السلام عليكم ورحمة الله وبركااته:
اخوااااااااااتي
راني ندير فالعرايش ~~~~~~~~~غدوا ان شاء الله نكمل رايحة ندير الطلية ومبعد نديكوريهم بورداات رايحة نخدمهم بلابات داموند بصح منعرفش نستعملها مممكن تشرحوولي جزاااكم الله خيراا علما اني شرييت لي مول تاع الورداات
آآه وثاني حابة بعد ما تنشف الطلية نمسح عليهم باللماع الغاذائي شريت زووج بلا الاسفنجة تاعهم في قرع واحد دوري واحد فضي ويناه لي تنصحوني نستعملو علما انو عرس راجل وبااش نمسح فالطلية قالي مول الحانوت استعملي قطعة قمااش بركك
بانتظاااااااااااركن انا بحاجة لاستعمال لابات دامووند
لا بات داموند عجنيها مليح بالمايزنة حتى تشد روحها
أما البريون أنا نستعما الناكري الأبيض(الفضي) يمشي مع كل الألوان
الإسفنج أنا شريتو وحدو تاع الفون دوتا كما يمكن إستعمال البانسو الرقيق
والله أعلم هذا واش نعرف
|
المشاركة الأصلية كتبت بواسطة sbmwhadz
 لا بات داموند عجنيها مليح بالمايزنة حتى تشد روحها
أما البريون أنا نستعما الناكري الأبيض(الفضي) يمشي مع كل الألوان الإسفنج أنا شريتو وحدو تاع الفون دوتا كما يمكن إستعمال البانسو الرقيق والله أعلم هذا واش نعرف |
بالضبط كيما قالت الاخت
هذه هي الطريقة
اما بالنسبة لعرس راجل او مراة انا لا ارى اي فرق
ديري اللون اللي يعجبك ..
الف مبروك
شوفي يا حنونتي لبات داموند اعجنيها بالسكر قلاسي واخدمي بها نورمال وكعاد عرس طفل اخدميي اللماع الابيض واستحملي اسفنجة تاع فوندوتا تكون نظيفة وخلي حتي تنشف الطلية من الاحسن خليه يبات وغدوة استعملي اللماع وديري لبات داموند اللون الازرق واخدمي الوردات بما انو عرس طفل
لبات داموند اخدميها بالسكر قلاسي وزيديلها الصبغة البيضاء باه جيك مليحة امت بالنسبة للماع استعملي الابيض واستعملي الاسفنجة تا ع فوندوتا نظيفة اما بالنسبة للون استعملي الازرق الملائم
بالنسبة للماع استعملي اسفنجة نظيفة تاع fond de teint ، اللماع الابيض nacré يخرج مع الالوان كامل mais كي راه عرس راجل استعملي الطلية بلون ازرق فاتح او اخضر فاتح و الملمع ابيض nacré يجوك شابين العرايش نشاءلله و الله يدوم فرحكم
استعملي النشا مع عجينة التزيين و لماع ابيض واستعملي حتى منديل ورق
اختي بالنسبة لعجينة السكر انا نذوبها شوية في طاوة ومبعد نحطها في طاولة عمل ونخدمها بالنشاء حتى تتماسك وتبقى طرية وكي تحبي تطبعي ديري النشاء في المول اما بالنسبة للبريو اللون يعتمد على لون الطلية يعني اذا كان اللون الطلية ابيض او ازرق فاتح او بنفسجي استعملي البريو الابيض ناكري ماشي هذاك الفضي الخشن اما اذا كان اللون نتاع الطلية باج او اصفر او اخضر فاتح يفضل استعمال لون النكري البرونز اما بالنسبة للاداة لتعملي بيها البريو لكي الاختيار بالبانسو او الاسفنجة نتاع الماكياج تكون جديدة بالنسبة للسكر ارطب ماننصحكش ديري للعينة نتاع السكر لي راح تزيني بيها لانو مبعد كي تحطي القاطو في الباط العجينة تولي تطرا وترجع تتلاصق نتمنى نكون افدتك وما طولتش عليك
بااااااااااااااااااااارك الله فيكم خااوتي
جزاكم الله خيراا افدتوني كثييرا
بالنسبة للورداات بعد منخدمهم نلصقهم طوول ولا معليش نخلي مدة ونستعملهمم ونديرلهم كولوروون تااني
باانتظاركن راني ندير فالطلية دررك
لصقيهم كي تبدا الطلية تشد روحها ولا لصقيهم ببياض البيض