كل الأعضاء و كل من لديه خبرة ممكن تساعدوني
-قالولي باش تنظمي وقتك لازم جدول زمني تتقيدي بييه يكون فيه 3 مواد في اليوم كل يوم
– أنا وضعت جدول في مادتية في المساء حتى العاشرة ليلا مادة واحدة في الفجر يعني نوظ على 5 صباحا
-لقيت روحي ماشي متقيدة بيه وراسي يوجع لزااااف وزاد علي الظغط وحسيت روحي لوكان ما نتقيدش بالجدول ما نكونش يومية المراجعة
-واش تنصحوني:
*نكمل بالجدول حتى نوالف
انا وجع الراس لي ما قدرتلوش
اعطوني ارائكم من فضلكم
انا عندي جدول نخدم بيه ان شاء الله يعجبك
اليوم مقسماتوا
7 ساعات نوم
و 2 اكل – داخلة فيها كل الوجبات *
1 راحة
2 مشي * بالنسبة لطريق المدرسة يوميا *
2 صلاة
7 ساعات يوميا نتع المدرسة اللي نقراوهم
يبقاو 3 ساعات هادو مراجعة حاولي تخصصي يوميا مادة قبل ما تراجعيها عاودي في ربع ساعة راجعي واش قريتي في كامل النهار
و افتحي تماريناتك
و الباقي حضري درسك نتع غدوة
و ربي يوفقك
مشكورة أختي و قوليلي خرج عليك’؟
-يعني معدلك للفصل1 شحال كان ؟
تحسي روحك a jour?
ايه هو بالنسبة مليح
جبت معدلي 14
مي زايدة من وقت المراجعة انا تقريبا ما نقصش على 5 او 6 ساعات
حاولي تشوفي كيفاه تنقصي شوي من الاوقات الاخرى اكيد يبقالك الوقت
و الويكاند تاني كامل ما حسبناهوش ديري في بالك
ادا كان عندك لي كور عندك ادا كان ما عندكش قسميه مواد ادبية و علمية
و زيد تاني خصصي نهار للمادة الادبية و نهار للعلمية
و شوفي كان يخرج عليك
و ادا ما نجحش معاك عاود ديري رد نحاولوا نعدلوه
و ربي يوفقك و يوفقنا كامل
انا نقول لك احسن لك تاخذي ثلاث مواد في حدود زمن معين بحيث لا يتعدى طول مراجعة المادة الواحدة 50 دقيقة
والا تراجعي مادتين علميتين كالعلوم والفيزياء في وقت واحد