطو الخميرة تاع الحلوى اتركوا المزيج ثقيل لانها تتفاعل وتطلق المزيج يعني كي تحطوها يجرا
السلام عليكم ورحمة الله وبركاته
mmmmmmmmmmmmmmmmmmmmmmmmm bniiiiiiiiiiiiiiiiiiiiiiiiin
جاك رووووووووووووعة
ممكن الطريقة
شكرا على الردود صابروني حتى نخلص نحمل الصور في موقع التحميل ونكتب عليهم اسمي واسم منتدانا العزيز وطبعا نحطلكم كل شيئ بالصور شكرا ام محمد ميدو على بالك نحبك بزاف واستفدت منك بزاف حبيت نتعرف بيك معرفتش كيف ماه نتصل بيك على الخاص لكي اعطيكي حسابي في ال س ك ا ي ب؟؟؟
ماشاء الله جاوك روووووووووووعة ممكن الطريقة
جاك روعة يسلموا
يطيك الصحة خرج قاع مثقوب و باينة شاطرة بزاف كيعرفتي بلي البغرير إجي مليح كييتخلط باليد أنا ثاني نخدمو نبداه كيما الكسرة نخلي العجينة قاسية شوية و نبدى نعرك و نطلق فيه بالماء حتى نجريه و الله يخرج هايل
شكرا my lamis على الرد بصح أنا ثاني كنت نطلق بيدي بصح بالميكسار اسهل كي نحط الصور تفهموا عليا كيفماه درت حطيت العجينة داخل الميكسار وحطيت عليها الماء دافي وخليتوا دار حوالي 05د ولا مطلوق وطبعا كنت الاحظ نقطع الكهرباء ونحل نشوفوا الا مازال خاصو الماء نزيدو
سخفتينا يعطيك الصحة
اعطينا الطريقة من فضلك
بارك الله فيك اختي جاوك روعة انا ثاني نعملهم في الروبو نتاع الجي ونطيبهم على المقلة الله غالب ماعندي الطاجين بارك الله فيك للمرة الثانية ننتظر الوصفة عزيزتي
راني حطيت الصور شوية تشجيع من طرفكم لاني تعبت في ادراج الصور بما اني مبتدئة اول مرة نحط موضوع شجعوني وللعلم أنا طباخة ماهرة هههه حوحو يشكر روحو هيا شجعونييييي
|
المشاركة الأصلية كتبت بواسطة loubna2
 شكرا على الردود صابروني حتى نخلص نحمل الصور في موقع التحميل ونكتب عليهم اسمي واسم منتدانا العزيز وطبعا نحطلكم كل شيئ بالصور شكرا ام محمد ميدو على بالك نحبك بزاف واستفدت منك بزاف حبيت نتعرف بيك معرفتش كيف ماه نتصل بيك على الخاص لكي اعطيكي حسابي في ال س ك ا ي ب؟؟؟
|
شكرا عزيزتي لبنى والله غير انا ثاني نعزك انشاء الله نصيب طريقة و نتصل بيك