مشكلتي
انا فتاة رزينة ثقيلة كما نقولو من بكري هك لم اعش قصة حب تاع مراهقة لطالما كان لدي فكرة الحب يرتبط بزواج فقط ومرة كنت جالسة مع فتيات يهدرو على شاااب يعني مخلعين فيه يهدرو ويعاودو لم اهتم بلامر بتاتا لاني متعودة شاءت الصدفة ان تجمعني بيه ونا طول دخل قلبي لانو نظرتو ليا مليانة حناااااااااانة حنوون عليا بزاف ومهتم وعلى فكرة انا طفلة شوي نحب لحنان فوق لازم اكتشفت انو متواضع ماش كما يقلو عليه شخص طيب هادئ
كان يجي فاتحني فلموضوع انا نغلقو
بحكم كنت صغيرة
قالولي لبنات هو مشهور عندو لملاين من لمعجبات صح لازم تبعدي عليه لانو ادا ارتبط بيك يخليك
ونا كماقلت الحب مرتبط بزواج
انا اختفيت يجي يهدرو منهدرش معاااااااااه
كنا فلباك هداك لعام قلي اسمعني ماش قادر نراجع انا قتلو انسى لموضوع مجرد مشاعر مراهقة
رغم انو كان قرااااي ماجابش لباك انا جبتو
عام متلقيتيش بيه لعام لفات
هه هو طلع وتلاقيت بيه بصح يالها من كاااااارثة عندو صديقة ومن تكون لفتاة لكان يقولي عليها منحبهاااش تجري موريا ونا منحبش هكنحب لي نخيرها
نظرني نظرات غريبة لم يكلمني ابدا
كلما تلاقي بيه صدفة في جامعا نحسو مزالو يحبني لغة العين تاعو تقول كي كون معها لايهتم بيها ابدا بل بي
ومنحسوش يحبها ابدا
انا قلت يا ليته احبني الان لاننا كبرنا ونقدرو ن فكرو نكملو حيتنا ونرتبط بلحلال
ماذا افعل كي يتوقف الالم لانو نضراتو تقتلني
نقولك يا اختي ونتي ادرى بمصلحتك قلتي بلي كون غير حبك ونتوما في الجامعة وعلابالك لقراية تروح ما تعوديش قادرة تقري وحتى هو ولازمكم كل يوم لقاء ان لم نقل كل وقت ومع مرور الوقت ادخل سانتاز وراطراباج ومشاكل معاه بلعكس هكا راكي مهنية خير تفرغي لقرايتك وتزيدي تكبري في عينو واذا صح يحبك كي تكملي راه يتقدم ليك احسن ما ضيعي قرايتك وتولي في مشاكل معاه ومع داركم وشبهات الخ مع احترامي الكامل ليك وزيدي فكري
مجرد ترهااااااااات مراهقة تبعي قرايتك احسن والحب يجي مع الوقت ويجيب الزواج
شكون يفهمك ولا يحس بيك …ممكن نضرة منو تعنيلك الكثير وخاصة انو كان يحبك من قبل وانت راكي تعتاقدي بلي مزال يحبك …نعم انت تعتاقدي لكن …ان كان يحبك …لاه راه مع اخرى …ممكن يكون تجاوز وعايش حياتو …وانت هنا تطلمي روحك …نروح معاك واذا مازال يحبك ..مش راه يظلم في الشابة الي راهي معاه …..قبل هذا وذاك ….. انت راكي مليحة كي راكي بعيدة عليه نقلك لاه لانك رايحة تقربي منو رايح يجرحك سواء حبك ام لا …لانو طبيعة العلاقة تفرض فشلها …. من عندي قبل ما تفكري بقلبك اعطي شوية وقت لعقلك ….ربي يكون معاك ؟؟؟
سلام يالحبيبة
انا ننصحك يا اختى تشوفى فى قرايتك خيرلك و باينة راه عندك مشاعر اتجاه هدا الشخص ادا كان ما زال يفكر فيك راح يعاود يجى عندك ويفاتحك تم قوليله يخطبك من والديك
اما ادا كانت مجرد نظرات انا نقولك غير نسيه خير ما تعانى الم مت البعد وهو اصعب من الفراق
وافضل حاجة للانسان الصلاة وكترة الاستغفار و الله يفتحها عليك فى اقرب وقت اللهم امين
السلام عليكم
خودي ر ايي نظراتوا تقلك و لا متقتلش
اياك و انجرار وراء مشاعرك اختي الغالية راهي قادرة تديك للهوايةلا سمح الله
ابعدي افكار هذي خلاص من بالك نتع نظراتوا بان بلي مزال يحبني
الرجل الجزائري راهو رومنسي غير مع حلالوا مي مع بنات الناس يلعبها برك راجل ونص وهو 0
