السلام عليكم اختي
ممكن تحطيلنا نشوفو قندورتك كاملة و تقولينا كيفاش خيطتيها
راكي درتيها هايلة ما شاء الله لون و شكل
هل خيطتيها بطريقة بسيطة و لا كاشما زديتيلها من الاسفل
تعيشي اختي صوريهالنا و ادا امكن حطيلنا باترون كيفاش فصلتيها من جهة الصدر و هل درتيه سانتري و الا عادي
نتمنى نلقى عندك رد لاني راح ندير وحدة لمرت خويا و راح نديرهالها للعرس 
و بقماش بيزو بيزو و حابة نديرها متحوفة
و ان شاء الله نلقى عندك المساعدة
تسلم ايديك
و شكراااااااااااااا
thabel inchallah trad 3lik
مسا الخير أختي و اسفة اسمحيلي بزاف اليوم وين دخلت للمنتدي أختي أنا مانيش خياطة و مانفهم والو ولكن نحب نخربش شوي نشرحلك كيفاش درت بما أنه الصدر كروشي ورح يتركب فيه القماش قمت بقياس محيط الصدر و محيط الخصر و منطقة اسفل الخصر وأكيد الطول من منطقة الصدر ونزلت الى الرجلين (أعزك الله) و القياسات التي تحصلت عليها قمت بقسمتها على أربع و ثنيت القماش على أربع على الجهة الداخلية و بعدها قمت بتطبيق القياسات على القماش مع اضافة واحد سانتيم نتاع الخياطة ونرسم بالقلم ودرتها سانتري في منطقة الخصر و انت ترسمي و شوفي ومن الأسفل درتها لارج ومن بعد قصيتها دايرة يعني تجي طالعة على الجنبين ودايرة من أسفل وعملتلها حاشية 03 أو 04 سنتيم من نفس القماش وقلت نديروا بالسورفيلاج من الجهتين و نلصقوا بالثنيات و الماشينة نتاعي صغيرة قلقتني في السورفيلاج فبعثت الفستان لوحدة خياطة حتى تلصقلي الحاشية برك لكنها طولت باعتبار أنها تخيط للعرايس و أنا مانيش زاربة و لكن ان شاء الله من بعد نروح نقولها تزربلي بيها ومع نجيبها نحطهالك بربي ان شاء الله
انشاء الله ترد عليك اونستفادو جميع