هل من مساعدة ابنتي مريضة**السلام عليكم ابنتي تبلغ من العمر 5 سنوات تعاني من الربو مند 4 اشهر من عمرها ..تابعت العلاج عند الطبيب و الحل البخاخات vontoline..والله تعبت لاتستطيع حتى الجري او اللعب لمدة طويلة اريد حل من فضلكم اصحاب الخبرة ادا يوجد علاج بالاعشاب انتظر ردكم و لكم دعوة في ظهر الغيب
الله يحفظكم ارييييد الحل
اختي كان وليد خالتي يمشي غير بالبخاخة درك الحمد الله يستعملها مرات والوصفة الاخت الزنجبيل بالعسل الحر اعطيلها مغرف صباح علي ريق اعطيلها قد ماتستطيع وليد خالتي ياكل حتي 6 مغارف في كل وقت درك الحمد الله عندوا خمس سنسن
الله يحفظك و يزقك الهناء و السعادة نجربهلها بادن الله
ربي يشفيها
اختي شوفي منتجات الدكتور جميل القدسي الدويك
ابعثيلو رسالة في الفيس بوك على الموقع نتاعو وهو يجاوبك ان شاء الله لاني قرات له انه باذن الله يعالج بالزيوت والاعشاب الربو
علما ان منتجاته تباع في معظم ولايات الوطن
و لا فكرة بصح حبيت نقولك ربي يجيبلها الشفاء
الله يحفظك اختي و ربي يرزقك الجنة كما ريحتيلى قلبي
الله يحفظك اختى
شفاها الله وعافاها
قبل ذلك أختنا الفاضلة قبل أن تستعملي أي وصفة تثبتي جيدا فهي طفلة صغيرة
وربما اي خطأ قد يزيد من مرضها وتعبها والله تعالى قال
(( فأسألوا أهل الذكر إن كنتم لا تعلمون ))
بالشفاء على الحنونة ياربي يشفيها ويعافيها اختي ام حاتم كون تلقاي اللي يجيبلك الشحمة تاع الجمل اي تتباع في الجنوب الجزائري ويعرفوها ناس بزاف (الشحمة تاع الحدبة تاعو) كي يجيبوهالك ان شاء الله يارب يسهلك وتوصلك من عند اهل الخير كيما وصلتني تذوبيهالها فوق النار وتزيديلها العسل حرة نفس المقدار وتمديلها كل صباح وربي يجعل الشفاء
الله يحفظك اختي ايمان على حرصك …بالنسبة لشحم مكانش عدنا في تلمسان لكن اصحاب الخير ماشاء الله..يارب ارزق الشفاء لمرضان و مرضى المؤمنين
السلام عليكم ورحمة الله وبركاته اختي الله يشفي بنتك ويعافيها
كيما ذكرو البنات العسل و كيفية شربها هي التي تختلف و الرسول صل الله عليه و سلم ذكر شربة العسل
والطريقة المتبعة في تحضير شربة العسل تكون بأخذ ملعقة من العسل وإذابتها جيداً في كوب ماء دافيء قليلاً وتناولها على الريق قبل كل شيء، ومن فوائد شربة العسل التي أثبتها العلم الحديث: ثبت علمياً أن الماء يكتسب خواص المادة المذابة فيه وعند إذابته في الماء يصبح كل جزء فيه بنفس تركيبة العسل العسل مادة غذائية كاملة متكاملة من حيث احتوائه على السكريات الأحادية التي تُمتص مباشرة ولا تحتاج لهضم، كما يحتوي على هرمونات وفيتامينات وأملاح معدنية والعديد من المركبات التي لم تكتشف الى الآن. إضافة الماء إلى العسل تنشط الجهاز الهضمي والسكريات الأحادية في العسل تمتص مباشرة وتعطي الطاقة اللازمة للجسم والعضلات. تناول شربة العسل على الريق وقبل كل شيء وسيلة لتخليض الجسم من السموم وتنظيفه منها. من فوائد شربة العسل أنها تمنع حدوث الإمساك عند شربها بإستمرار. وأخيراُ، تذكري أن من فوائد شربة العسل أجر إتباع سنة الرسول عليه الصلاة والاسلام، فإحرصي على تناولها.
الزنجبيل كذلك مفيد لكن المشكل مع تقرح المعدة يعني اللي يشتكي من قرحة المعدة يجب عليه ان يستشير الطبيب
ثالث شيء اللي هو جد مفيد الزعتر ماشي الزعيترة
الزعتر يعمل كمضاد حيوي مباشر للقصبات الهوائية و عليه حاولي تعطيها كل 3 ايام او يومين طريقته
اغلي كاس ماء لمل يغلي ضعي ملعة زعتر وخليه ياخذ غلية خفيفة وطفي النار هو صح مر لاكن جد مفيد لنزلات البرد و الالتهابات و الناس لي ما يعانوش من الربو يقدرو يستنشقو الخليط
اذا خفت تاخذي الوصفات راسليني على الخاص ساعطيك بديل
شيء اخر بنتك لازمها تتعرض للشمس يوميا و لو لمدة قصيرة و لازمها تهوية جيدة للبيت
السلام عليكم شكرا على التدخل الطيب هل فيه بديل غير العسل لان ابنتي اذا اخذته منه تبدا بالتقيؤ اكرمكم الله
اختي الغالية ربي يشفيلك بنتك ان شاء الله
راني حاسة بيك اكثر من اي واحد
انا بنتي حكمها الربو والحمد لله تحسنت كثيرااااااااااا كثيراااااااااااااا
كوني متاكدة كي توصل 7 سنين الى ثماني سنوات رايحة تتحسن وهكدا قالي الطبيب قالي بنتك ماتحسنتش من الادوية ولكن تمشي وتكبر وتولي عندها مناعة
يعني كل ماكبرت ترتاح من هدا المرض
تستعمل كيما بنتك فونتولين وكلينيل
والان حبستهم لعقوبة لبنتك ان شاء الله
انا نستعمل الدهان والعسل وزيت زيتون كي يبدا البرد ونحبسهم في ماي ولا جوان
نخلطهم في قارورة زجاج ونعطيها كي صباح بعد الفطور وكي تحب ترقد
كدلك كي نشوف صدرها تبلوكا بالمخاط وماتقدرش تتنفس
نستعمل شحمة الابل يعني سنام الابل ودلك بتدويب نصف ملعقة صغيرة من الشحمة مع ملعقة صغيرة عسل حر
ونمدلها مدة ثلاثة ايام كل المخاط يخرجلها من الاسفل ويصفى صدرها مليح
اللهم اشفها اجلا غير عاجلا
امين يا رب العالمين
اختي في انتظار ماتحصلي على الشحمة كاين دواء جد مفيد للخلايا مايخليهمش يتكاثرو و هكا كي برد الحال ماتزيدش تمرض اكثر اسمه zyrtec 10mg/ml