ونتع فركة مداش الباك برغم انه قاري كاين الي قاريين ومداوش لباك على الضربةالاولى مهوش سبب بلي راهو بسببك انت مداش الباك راهي تفهات برك ومجرد حجج
مع احترماتي للجميع الرجال لانهم مشي كامل هكة خاطركاين الي يفهم مليح وين الحرام و وين الحلال
حسب وش هدرت باين فيه نتع بنات ومهوش جدي او بالاحرى مزال في سن المراهقة مسكين سن المراقهة نتاعوا طول بزاف ويحبلوا بش ينضج اسو غراتوا لبنات الي يجريو وراه شبعان على روحوا
والي كيفيوا راهم الف
ومن حكايتك وكاني نعرفك و نعرفوا ممممممممممم
معليناش
نقلك ربي حفظك اختي ويقرب ليك غير ولاد لحلال ومتزعفيش مني حنونة راني بنت كيفي كيفك الي يقسك يقسني
وعليكم السلام
ننصحك نصيحة من اختك اخطيك منوا اوكي راهو نتع بنات نهار يفيق مع روحوا يلقاك انت بنت الفامليا صايي طرتي من يدوا
| انا قلت يا ليته احبني الان لاننا كبرنا ونقدرو ن فكرو نكملو حيتنا ونرتبط بلحلال
ماذا افعل كي يتوقف الالم لانو نضراتو تقتلني |
لما كنتي مراهقة كنتي تفكري مثل الكبار .. لكن لما كبرتي رجعتي تفكري كالمراهقين …
في الحقيقة الألم الذي تحسين به هو بسبب نظراتك أنت .. فعليك غض بصرك حتى يتوقف ذلك الالم ..
و أنصحك بصرف تفكيرك الى دراستك فقط .. فأنت في الجامعة للدراسة و ليس للارتباط في الحرام ..
يا أختي اتقي الله في نفسك فإن كل أعمالك و أقولك مسجلة و ستُسالين عنها يوم لا ينفع مال و لا بنين إلا من أتى الله بقلب سليم …
و اعلمي أن ما تمرين به اليوم هو ابتلاء فنحن في دار البلاء .. و من ترك الحرام لله عوضه الله بخير منه في الدنيا و الآخرة ..
و اعلمي أن هذا الشاب لا يصلح اليوم للارتباط في الحلال .. فالذي يبحث عن الحلال لا يرتبط مع البنات في الحرام ..
فلو قدر الله و تزوجتي مع هذا الشاب فتأكدي أنك سترجعين هنا لتكتبي مشكل آخر عنوانه " زوجي يخونني ماذا افعل ؟ " …
اليوم أمامك فرصة لاختيار مستقبلك و تصحيح مسارك .. فهل ستختارين طريق العفة حتى ترتبطي برجل عفيف و يرضى عليك ربك .. أم ستختارين طريق المنحرفين فقط لانك أحببتي شاب قضى حياته في أحضان البنات .. خلي عندك كرامة .. فأنت تستحقين خيرا منه …
تقوى الله بغض البصر .. غض البصر ثم غض البصر … هذا هو دوائك
بالتوفيق ان شاء الله
اختي الكريمة
انت تحسي هكذا لانك تحبيه تحسي انو يبادلك نفس الشعور لكن احساسك خطا لانو لو صحيح علاه عندو صديقة وعلاه مهدرش معاك ولا في بالك راهو يحبك بينو وبين روحو طبعا منظنش شخص يجرو موراه الف بنت يكون بالبراءة هادي
وزيد انت قلتي الحب عندك معناه الزواج شاب في بداية حياتو يدرس سنة اولى جامعة واش من الزواج اللي راح يخمم فيه
تعوذي من ابليس واتلهاي في قرايتك احسن
|
المشاركة الأصلية كتبت بواسطة مشكلتي
 مشكلتي
انا فتاة رزينة ثقيلة كما نقولو من بكري هك لم اعش قصة حب تاع مراهقة لطالما كان لدي فكرة الحب يرتبط بزواج فقط و |
اتمنى ان تبقى هكدا ونظراته انت سمحتي لنفسك ان تلاحظيها ….غضي بصرك ولن ياتيك من تقوى الله الا كل خير …لاتفسحي للشيطان باب و لا تمشي وراء هواك فهوى النفس يوم هنا ويوم هناك ….ومن ترينه اليوم عضيما قد تدفعين اياما من عمرك الثمين وقسما كبيرا من سمعتك الغالية لتكتشفي انه وهم انت رسمته.
