سلام حبيت تعاونوني في تحضير الغفاف ولا كاين الي يسميه السفنج لاني معرفتش كيفاش نديرو وحبيت نطبقو على هذيك الي تعرف مذابيها توريلي وتركزلي على مدة التخمار الني صراحة منعرفش ولو حبذا لو كان هانك صور
ختي شوفي سفنج ام رامي روعة وخفيف
ويتخليه يحمر حوالي ساعة
موااضيع ام رامي تلقايه
khalih yakhmer hata yerja3 double
https://www.djelfa.info/vb/showthread.php?t=1191990
جربي هاذا ساهل و هشوش و ما يديش الزيت فالقليان و يجي خفيف و ماشي مزيت و ميدم
سر الخفاف هو الخميرة انا نخليه 3ساعات او نقلل فيه الخميرة ونخليه يبات الليل ونطيبو فالصباح
ضيفي للمقادير حبة بيض و الماعةن اللي تخمريه فيه شليه بماء دافئ ة حطي فيه لعجينة اخمر حتى تشوفيها طلعت بزاف درك راهو شوية البرد خليها ساعتين
انا هادي خطواتي و يجيني كيما تع برا
اسرع واخف سفنج في نص ساعة تديريه المهم تحكمي ملعقة سكر وملعقة فرينة وملعقة ونص خميرة وتخليهم في كاس ما تياد وتخليهم يخمرو
تزيديلهم زوج كيسان فرنية ولا ثلاثة حسب العباد اللي عندك وبلي الماء بالملعقة الخشبية فقط تكون العجينة شوية تتلاصق غطيها بساشي
وخليها تخمر قدام مدفاءة او الشوفاج تشوفيها طلعت روحي طيبي الخفاف تاوعك بلي يدك بالزيت وحليهم مليح يجيوك كيما تاع الفطايري والله الذ
سفج واسهل منو مافيش وهي روسات تاع فطايري ماشي اي حاجة
كغ فرينة حطيلها الملح +الخمارة و اعجني بالماء دافىء هنا لازم ما يكونش العجين خفيف وما يكونش ثقيل عينك ميزانك
خليه يخمر حتى يتضاعف الحجم عاودي خلطيه بيدك اتركيه يخمر عاودي خلطيه كرري هده العملية 3 الى 4مرات المرة
الاخيرة يخمر لكن ما تخلطيش تكوني حضرتي الزيت للقلي خدي كرات من العجينة بدون ما تلويهم اي كيما تقطعيهم
اتقبيهم في الوسط واقليهم في الزيت ساخن على نا ر متوسطة
هاد الوصفة معتمدة عليها دائما الي يجي عندي يدوقه يعجبه يدي الوصفة باه يجربها [IMG][/IMG]
نخليك
على العين وراس حبيبتي عندي طريقة سهلة ويخرج بزاف هايل نحوسلك على موضوعي ونحطولك وكاين وصفات اخري الا صادفتهم نجيبهم معايا تهلاي فينا كي طيبيه برك ههههههههههههههه
ههههههه الاخت الي قالت خليلي حبة راني جربتو وجاني معجن والله لوكان كلاوه يدخلو للسبيطارالمشكل معرفتش نحلو كاين الي يلعبو بيه لعب كيما البيتزا وكاين الي يحلوه باليد فوق البيطاجي كيما درت انا هههههههه
khalih yekhmer 7eta yweli double 