السلام عليكم اليوم حبيت نوريلكم برنوس الشخشوخة نتاعي بسم الله نبدا
للعجينة يلزم سميد من الافضل ناعم+ملح و نبل بالماء
نخلط المكونات و نبل بالماء شوية شوية و ندلك جيدا و نرش بالماء حتى نتحصل على عجينة رطبة و رخوة كي نهزها لفوق تنزل وحدها
هنا نديرها كرات صغيرة ونغطيها ببلاستيك او قماش مبلول بالماء و نحطها ترتاح
بعدما ترتاح نحط طاجين الحديد فوق الطابونة بنار خفييفة و نرش عليه شوية زيت و نبدا بسم الله
نحل كرة من العجين بالزيت فوق طابلة ملساءبحيث نركز على فتح الاطراف رقاق و ما يهمش الوسط كي نهز الورقة يتحل
ندخل ظهر اليد اليسرى تحت طرف الورقة و نرفع شوية مع السحب لليسار ثم ندخل ظهر اليد اليمنى ونكسل العجين و شوفي كيفاش تكسلت الورقة من الوسط
نرميها في الطاجين كي تبياض نقلبها و نرشها بشوي زيت و نحل كرة اخرى نرميها ثم نقلب و نرش شوي زيت وهكذا حتى نكمل البرنوس ثم نهز من الوسط و نخلي الاطراف طيب
نحل الورقات عن بعضهم البعض و نفتتها كبيرة شوية و الحمد لله خلصت من البرنوس
نروح للمرقة
انا درت دجاج و مرات نخلط دجاج و لحم احمر+بصل رابي+ثوم+حبة طماطم+بطاطا+جريوات+خردل+ملح+فلفل اسود+راس الحانوت+فلفل احمر+فلفل عكري اختياري +زيتاو زبدة او سمن و نحطهم يتقلاو شوية ثم نزيد كمية ماء قليلة و نخلي يزيدو يتقلاو
نمرق بالماء و نخليها حتى توصل نص طياب
نزيد نرمي طماطم مصبرة+فلفل اخضر حار او حلو انا درت الحلو
ندير الكسكاس فوق المرق و نفور الشخشوخة بكميات قليلة باه ما تتنداش بزاف لي تحت
كي طيب المرقة نحي الجاج و البطاطا و نحمرهم في المقلة مع شوية زبدة او خليهم عادي
وهاهي شخشوخة ام كوكو مرة بالجاج و مرة خلطت جاج و لحم خروف و اذا ما كانش تقدري تخدميها ير بالخضار و تجي مليحة ان شاء الله تعجبكم و ديروها و الله ولي التوفيق
و بنفس الطريقة و عملت بيهم المحجوبة
بارك الله فيك
يبان بنين ويشهي
barak allah fik RAw3a
واو روعة لكنها تختلف شوي على شخشوخة بساكرة
اما الرقاق لا يعلى عليه تحفة
امممممممممممم ماشاء الله عليك شخشوخه تشهي
تسلم الأيادي وبارك الله فيك
وبصحتك امممممممممممممم
الله يعطيك الصحة فحلى ونص
ما شاء الله يعطيك الصحة يالفحلة
طريقتك في عمل الشخشوخة مثل طريقتي ولكن الصوص نعملوا دجاج و حمص فقط من غير خضار
بصح انا موش من عشاقها نحب ناكل الشخشوخة شايحة هههههههه يعني ملوي
يعطيك الصحة تشهي
ااااااااااااممممممممممممممممممممممممم نموت على على الشخشوخة
ام كوكو معلبليش بلى راكى حرت لحرير حنا هدى نسموها الفرمسة يعطيك الصحة
|
المشاركة الأصلية كتبت بواسطة امازيغية وفتخر
 واو روعة لكنها تختلف شوي على شخشوخة بساكرة
اما الرقاق لا يعلى عليه تحفة |
شكرا حبيبتي توحشتك
|
المشاركة الأصلية كتبت بواسطة نهال13
ام كوكو معلبليش بلى راكى حرت لحرير حنا هدى نسموها الفرمسة يعطيك الصحة
|
شكرا نهولة حشمتيني راني جديدة في المنتدى مع الوقت نشاالله نزيد نحط عندي مشاركات في الحلويات ايضا
|
المشاركة الأصلية كتبت بواسطة ام نهودة
طريقتك في عمل الشخشوخة مثل طريقتي ولكن الصوص نعملوا دجاج و حمص فقط من غير خضار
بصح انا موش من عشاقها نحب ناكل الشخشوخة شايحة هههههههه يعني ملوي |
رانا كيفكيف انا ثاني نحبها شايحة ملوي مسمن
شكرا اختي ام كوثر على ردك هذا يشرفني