السلام عليكم حبيباتي
اليوم عملت لغدانا البركوكس او العيش كما نقولول احنا
اظن الكل تعرفوه
عملتو مرقة حمرة بالجاج والخضرؤ
اختي درت المرقة عادي قطعت البصل والثوم والطماطم حب
وقطعت اطرفا الدجاج وغسلتو
وحطيت الزيت والكسبر والملح والفلفل احمر مرحي
وزدت طماطم مصبرة
وخليتهم يتقلاو مليح ومن بعد حطيت الحمص مشمخ من قبل
و زدت الماء وخليتهم يغليو
ومنبعد قطعت الزرودية والبطاطا والجريوات
ولحتهم معاهم يغليو كامل
وكي تطيب الخضرة واللحم
شمخت العيش وقطرتو من الماء مليح ورميتو في المرقة ونحرك مرة على مرة باش ما يلصقش
وكي طاب طفيتلو
وشهية طيبة
ممممممم شهيتنيا اختي راني جايه لعندك ههههههههه
يعطيك صحة
السلام عليكم ورحمة الله وبركاته
راني مشيت معاك في كل الخطوات بصح الأهم لي هدرتي عليه وهو العيش هداك ماقولتيناش واش هو وكيفاش ديرتيه لأنو حسب طريقتك عندنا راكي ديرتي مرقة عادية لوكان مانضيفولهاش العيش لي هدرتي عليه لهدا اقول قولينا كيفاش ديرتي العيش ؟؟؟
يعطيك الصحة هايل
العيش هو البركوكس أو المحمصة و راه يتباع واجد
|
المشاركة الأصلية كتبت بواسطة أمـ جيجل ــال
 السلام عليكم ورحمة الله وبركاته
راني مشيت معاك في كل الخطوات بصح الأهم لي هدرتي عليه وهو العيش هداك ماقولتيناش واش هو وكيفاش ديرتيه لأنو حسب طريقتك عندنا راكي ديرتي مرقة عادية لوكان مانضيفولهاش العيش لي هدرتي عليه لهدا اقول قولينا كيفاش ديرتي العيش ؟؟؟ |
|
المشاركة الأصلية كتبت بواسطة جنتي222
واش لالا عمري ماسمعت العيش يترمى في المرقة هكاك
لازم يتفور 2 مرات على الأقل اللي متعرفش الطيب مكالاه ماتكتب وتتمسخر بالبنات |
يابنت الناس كل منطقة وطريقتها في طبخ
كيما الاخت طيباتو حنا كذلك نطيبوه هكذاك
هي شمخاتو البركوكس حنا منشمخوهش نرموه مباشرة
انتوما تفوروه الله يبارك
السلام عليكم ورحمة الله نشكرك اختي العزيزة على البركوكس او العيش أقول لكم أن كل منطقة وطريقة طهيه وللي راهي تقول أنها تفوره صحيح لانو لما يكون مصنوع في البيت يعين أحنا تخدموه فالدار بالسميد والماء والملح هذا نفوره مليح فالكسكاس مرتين وبعدين نحطوه فالمرق اللي كنا حضرناه لكن اللي يتباع ما نشمخوهش نحطوه فالمرق ونطيبوه مليح لانو يابس ولهذا العيش نوعان اللي يتباع ما يحتاج التفوار لكن اللي نخدموه فالدار يحتاج نفوروه يعني االللي راهي شرحتنا ماهي غالطة يا اختاه وشكراا
|
المشاركة الأصلية كتبت بواسطة جنتي222
المهم يبقى عيش الدار هو المخير تاع المخير
والباقي اللي ترموه في المرقة هكاك اسمحلي بصح راكو تاكلو للعجين في الماء |
كنت مخطئة صح البركوكس المخدوم في بيت يفور شكرا للتوضيح اختي
ومنكم نستفيد
سلام
السلام عليك
ارجوك اعطيني صورة على البركوكس
لاني ولا مرة شفتو ولا دقتو حابة نشوفو لان بلادي الجلفة تاع الكعبوش الرفيس المردود الطعام باللحم
جزاك الله خيرا