البارح رحت نصنع بسبوسة صبت التشيشة متكفيش فتشت فلاجوندا تاعي صبت هذي البسبوسة لاروسات من عند ختي ميمي و هذيك الكمية تاع التشيشة درتلي بسبوسة هايلة إليكم المقادير :
كأس زيت + كأس سكر + نصف كأس تشيشة + كأس فرينة + 4 حبات بيض + باكي خمارة الحلوى + فانيلا + عسل
ضربي البيض و السكر مليح ثم الزيت و زيدي ضربي
بعدها بيدك كبي التشيشة و خلطي
ثم الفرينة و الخمارة و الفانيلا
إدهني المول تاعك و فرغي الخليط و ديريه إطيب بعد ما كنت سخنتي الكوشة مليح
غير تخرجيها عسليها بعسل بارد (عسل أم قادة جزاها الله كل خير)
أيا مدو يديكم و بصحتكم هههه نشالله تعجبكم و متنساوش ختكم بدعوة لوجه الله
(هذي راني زدتها ضوكا عيطت لأختي و قلتلها قاع عجبتهم بسبوستك قاتلي قوليلهم يقدرو إزيدو 2 ملاعق مايزينة تجي خفيفة و تذوب فالفم)
انا الأولى 
معليش ناكل؟
الفرينة و لا التشيشة؟
باينة بنينة
يعطيك الصحة
شحال الفرينة
emmmmmmmmmmmm y3etik essaha tchahi
يعطيك الصحة يا ام لميس خرجتلك تحفة
التشيشة هي السميد الرقيق و لا واش ؟
السهل و المهل و ذا الزين مين طل من الصحرا و لا من التل يا عمري على العسل لي راكي تحطي فيه يا ام العسل……الله يبارك ما شاء الله راكي مقلشتيهم بصحتهم…..يعطيك الف صحة و الله يحفظلك هذوك الايدين يا الحنونة…………….
|
المشاركة الأصلية كتبت بواسطة remadna
 انا الأولى
معليش ناكل؟ الفرينة و لا التشيشة؟ |
كولي بصحتك هه مشكورة على المرور نورتي
راني صححت كتبت الفرينة و ديريهم في زوج كأس فرينة و نصف كأس تشيشة
|
المشاركة الأصلية كتبت بواسطة جيجلية
باينة بنينة
يعطيك الصحة شحال الفرينة |
و صحيحتك ختي منورة بمرورك
الفرينة كأس و راني ضفتها فالصفحة الأولى
|
المشاركة الأصلية كتبت بواسطة imi122017
emmmmmmmmmmmm y3etik essaha tchahi
|
و صحيحتك يا الغالية منورة الصفحة 
|
المشاركة الأصلية كتبت بواسطة Sabrina ALG
يعطيك الصحة يا ام لميس خرجتلك تحفة
التشيشة هي السميد الرقيق و لا واش ؟ |
الله يسلمك و يطيك صحتك ثاني
التشيشة الحرشة إنحوها مالسميد اللي يفتلو بيها الطعام ختي بالاك عندكم عندها إسم أخر
يعطيك الصحة هذي طريقتي بصح انا ندير 1 كاس ونصف دشيشة ونصف كاس فرينة تجي رووووووووووووووووعة
|
المشاركة الأصلية كتبت بواسطة himanlogine
السهل و المهل و ذا الزين مين طل من الصحرا و لا من التل يا عمري على العسل لي راكي تحطي فيه يا ام العسل……الله يبارك ما شاء الله راكي مقلشتيهم بصحتهم…..يعطيك الف صحة و الله يحفظلك هذوك الايدين يا الحنونة…………….
|
نتي العسل يا عسل 
ربي يحلي يامك كلامك بزاف أثر فيا و مصبتش بواش رد غلى ذاك اللسان اللي غلبني
و ربي يخليلك صحيحتك ختي
صح راني مقلشتهم و مقلشتكم معاهم باش تقلشو اللي معاكم نشالله تجربوها و تعجبكم 
|
المشاركة الأصلية كتبت بواسطة أم ياسين الزهراء
يعطيك الصحة هذي طريقتي بصح انا ندير 1 كاس ونصف دشيشة ونصف كاس فرينة تجي رووووووووووووووووعة
|
مشكووووووووووورة على المرور منورة الصفحة
و صحيحتك حنونة و صح تجي روعة و بهذا العبر ثاني تجي هايلة خاصة إذا ضربتي المواد السائلة مليح 
لذيذة ام لميس يعطيك الصحة على الوصفة تشبه المسكوشو تاكلوها بالصحة والهنا
بالنسبة للطوابع الاسبوع المقبل نصورهملك لاني رايحة لبيت اهلي رايحة نتواصل معاكم من عندهم
بوسة للميس بـــــاي
|
المشاركة الأصلية كتبت بواسطة islam1aya
لذيذة ام لميس يعطيك الصحة على الوصفة تشبه المسكوشو تاكلوها بالصحة والهنا
بالنسبة للطوابع الاسبوع المقبل نصورهملك لاني رايحة لبيت اهلي رايحة نتواصل معاكم من عندهم بوسة للميس بـــــاي |
منورة بطلتك كالعادة مشكورة حبيبتي
سلميلي على العائلة الكريمة و بالأخص الوالد ربي يطول في عمرو و قوليلو تازا مسلمة عليك
متنسايش فتشي كاش روسات جديدة جيبيهالنا
طريق السلامة و بوسيلي الأطفال