اي وصفة لكي عن البادنجال 2024.

السلام عليكم اخواتي
اريد اي وصفة تتعلق بالبادنجال

عندي ياسر……

نكتبلك وحدة على السريع

بعدها اغلقي الكوكوط و خليه وحد 40 دقيقة جربي و قوليلي

ربي يخليك اختي ساطعة
انا في رمضان لازم يكون هناك طبق للبادنجال و لا ما تتسماش مايدة ههههههههههههههههه
و راني حابة هاد رمضان كل نهار وصفة جديدة عليه هههه
راح نجرب وصفتك ان شاء الله
بوركتي

زيدي اختي نجمة اعطيني الوصفات اللي عندك كل مرة اعطيني وحدة

اوكي مش مشكل من عينيا راح نكتبلك ……..

شلاطة دنجال قداش بنينة تهبل

هذي متأكدة بنتها تعجبك تهبل

شوفي هذا

https://www.djelfa.info/vb/showthread.php?t=990955

أختي عندي قراتان بيذنجال نطيبو ديما وبنين اسمها الموساكا

تاخذي زوج حبات كبار تاع بيذنجال
– تقصيهم دوائر وتقليهم في زيت وتقطريهم مليح فوق ورق مصاص
– ترابي بصلة وتقطعي ربطة معدنوس وتخليهم بجيه.
– تحكمي لحم مرحي حوالي 250غ اذا اقل مش مشكل تحطيه في مقلاة تحركيه شوية وحدو من بعد تضيفي البصل وتخليهم شوية على نار هادئة من بعد ضيفي شوية زيت شوم مرحي ملح فلفل اسود المعدنوس + طماطم مرحية واتركي الكل يطهى لمدة 5 الى 10د تخليها تخثار بلا ماتكون شايحة
تحكمي البلاتو تاع القراتان تاعك تدهنيه بشوية زيت ( أنا ماندهنوش لأنو اصلا البيذنجال مقلي) تحطي طبقة من دوائر البيذنجال متراصة من بعد تحطي طبقة من صوص اللحم المرحي
وتكملي بطبقة ثالثة من دوائر البيذنجال
قبل ما دخليه للفور تحطي عليه فرماج رابي وتدخليه لمدة 20 دقيقة وبالصحة
وهدا الرابط الاصلي للوصفة
https://1001saveurs.over-blog.com/article-53156352.html

اقتباس:

المشاركة الأصلية كتبت بواسطة نجمة ساطعة شلاطة دنجال قداش بنينة تهبل وش ديري اشوي دنجال على السلك في النار و زيدي اشوي الفلفل الحلو و الطمطام بعدها كي تخرجيهم من النار ديريهم في ساشي بلاستيك باش يعرقو و تجيك ساهلة باش تنقيهم بعدها نقيهم مليح و نحي القشرة الفوقانية و لازم يكونوا نظاف و نقولك جيبي بسينة فيها ماء كل ما تنقي حطي ايدك في هاذ البسينة و زيدي نقي كي تنقيهم قطعي دنجال بالموس يكون كي شغل مهرس و قطعي طمطام قطع صغيرة و نحيلو الماء و زيدي قطعي الطرشي طوالات رقاق و منبعد قطعي هذوك الطولات على العرض قطع صغار خلطي كل هذو مع بعض و ديريلهم اربع مغارف ماكلة زيت و معاه الملح هذي متأكدة بنتها تعجبك تهبل

ممممممممممممممممممممممممم
جوعتيني يا نجمة
راح نجرب كل طبق تعطيهلي وخصوصا في رمضان
مشكورة

اقتباس:

المشاركة الأصلية كتبت بواسطة قطيطوشة أختي عندي قراتان بيذنجال نطيبو ديما وبنين اسمها الموساكا تاخذي زوج حبات كبار تاع بيذنجال – تقصيهم دوائر وتقليهم في زيت وتقطريهم مليح فوق ورق مصاص – ترابي بصلة وتقطعي ربطة معدنوس وتخليهم بجيه. – تحكمي لحم مرحي حوالي 250غ اذا اقل مش مشكل تحطيه في مقلاة تحركيه شوية وحدو من بعد تضيفي البصل وتخليهم شوية على نار هادئة من بعد ضيفي شوية زيت شوم مرحي ملح فلفل اسود المعدنوس + طماطم مرحية واتركي الكل يطهى لمدة 5 الى 10د تخليها تخثار بلا ماتكون شايحة تحكمي البلاتو تاع القراتان تاعك تدهنيه بشوية زيت ( أنا ماندهنوش لأنو اصلا البيذنجال مقلي) تحطي طبقة من دوائر البيذنجال متراصة من بعد تحطي طبقة من صوص اللحم المرحي وتكملي بطبقة ثالثة من دوائر البيذنجال قبل ما دخليه للفور تحطي عليه فرماج رابي وتدخليه لمدة 20 دقيقة وبالصحة وهدا الرابط الاصلي للوصفة https://1001saveurs.over-blog.com/article-53156352.html

مشكورة يا اختي
راح نجربها ان شاء الله و اي وصفة اخرى عندك اكتبيهالي
ربي يخليك حنونة

بالنسبة لي يا اختي انا نموت عليه واغلب الوصفات اللي نديرهم بارك الله في الاخوات قالوهملك بصح عندي وحدة ابسط من هكا وابن منها ماكانش

سلاطة باليدنجان المشوي

الكمية اللي عندك تاع البيدنجال انتي واش حبيتي شوطيه علي الطابونة وحطيه في ساشي تم نقيه قطعيه وحطيلو الزيت التوم الخل والملح
والكمون وشوية زيت زيتون ورحيه في المكسور يجي كي الميوناز زينيه بشوية زيتون اسود والله يجي يهبل وبنين ومختلف عن كل انواع
السلاطات بصح تتكل بالخبز او الكسرة
نراهنك كون تحطيه للعايلة ويعرفوه قبل مايدقوه يحطوه بوري هههههههههههههههههه
جربي ورديلي لخبر

ههههههههههه
و الله شهيتيني اختي باش نعملوا
تصدقي ف الدار مكانش لي كان يحب البادنجال و كل ما نقول لخويا شريلي البادنجال في رمضان يرفض و كانو حاجة طايحة
بقات امي تشريهولي و كل يوم محطوط فوق المايدة و كنت نحطلو في طبسي صغير باش يدوق كل يوم كيفاش نطبخو
صدقيني خاوتي تزوجو و كل يوم البادنجال داخل المصروف هههههههههه
رجعت العايلة كامل تحبو
ربي يخليك حبيبتي