السلام عليكم ورحمة الله وبركاته
عندي الة الخياطة singer مي ما حبتش تمشي خلاص ما عرفتش علاه لانوا كانت لاباس بيها مي من الصيف ما خيطتش فيها
ودرك كي فتحتها ما مشاتليش
هل من معينة ؟؟؟
ديرلها الزيت
لا اعرف ما تقصدين انها لم تعمل
لكن ان قصدتي انها لا تقوم بعملية الخياطة فيكون السبب هو انكي لم تقومي بتركيب الابرة كما ينبغي
خاصة اذا كانت الابرة نصف دورة فعليكي تركيبها بطريقة صحيحة او لن تخيط ابدا
ارجو ان يكون هو السبب وتتمكني من الخياطة
تقبلي شكري
لالا الابرة راهي راكبة لاباس بيها كيما قلتلكم خيطت بيها في الصيف من تم عندي بزاف ما خيطتش بيها تقريبا الشتا والخريف وهي مغلوقة
المشكل انوا هاديك لي في الجنب ما ديرش دورة كاملة دير نصف دورة وتعجر تماما ما فهمتش علاه زعما حليتها ودوشتها بالزيت
مي مكان حتى فائدة
ما فهمتش واش بيها
يا خواتاتي البكرة راهي مزيرة بزاف يعني تدور بصعوبة
درلها الزيت في البيدال مي ما حبتش تسرح وتمشي ؟
ديريلها زيت ودوري الروضة بشوي بشوي حتى تسرح
ولا ادهنيها من الداخل
ايا البنات سلامات هاد المرة راني عرفت وين كانت عاجرة الحمد الله
كان برغي جاي من الداخل في الجهة وين كاين الابرة كان مرخي شوي وانا على نيتي فتحت هاديك ةقلت نشوف بلاك ايا لقيت البرغي مرخي والحمد الله درك راهي مليحة
مي عندي سؤال اخر واسمحولي راني نكثر عليكم وكل مرة نسال مي انا عادتكم كي خياتي
المهم الماشينة من نوع سانجر مي ما تخيطش مليح في القماش تاع تريكو
يعني تقطع الخيط قولولي واش نعمل ؟؟
كل قماش له نوعه الخاص من الابر كي يكون القماش خشن لازم الابرة تكون خشينة والعكس صحيح
الابرة الخشينة خاصة بالقماش الخشن ومع ذلك تخيط القماش الرقيق ولكنها تترك اثار ثقوب الابرة
الابرةالرقيقة خاصة بالقماش االرقيق ولايمكنها ان تخيط القماش الخشن اما تتكسر الابرة واما تقطع الخيط
ملاحظة الابرة كذلك لديها نوع خاص من الخيط فمثلا لا يمكننا ان نركب ابرة رقيقة جدا مع الخيط الخشن لانه سيصعب له المرورفي الابرة مما يؤدي الى تقطعه
|
المشاركة الأصلية كتبت بواسطة فريولة ابتسام
 كل قماش له نوعه الخاص من الابر كي يكون القماش خشن لازم الابرة تكون خشينة والعكس صحيح
الابرة الخشينة خاصة بالقماش الخشن ومع ذلك تخيط القماش الرقيق ولكنها تترك اثار ثقوب الابرة الابرةالرقيقة خاصة بالقماش االرقيق ولايمكنها ان تخيط القماش الخشن اما تتكسر الابرة واما تقطع الخيط ملاحظة الابرة كذلك لديها نوع خاص من الخيط فمثلا لا يمكننا ان نركب ابرة رقيقة جدا مع الخيط الخشن لانه سيصعب له المرورفي الابرة مما يؤدي الى تقطعه |
بارك الله فيك اختي على المعلومة
انا جديدة في هدا المجال وما نخيطش بزاف على هكدا ما عنديش فكرة بزاف عليها
الله يعطيك الصحة اختي فريولة ابتسام
بارك الله فيكم كامل على المعلومات
السلام عليكم ورحمة الله وبركاته
انا بيت نسال لي تعرف تخدم الفتلة بالماشيتة سانجار تاع البيدال العادية
لي تعرف ما دا بيها ترريلنا
مكانش لي عندها فكرة يا لبنات ؟
ديريلها الزيت في الثقوب من الاعلى وكثري بزاف وخليها تريح ليلة كاملة وجربي خيطي بيهي واذا مخيطش وعادت تقطع الخيط جربي ترخفيه بشوي وننصحك لاشفتيها غير تعييك اديها للخدام
]
سلام عليكم يا البنات ياختي حطي المشينة تحت الشمس راها تكون باردة بيها الشتاء