ان كان فيه خير لك فلن يبخل الله عليك به
اختي نسال الله ان تضلي رزينة وثقيلة لانهما عملتان نادرتان في هدا الزمان …حفظك الله وجعلك قدوة لغيرك ومفخرة لااهلك وزادك علوا في اعين الاخرين.
نصيحتي لك من القلب فارجو ان تصل الى القلب
اقرايتك خيرلك بركاك من الأوهام
يا بنيتي اكملي دراستك واخطيك من احلام مالها
طعم
راح تتعذبي اكثر واكثر اذا بقيتي تخممي فيه
فكري في روحك
و شوفي ولد الحلال اللي يجي من الباب ماشي من التاقة
ولا التليفون
وربي يوفقك
انساي وتجاهليه بالعكس تحداي نظراتو كي شغل
ما تسواش غرام عندي
والفخار يكسر بعضاه.
تريدين ان تشتري عذابك ؟
تندمين لانك لم تتركي لرياح الحب مجالا في فترة الثانوية !
اذا كنت فعلا تريدين الارتباط به , فهذا يعني انك تريدين اكمال ما تبقى من حياتك في الندم !!
ةيف ترغبين في رجل يملأ فراغ وقته بصحبة فلانة وعلانة من البنات ؟
بصحبة من هب ودب من أحب ومن كره ..
هل هذا تريدينه زوجا لك ؟ وأبا لأولادك ؟
أظنك تستحقين من هو أفضل منه ..
فلا تأخذك الرغبة في الارتباط الى واد سحيق لا مخرج منه
………momkin hasin36 mojawabti 3la hadaلحظه غضب
لماذا ؟؟؟
عندما نحب شخصا نراه ملاكا طاهرا ,, ننسى جميع عيوبه وتمحده بأجمل الصفات نجعله كالطفل البريء ونصفه بصفات الملائكه
فقط لأننا أحببناه ,,
يكون بأعيوننا ملك جمال لا أحد مثله ولا يساويه نشبهه بأجمل مخلوقات الله ( فقط لأننا أحببناه)
لكن
تعالو نرى لو أننا اختلفنا معه ,, أو دار بيننا نقاش حاد
أولا ,, نغضب ,, نسب ونشتم ,, نجرح مشاعره ,, نصفه بأقبح الصفات ,, كان بالأمس ملاكا والان أصبح شيطانا ؟؟
أين معنى كلمه أحبـــــــــــــــــــــــــــــك !!
أين تلك الوعود الجميله ؟؟!
أين اللحظات الجميــله التي جمعتك به ؟؟
أين الأماني ,, الوعود ,, الذكرايات ,, أين الضحكات .. الرموز التي كانت بيننا ,, الأشياء التي كانت تجمعنا
هل سوف تنساها لمجرد أنك أختلفت معه …
أين قلبك ,, عقلك ,, هل سيغلبك الشيطان لمجرد خطأ بسيط ؟؟!
هل أصبح الان أسوء الناس ,,,
حسنا
أذهب وعاند قلبك وعقل وأفعل ما تشاء ,,
أذهب في عالمك
وهو أيضا يذهب في عالما
لكني أقولها لكـ
سوف تستفقده يوما ما
تشتاق له تتشوق لسماع صوته
لأن تراه ولو صدفه ,,
سوف ترى جميع الأماكن التي جمعتك به ,, تناديك
تذكرك به
..
..
_لكن بعد فوااااااااااات الأوان _
لذا
أدعوك دائما عندما تغضب .. أن تحاول أن تهدء تبتعد عن الذي غضبت منه فتره إلى ان تشعر بالهدوء
وتـــــذكـــــــر
إن الشيطان في تلكـ اللحظه هو الذي يسيطر عليكـ
فأرجوك
أرجوك لا تجعل هذا اللعين
ينتصر عليك
بقلمـــي
السلام عليكم أختي أنصحك أن أردت الحصول على قلبه حقا أن تكملي دراستك وقولي دائما لا لقلبك حتى وإن كان يحبك سيحبك أضعافا لا تضعفي سيفك أنك ككل الفتيات كوني المميزة أعلم تتألمين ولكن صدقيني النتيجة ستكون لصالحك ويم تحصلين غليه ويكون من نصيبك وسيخبرك بنقسه أن رفضك له هو ما جعله يحبك والله ولي التوفيق وأحبرينا بما يحدث معك حظ موفق