الى الاخت حبيبة و كل من في دورة الرقي 2024.

السلام عليكم و رحمة الله و بركاته
اردت ان اكتب هذه الكلمات البسيطة لاشكركن من اعماق قلبي صحيح ان البرنامج الذي في الدورة لم يساعدني نظرا لانني اعيش مع العائلة و ايضا عاملة ومخطوبة اي انني لم اتزوج الا انني استفدت منه كثيرا هذه مدة 3 اسابيع كل يوم ادعي لكن ربي يحقق لكن ما تتمنينه لانني لم اعد اتعب كما في السابق غيرتو طريقت عملي في المنزل انا من النوع المولع بالنظافة بقعة صغيرة من اجلها نقلب البيت لكن اقضي يوما كامل في غرفة واحدة و اتعب لكن عندما طبقت تدابيركن و ارائكن لم اعد اتعب خاصة في المطبع كنت ندير ليه نهار ليه وحده من الصباح لليل باه نضفو الان كل حاجة وحدها لقيت روحي انه يبقالي نضيف و في نفس الوقت ما يديليش الوقت الفريجيدار كل اسبوع نضفه اي يوم الجمعة كي يقضي بابا ما يروح من المارشي غير انا نضفته و رتبته ما يديليش 15 دقيقة لانه يبقة نضسف الكويزنيار كل ليلة بعد ما نغسل الماعن نحكها مليح الجناب تاع الحيوط الي قراب ليها خصصت ليهم نهار ليهم الحيوط تاع الكوزينة تاني ما عادوش يقلقوني ماش غير الكوزينة باقي اجزائ البيت وليت مقسمة التنضيف تاعهم و اهم حاجة التسييق كنت كل يوم حالة بروجي ضرك درته بالاسبوع مرة و الاام المتبقية اكتفي برش الارضية و مسححها امس شبعتكم دعاء ايا خلصوني هههههههههههههههههههههه
شكراو الف شكر ليكم ضرك ما عدتش نكره من القضية تاع الدار برك كون ماما تخليلي واش خدمت ما تقلبوش نكون اسعد وحده هههههههههههههههههههه

رحوقة حبيبتي
توحشتك
انا تاني كنت رايحة ندير موضوع كيما هذا نشكر فيك حبيبة و كامل لبنات اللي ساعدوني

حبيبة واش راكي توحشتك

حتى انا نضم صوتي الايمان وسندوستي الزينة ونغتنم الفرصة لشكر حبيبة الله يبارك عليك ياصحبتي راكي قمة ومراة نتاع دار
الله يعطيك ماتتمناي ونفرحو بيك ان شاء الله

اقتباس:

المشاركة الأصلية كتبت بواسطة حبييبة ههههههه ربي يخليلك لميمة و يطولنا في عمرها و يفرحها بيك عن قريب بإذن الله بصح راني زعفانة منك رحوقة راكي غيبتي علينا بزاااف كلي سمحتي فينا اعقلي اعقلي ربي يسترك مالعين و يعطيك الخير ويدوم عليك هاد النعمة و يزيدك من نعيمه ممكن طلب حبيبتي باش لبنات لخرين الموظفات باش يستفادوا من برنامجك ممكن برك توضحي برنامجك كجدول يعني حددي برك مثلا يوم كذا حيوط الكويزينيير يوم كذا الثلاجة و هكذا هكذا إذا عجب لبنات و حسيناهم يستفادوا منه بإذن الله ممكن الدورة الجاية ولا حتى الاسابيع الي بقات في الدورة ممكن نعدلوا البرنامج نتاعها باش توالم البنات هكذا يستفادوا أكثر مالدورة و يكون في ميزان حسناتك حبيبتي ربي يخليك لينا و ابقاي معانا أنا ما نحب حتى وحدة جات لعندنا و حبتنا و خلتنا نحبوها تروح وتسمح فينا يا لوكان غير تصبح علينا مرة كل يومين و ماعليش المهم نعرفوا باللي راكي بخير و على خير ربي يعطيك الهنا رحوقة و يخليك لوالدين و راجلك و يا سعده بيك لحبيبة موااااح عندي كلمة لباقي لبنات الله يخليكم ما تزعفوش مني إذا وحدة حطت موضوع ولا مشاركة و ما رديتش عليها ديروا في بالكم أن كل ما تكتبوه نقراه لكن الوقت + النت هوما اللي ضاغطيني و بالشوي بالشوية راني نفوت على كل كلمة كتبتوها و نرد عليها بإذن الله ربي يخلينا لبعضنا البعض في أمان الله

