تحياتي وان شاء الله تكونو بخير وفي خير
عملت لازانيا بالبشمال طبعا وكالعادة بطريقتي السهلة جدا واللديدة جدااااااااااااااا
حبيت نوريلكم طريقتي وان شاء الله تعجبكم
نقلي البصل في الزيت حتي يدبل نضيف حبات طماطم قطع صغيرة والتوابل والثوم والملح ومعدنوس مقطع وملعقة طماطم مصبرة ونخليها حتي تعود قريب طيب
نزيد اللحم المرحي ونمرق ليس كثيرا ونخليه يكمل الطياب لازم لاصوص تجي شوية جارية خاطر راح طيب فيها اللازانيا
نحضر البيشامال وساريكم طريقتي السهلة كدلك ويجيك بنين وشهيء جدا
كي طيب لاصوص نرمي فيها شويه زيتون اخضر مقطع رقيق للبنة
الطريقة بالصور
طبقة من الصوص ثم اللازانيا بلا ما تطيبيها في الماء لانها راح طيب في هده الصوص ثم الصوص ثم البشمال وهكدا حتي تعمري المول انتاعك في الاخير طبقة من البشمال والفرماج روج وتجيك تهبببببببببببل
هده البيشمال
ها هي كي كابت قصيت منها قطعة اللي وريتهالكم
للاسف انا المول ماهيش عالية جتني ثلاثة طبقات فقط انتم تقدرو ديرو اكثر
اليكم طريقتي في عمل البشمال وصدقوني راح يجيكم كانه فرماج بنته لا تقاوم
كل ربع لتر حليب ملعقة اكل معمرة مليح فرينة
تحلي الفرينة في الحليب البارد وتحطي علي النار مع التحريك حتي تخثار نحيها من النار ضيفي الفرماج روج واضفت بودرة الثوم والفلفل الاسود او الابيض والكركم يعطيه لون اصفرجميل وشوية ملح خاطر الفرماج مالح
حركي الخليط ثم اضيفي الزبدة وحركي مليح وعندك اشهي بشمال
كيما متفاهمين ادا عجبتكم دعوة خير حتي في قلوبكم ولكم بالمثل حبيباتي
يعطيك الصحة الحبيبة رآهم جاوك هايلين بصح حطيني فرد طرف أنا مايكفينيش surtout رآهم باينين بنان ههههههههها
اممممممممممم تسخف بصحتكم ويعطيك الصحة
امممم باينة بنينة و ساهلة يعطيك الصحة و كل ما تتمناي شكرا
يعطيك الصحة ام راضية باينة بنينة وتشهي
يعطيك العافية
بارك الله فيك ام راضية
ممممممممممم تبان هايلة ما شاء الله يعطيك الصحة اختي
شكرا اخواتي علي المرور الطيب
عطيك الصحة ممكن سؤال ما اسم لازانيا التى استعملتها وانفضل تغليها قليله قبل الاستعمال شكرا[list]
[
|
المشاركة الأصلية كتبت بواسطة om samy youcef
 عطيك الصحة ممكن سؤال ما اسم لازانيا التى استعملتها وانفضل تغليها قليله قبل الاستعمال شكرا[list]
[ |
راني رميت الغلاف للاسف هي تاع تونس الجديد انني لا اغليها وتجي رائعة وطيب في الصوص وهده القطعة راني قصيتها سخونة تغلي كي بردت جمدت شويه وجات روعة حشمت من اخ زوجي باش نصورها كي سربيت ليهم جربيها وشوفي الفرق
