مساء الخير
في البداية احب ان اهنئ كل طلاب بكلوريا 2024 الحمد لله جازت على خير وان شاء الله النتائح تاني
ممكن تقولولي راكي تسرعتي في وضع هدا الموضوع مي حابة برك نعرف ونسأل على وحد الحوايج مثلا انا معدلي يتراوح بين 12 و 14 مع العلم اني شفت التصحيح ديال كامل المواد وعلى هاد الشي قيمت روحي المهم انا حابة ندير استادة ديال علوم الطبيعة والحياة لاني متفوقة فهاد المادة وحابة نقرا في المدرسة العليا للاساتدة وتاني ندير استادة ديال جامعة ماشي تانوي يعني الي عندو فكرة حول المعدلات والمناطق الرجاء يزودني بيها ورايحة نكون شاكرة ليه ونتمنى النجاح لكل الطلاب ان شاء الله سلام
لي نعرف كاين مدرية عليا للأساتذة في القبة فيها تخصص علوم الطبيعو و الحياة و معدل القبول ما بين 13 و 14 بحيث 4 سنين تعليم متوسط و 5 سنين تعليم ثانوي و يلا حابة تقري في الجامعة يلزملك الماجستر و علاه لالا الدكتوراه أن شاء الله
الله يوفقك
والله حتى أنا محتارة واش راح ندير كاين بعض التخصصات ما نعرفوهمش قاع أو حتى لواحد كي يتخرج شا يخدم الله يجيب الخير
شكرا لك حبيبتي نورت الصفحة وافدتني
انا سمعت بلي المدارس العيا فرص العمل بعد الدراسة تكون مضمونة على هادي حابتها
مكاااانش قد المداارس العليااااااااا هدي الفترة لازم نتنااقشو على التخصصات باه نعرفو وش نخييروو
اللي مكتبها ربي هذيك هي
يبقى الامر متعلق بالمعدل
على كل حال انا العام الجاي رح نعاودو ان شاء الله
يا اخوتي بعد ما تخرج النتائج مايبقاش وقت من الاحسن انك تسقسي دوكا على كلشي من بعد كي يجي المعدل يتحدد واش رايح دير بالضبط ماتنساوش تسقسو مليح على خاطر هنا رايح يتحدد مستقبلكم
المدرسة العليا للأساتذة
14 أستاذ تعليم ابتدائي أو متوسط
15 أستاذ تعليم ثانوي
هذا على حساب 2024
لا اظن ذلك لاني شاهدت دليل التوجيه ل 2024 معدل يساوي او اكبر من 12 طبعا اعلم انها معرضة للارتفاع ويشترط ايضا ان يكون معدل المادتين رياضيات والعلوم يساوي او يفوق 12/20
السلام عليكم ورحمة الله
وأنا أيضا أتمنى أن أدرس في المدرسة العليا للأساتذة وأتمنى أن أكون أستاذة رياضيات ان شاء الله
أتمنى لك التوفيق أختي ولكل طلاب العلم ان شاء الله
شكرا لك اختي اتمنى ان نبقى على تواصل واخبريني اذا توفقت في الحصول على مرادك
السلام عليكم انا عندي اختي نحت العام اللي فات جابت 15.03 دارت مدرية عليا للاساتدة تعليم متوسط تخصص علوم طبيعية وراهي تقرا في الاغواط
نتمنى يهبطو المعدلات هاد العام
وأنا أتمنى الشيء نفسه أختي منال، أن نبقى على تواصل.. وأتمنى أن توفق كلتانا في تحقيق مرادها ان شاء الله
وبالتوفيق للجميع