دوم الله هناكم ومحبتكم
اليوم حبيت نحط وصفة البصطيلة لامي الغالية ربي يحفظهالي وجميع امهات المومنين
المقادير
1 دجاجة او اقل (انا استعملت دجاجة ونقصت 2 أفخاذ)
5 بصل
كيلة لوز
توابل (فلفل اسود + سكنجبير + قرفة + كركم )
ملح
سكر رطب
زيت
زبدة للدهن
أوراق ديول (أنا استعملت 10 أوراق)
في الاول نقلي 1 بصلة مقطعة مع الدجاج بشوية زيت + توابل ( فلفل اسود + كركم + سكنجبير) + ملح.. ماستعملتش القرفة لانو استعملتها في التزيين
نقلي مليح و نمرق بالماء …حتى تغطي فوق النصف نتاع دجاج اذا استعملتي الكوكوط… او مرقي كيما تحبي اذا استعملي قدر عادي
نخلي الدجاج نتاعي يطيب… انا خليته 20 دقيقة في طنجرة الضغط
نقطع 4 بصل كبار الى شرائح رقيقة.. ونقليها بالزيت + فلفل أسود + ملح
في الوقت لي تطيب في الدجاج والبصل.. نحمر اللوز نتاعي ونطحنه
مين يطيب الدجاج.. نصفيه ونخليه يبرد
انا المرق نتاعه نستعمله باش نطيب الارز يجي بنين
مين يبرد شوية الدجاج.. نفته ونحيله العظام
ونضيفه فوق البصل ونزيد نقليه شوية (البصل نتاعنا دجا يكون نقلى مليح)
الان طريقة صنع البصطيلة
في الاول ندهن المول نتاعي اكيد بالزبدة
وندهن اول ورقة نتاع الديول بالزبدة ونحطها في المول
كل مانجي نستعمل ورقة نتاع الديول ندهنها بالزيدة
ثم نحط في جنب المول 5 ورقات.. ورقة بورقة
نعاود نزيد ورقة في الوسط
مع الدهن دايما
نحط النصف نتاع اللوز
ثم ورقة ديول
ثم الدجاج نتاعي بالبصل
ثم ورقة ديول
ثم النصف المتبقي نتاع اللوز
ثم ورقة ديول
ونغلق بالاوراق نتاع الديول لي على الجنب
نثبتهم مليح بالأعواد cure dent
ندهن بالزبدة
وندخلهم الفرن على درجة حرارة 200 حتى تحمار مليح … ونشعل عليها من الفوق باش تحمار تانيت
مين تطيب البصطيلة نتاعنا نزينها بالقرفة والسكر رطب
هذي هي طريقتي في التزيين
وهذي في طبق التقديم
تحياتي وماتنساونيش من دعائكم 
سلااااام 
يعطيك الصحة
بربي نجربها و مافيش أحلى من وصفات الأم ربي يحفظهالك أختي
مرسيييييييييييييييييي
|
المشاركة الأصلية كتبت بواسطة افكار خياطة
 يعطيك الصحة
|
|
المشاركة الأصلية كتبت بواسطة sabrina206
ما شاء الله بسطيلة و عليها لكلام الله ابارك
بربي نجربها و مافيش أحلى من وصفات الأم ربي يحفظهالك أختي مرسيييييييييييييييييي |
شكرا حبيباتي
رررررررررروعة يعطيك الصحة انتي ولميامة
|
المشاركة الأصلية كتبت بواسطة fadila34
رررررررررروعة يعطيك الصحة انتي ولميامة
|
شكرا حبيبتي
يعطيك الصحة
|
المشاركة الأصلية كتبت بواسطة اريج الامومة
يعطيك الصحة
|
آمين .. شكرا حبيبتي
يعطيك الصحة اختي مزيدا من التألق بارك الله فيك
يعطيك الصحة
ماشاء الله رائعة فعلا
بارك الله فيك على مجهودك
|
المشاركة الأصلية كتبت بواسطة oumraja
يعطيك الصحة اختي مزيدا من التألق بارك الله فيك
|
|
المشاركة الأصلية كتبت بواسطة gameshop
ماشاء الله رائعة فعلا
بارك الله فيك على مجهودك |
شكرا على التشجيع.. الله يحفظكم
Hayla baraka alkahou fiki
الله يعطيها الصحة
ربي يحفظهالك
|
المشاركة الأصلية كتبت بواسطة naouma05
hayla baraka alkahou fiki
|
|
المشاركة الأصلية كتبت بواسطة tong2
مممممممممممممممممممم تشهي
الله يعطيها الصحة ربي يحفظهالك |
الله يبارك فيكم
بصح انا لي درتها مشي امي :d
الوصفة نتاعها برك