السلام عليكم اخوتي اخواتي اريد طرح هذا الاستفسار و ارجو ان يرد علي فقط من لهم دراية بالامر فهذه قضية مستقبلي انا اريد اعادة البكالوريا حر علما اني جبت 12.98 تقني رياضي 2024 راهي تالفتلي بين رياضيات و اعلام الي او تكنولوجيا بواش تنصحوني و يا ريت نلقى واحد اختار احد هذه الشعب و عاود الباك انا مارانيش نحوس شكون فيهم الاحسن نحوس على لي تساعدني باش نعاود الباك مليح و شكرا
|
المشاركة الأصلية كتبت بواسطة ܔْށعَبْدُالرًحْمََـــــ~ــنِܔْށ
 السلام عليكم اخوتي اخواتي اريد طرح هذا الاستفسار و ارجو ان يرد علي فقط من لهم دراية بالامر فهذه قضية مستقبلي انا اريد اعادة البكالوريا حر علما اني جبت 12.98 تقني رياضي 2024 راهي تالفتلي بين رياضيات و اعلام الي او تكنولوجيا بواش تنصحوني و يا ريت نلقى واحد اختار احد هذه الشعب و عاود الباك انا مارانيش نحوس شكون فيهم الاحسن نحوس على لي تساعدني باش نعاود الباك مليح و شكرا
|
السلام عليكم ورحمة الله تعالى وبركاته
شوف خويا …. مادامك حاب تعاود الباك ونفس الوقت حاب تقرا قراية شوي ساهلة …. أنا من رأيي دير رياضيات واعلام الي خيرلك بالاك تلقى فيها روحك خير * خاطر تكنولوجيا شوي لازملها تكسار الراس (انا سنة ثانية تكنولوجيا ) وعلابالي كيفاه راهي الحالة … و كاينين بزاف نعرفهم قراو في عامهم تكنولوجيا وعاودو الباك. تقريبا كامل ماداوش الباك واللي دا منهم جابو ب 10 ولا 11 برك … ( يعني يروح العام باطل وماتحكمش من الجهتين )
وربي يوفقك خويا وزيد انت استخير ربي …. وربي يسهلك ان شاء الله
st ts3dek khir
.
.
bon chance
السلام عليكم
أخي الفاضل أنا درست عت وأرى أنها تعين في اعادة الباكلوريا لأسباب
منها نقص المقاييس و بالتالي فراغ الوقت مما يعطيك الفرصة للمراجعة و التحضير
منها أيضا تنوع المقاييس الذي يسمح بتعويض النقائص و ضعف العلامات
و الله أعلم
و أسأل الله أن يوفقك لما فيه خير و صلاح
و السلام عليكم
جزاكم الله كل خير اخواني