ربي يخليك اخت حبيبة انا تاني توحشتكم ووالفت بيكم ربي العالم الله غالب الايام هادو النت هبلتني ساعة باه نقدر ندخل من بعد تخرجلي ايرور غير في المنتدى ما فهمتش علاش
بالنسبة للطلب تاعك انت تامر يا قمر ضرك ندير جدول بالصح الجدول هذا ممكن نبدل فيه مثلا اليوم عولت نغسل القش الثلج فسد البروقرام
ربي يخليك اختي و ربي يعطيك ماتتمناي انت تاني و يحفظك

اقتباس:

المشاركة الأصلية كتبت بواسطة sondse1 رحوقة حبيبتي توحشتك انا تاني كنت رايحة ندير موضوع كيما هذا نشكر فيك حبيبة و كامل لبنات اللي ساعدوني حبيبة واش راكي توحشتك

اهلا مريومة انا تاني توحشتك يا لعزيزة الله غالب النت في المنتدى هبلتني اليوم برك لقيت راحتي راني دخلت بحرية هههههههههههههههههههههه

اقتباس:

المشاركة الأصلية كتبت بواسطة حبييبة مريووومة انتي تاني!!!!! أيااا سايي اللي تحب تشكرني تسبقلي الشوكولا بلا بيها ما نقبلش التشكراااات خخخخخ يا لحبيبات والله ما نحب هاكدا الشكر لله وحده أما أنا ما فعلته هو أنني فقط وضعت أرجلكم على عتبة الطريق و شعلت شويَة ضو و انتوما درتوا الباقي بتوفيق من الله و خلاص ما تحتاش مواضيع جديدة و تشكرات ها ما تحشمونيش…. ربي يخليكم كامل ليا و يحفظكم و يدوم بيناتنا هاد المحبة اللي ما نبدلها بحتى حاجة في هاد الدنيا و ندعي الله كيما جمعنا في هذه الدنيا على حبه و طاعته و عبادته يجمعنا غدا يوم القيامة تحت ظله يوم لا ظل إلا ظله اللهم آآآمييين

والله تستاهلي كل خير اختي انت و كامل البنات انا وحدي في الدار نخدم من راسي و اغلب الوقت نتفنين هههههههه بالصح من نهار وراتلي مينة الدورة تشحعت و ليت فحلة و نص ههههههههههه

ههههههههههههههههههههه قتلتيني بالضحك ايمان حتى انا من حبيبة حواييج بزاف كانو مقلقيني تنظموا و عادت عندهم ايامهم الخاصة

شحال راكي تحسبي في الدعوة 5 الاف و للا شحال باش نفليكسيهالك هههههههههههههههههه

و ياك تنقسيلي شوي انا صديقتك و زيد راكي علابالك الظروف هههههههههههههه

هاكي و لعشوا نتحاسبو في س ك ي ب

الحمد لله رحيق كي حياتك تنظمت ماشي غير انت كامل تغيرنا لافضل بسبب حبيبتنا حبيبة
هكذا لما تتزوجي كلش يجيك ساهل ربي يباركلك في صحتك يا رب

اقتباس:

المشاركة الأصلية كتبت بواسطة mina3 و ياك تنقسيلي شوي انا صديقتك و زيد راكي علابالك الظروف هههههههههههههه هاكي و لعشوا نتحاسبو في س ك ي ب

ههههههههههههههه مينة قتلتيني بالضحك

عندك الصح اختي رحيق تغيرت فينا بزاف امور بفضل الله اولا ثم حبيبة ربي صخرهانا باه تورينا امور وصخرنا ليها بالدعاء
جزاك الله خير