كي نديرو جبن او رايب يبقالنا ماء الحليب اللي هو هاذا
و أنا ما نرميهش لأنو يحتوي على فوائد, و أنا كي درت الكريمة الطازجة بقالي و درت بيه بريوش بزاف هشوش معتمدة الوصفة من بكري ماما علمتهالي ربي يحفظها
بسم الله:
2 بيض_ كأس ماء الحليب_ نصف كأس زيت_ نصف كأس سكر_ رشة ملح _ مبشور ليمون_ ملعقة كبيرة خميرة الخبز_ نصف كيس خميرة _ فرينة (أنا داتلي تقريبا 650غ)
اضربي البيض + السكر و المبشور و الملح جيدا
ثم أضيفي الزيت و اضربي
ثم زيدي ماء الحليب الدافئ و اضربي
و بعدها خميرة الخبز و الفرينة و خميرة الحلوى
اخلطي باليد مع اضافة الفرينة بالتدريج للحصول على عجينة تلتصق بالأيدي و هاذا أمر عادي
غطيها و اتركيها تختمر
لما تختمر المرة الأولى نزليها دون عجن و اتركيها تختمر مرة ثانية و بعدها نزليها مجددا و اتركيها تختمر تحصلين على عجينة روووعة
شكليها حسب ذوقك و ضعيها على صينية و أتركيها تختمر جيدا ثم ادهنيها بصفار بيض مخلط مع قليل من القهوة و قليل من الحليب و زيني بالسكر او السينوج او الفرميسال….الخ
أدخليها الفرن الذي يجب أن يكون سااااااااااااااااااخن هاذا ضروري و راقبي نضجها بمجرد ما تتحمر من التحت شعلي من الفوق باش تتحمر (البريوش كي يختمر جيدا يكون داخله هواء و كي ندخلو للفرن بلخف يطيب لازم نراقبوه باش ما يجيناش يابس كي يطوّل فالطياب)
شوفو شحال هشوش
أنا ندير كميات كبيرة و نحطها في كيس داخل المجمد و وقت الحاجة نجبد الكمية اللي نبغيها و نديرها في الميكروأند و يجي تقولي هاذا وين طاب
دعولي ربي يسهلي أموري
mmmmmmmmmmmmmmmmmmmmmm lahounti ya3tik elsaha
هاااااااااااايل وفكرة هايلة يعطيك الصحة حبيبتي وبارك الله فيك على الوصفة وربي يحفظلك الوالدة وربي يسهلك امورك ان شاء الله
هااااااااااااااااااااااايل حبيبتي وربي يحفظلك الوالدة ياااااااااااااااااااااااااااااااااااااارب
لهنة هو القارص يديروه باش الحليب يروب سما هداك الما تولي فيه وحد الريحة لالا؟؟
يعطيك الصحة
جـــــــــــــزاك اللــــــــــه كـــــــــل خـــــــــيــــــــر ……..
……….علـى الوصفـة الشـهية و الرائـعـة والممـــيزة.
شكرااااا حبيباتي نورتو موضوعي بردودكم العطرة
حنان حبيبتي هاذاك الما تجي فيه شوية برك ريحة الحليب أكيد بصح ما تأثرش على البريوش ما تبانش فيه كامل
ربي يسهلك لهووونة الغالية تستاهلي كل خير يارب والبريوووشممممممممم يعطيك الصحة
ماشاء الله لهنه حنونة ربي يبارك فيك
ويرزقك ويهنيك ويسترك حنونة اممممواح
وراه اممممممممممممممم وانت امممممممم
بارك الله فيك يا لغالية وصفة اكيييييد ناجحة والله يعطيك الصحة و يفتحلك أبواب الفرج عاجلا وليس آجلا ااااميييين 
يعطيك الصحة لهنا بريوش يهبل
يعطيك الصحة
ماشاء الله عليك فحلة ونص