حبيت نسقسيكم علبالي كثرت اسئلتي 
هادوا اليومين
حبيت نعرف 
كيفاه نخدم لاكرام شانتي مليح نعرف بصح حابة تفيدوني شريتها غبرة وحابة ثاني نضيفلها الملون الاحمر تع الفراولة وتع الشيكولا و
حبيت نعرف كي نضيف الملون تع الشوكولا للكرام شانتي نزيد السكر ولا لا خاطر ذقت الملون وجاني مر الي مالفة تخدم بيه تفيدني وجزاكم الله كل خييييييييييير 
انا اصلا لاكريم شانتي نديرلها السكر قلاصي ونضربها مع الحليب البارد حتى تثقال
مرحبا بيك مريومة في اي وقت
انا نعبر بالكاس ندير كاس شانتيي بودر و كاس حليب بارد جدا جدا جدا و نطلعها بالباتور حتى تولي كثيفة و تشد روحها مليح و السكر تقدري تزيديلها كيما تحبي و ديريلها الملون عادي
كاين زوج انواع من الشانتيي انا مرات نطيح في واحدة اجي حلوة و بنينة و شوية غالية و مرات نلقى شانتيي قليلة السكر حتى نزيدلها من عندي و ديري السطر قلاص ماشي السكر العادي
بالنسبة ليا انا معتادة نخدم الكرام شانتيي من غير ملون نحبها بيضاء
نحط الكرام غبرة ونضيف لها الحليب انا لا استخدمه بارد كيما الاخوات ونضرب بالباتور بالسرعة القصوة
وتجي هايلة وحاكمه روحها
بالتوفيق اختي
انا والفة ندير الكريمة اللي مو غالية العلبة نتاعها ملونة بالازرق والابيض بصح المرة الاخرة جبت وحدة غالية شوية علبتها باللون الاحمر ولقيتها مليحة بزاف بزاف
وممكن تضيف لها الملون دون اضافة السكر اذا مو حابة تخرج لك حلو جدا جدا
واذا شريتي العلبة الغالية اضيفي الملون ولا تضيفي السكر لانها مليحة في السكر
اشري نتاع الميزان
اذا رايحة ديكوري بيها من فوق استعملي معاها حليب بااااارد باه تحكم روحها لأطول فترة ممكنة و أدا حابة ديريها حشوة ديريها بحليب مايكونوش بارد او ساخن يعني بدرجة حرارة الغرفة
الكولورو حليه في الحليب و استعملي كمية صغييييييييرة جدا ديري على راس المغرفة لخاطر راهو قاوي و من الأحسن تشري كولورو نتاع الميزان لانو افضل من نتاع الصاشي
أنا كي نحب نطلعها ندير عيني ميزاني اذا بانتلي خفيفة نزيدلها الغبرة و اذا كانت عاصية نضيفلها الحليب و فيما يخص اسكر راهي حلوة ماكان لاه تزيديلها ( اذا راكي تستعملي في تاع الميزان)
ان شاء الله نكون افدتك
سلام أنا ندير 125 غ شاتيي مع تقريبا كاس ماهوش معمر ماء بارد جدا ونزيدلهم 20 غ سكر ونضرب حتى تثقل جيدا
|
المشاركة الأصلية كتبت بواسطة adrari
 انا اصلا لاكريم شانتي نديرلها السكر قلاصي ونضربها مع الحليب البارد حتى تثقال
|
|
المشاركة الأصلية كتبت بواسطة faizarbh
مرحبا بيك مريومة في اي وقت
انا نعبر بالكاس ندير كاس شانتيي بودر و كاس حليب بارد جدا جدا جدا و نطلعها بالباتور حتى تولي كثيفة و تشد روحها مليح و السكر تقدري تزيديلها كيما تحبي و ديريلها الملون عادي كاين زوج انواع من الشانتيي انا مرات نطيح في واحدة اجي حلوة و بنينة و شوية غالية و مرات نلقى شانتيي قليلة السكر حتى نزيدلها من عندي و ديري السطر قلاص ماشي السكر العادي |
من الي يجاويوني 
شكرا على المعلومات الي مديتيهالي انا نعرف كيفاش تدار بصح كي عاد لاغوم تع شوكولا ذقتها شوي مرة خفت تجي :d
أما اللون حلي شوية من الملون في شوية حليب او ماء اللي تخدمي بيه شوية برك باه يجيك اللون مليح وذوق الشكولا تحبي ديري 100غ كرام شانتيي+2 ملاعق سكر رطب+2 ملاعق كاكاو ان شاء الله نكون أفدتك
اختي انا نشري نتاع الميزان ونضربها مع حليب البارد تجي هايلة وتاني حلوة منضيفلهاش السكر
|
المشاركة الأصلية كتبت بواسطة ange du paradis
تضربي 100غ من لاكرام شانتي بكاس ماء بارد جدا أو حليب بارد جدا عن السكر أنا مانضيفلهاش
أما اللون حلي شوية من الملون في شوية حليب او ماء اللي تخدمي بيه شوية برك باه يجيك اللون مليح وذوق الشكولا تحبي ديري 100غ كرام شانتيي+2 ملاعق سكر رطب+2 ملاعق كاكاو ان شاء الله نكون أفدتك |
|
المشاركة الأصلية كتبت بواسطة omnadjem.10
اختي انا نشري نتاع الميزان ونضربها مع حليب البارد تجي هايلة وتاني حلوة منضيفلهاش السكر
|
انا ثاني شريت تع الميزان وان شاء الله نديرها كيما نصحتوني شركاا اختي ام نجم
انا موالفة ندير البودرة نتاع الكريم شانتيي وندير الحليب غير بشوية ونضرب بالباتور بالسرعة القسوى وكل مرة نزيد الحليب حتى نوصل للقوام اللي راني حاباتو اذا ثقيل مانكثرش واذا حبيتها تجي سايلة نكثر وعينك هي ميزانك
والملن يااختي مايجيش مر بالاك خاسر ماتديريهش
وتقدري تديري بشوية برك الملون وتخلطي غير بالمغرف ماتحتاجيش الباتور
مام الشوكولا تقدري تديريها شوفي لاتارت اللي درتها نتاع قلب لراجلي درتها بالكرام شانتيي والشوكولا مخلطتها معها