السلام عليكم
اختي شفت موضوعك لي درتي فيه نابرون درتي وحدات على شكل نجمات ممبعد لصقتيهم عجبوني بزاف ودرت كيفهم [IMG]
[/IMG]
وحابة توريلي طريقة لصق النجمات مع بعضهم البعض للحصول على نابرون , انت او اي اخت تقدر تفيدني
جازاكم الله كل خير
شكرا للجميع وللمنتدى الاكثر من رائع
تحياتي
السلام عليكم
بالنسبة كيفاه تلصقيهم مع بعض
راكي تحصلتي على زهرات سداسية
احكمي 2 قطعتين او زهرتين وحطي زاويتين مقابلين بعض يجوك العقشات الصغار الي في رؤوس الزهرة مع بعض
تحمي ابرة وخيط دخليه في العقاشة الصغيرة نتاع اول زهرة او قطعة تضيفي من عندك عقاشة صغيرة من نفس النوع ثم تزيدي دخلي الابرة في العقاشة نتاع الزهرة الاخرى (القطعة الاخرى)
هكذا تحصلتي على ثلاث عقاشات صغار في الابرة والخيط نتاعك
تزيدي العقاشة الرابعة وتعاودي تدخلي في العقاشة الاولى
تتحصلي على شكل رباعي صغير من العقاشات الصغار في مكان لصق الزهرتين او القطعتين
نتمنى راكي فهمتيني
والا مافهمتيش نرسمهالك باه تفهمي خير
تعملي مزية كبيرة كان ترسميهالي او تصوريهالي مافهمتش مليح سامحيني تعبتك معاي بزاف
بارك الله فيك اختي الهزيزة وربي يعطيك كل ماتتمناي
المهم النجمات الي رسمتهم نقصد بيهم الشكل السداسي
والدوائر الصغيرة المفروض عقاش صغير
يعطيك الصحة اختي تبانلي فهمت غدوا ان شاء الله نجرب مي حبيت نسقسيك على الخيط كيفاه ندير باش مايخرجش؟ خاطرش ماعندوش وين يحصل
الله يسعدك في حياتك
العقاش لي نشبط بيه الوحدات هو نفسو لي خدمنا بيه فالاول؟
|
المشاركة الأصلية كتبت بواسطة belseme
 العقاش لي نشبط بيه الوحدات هو نفسو لي خدمنا بيه فالاول؟
|
باه مايخرجلكش الخيط كي ديريه على زوج في الابرة وتعقديه دخليه في العقاشة الاولى خليه خارج شوي وراكي دوري بالخيط تعاودي ترجعي نفس المكان دخلي الابرة نتاعك في طرف الخيط وزيري مايزيدش يخرج
وكملي الخدمة نتاعك
يعطيييييييييييييييييييييييك الصحة
السلام عليكم
راني درت ايسياج مي ماكملتوش خطرش بانلي معوج؟!! شوفيه اختي وقوليلي رايك 
[IMG]
[/IMG]
[IMG][/IMG]
راني عرفت الخطا تاعي هو اني النجمات مانقربهمش لبعض نشبطهم عشوائي ترقبيني حين انهيه