السلام عليكم
والله حصلت 
جابلي راجلي البارح سمكة كبيرة توزن واحد 2 كيلو اذا ماشي اكثر طولها اكثر 60 سم وعرضها تقريب 20 سم درك نصورها ونحطهالكم باش تعرفو واش اسمها انا مانعرفش للسمك من غير السردين
وزاد قالي لعشية نروحو لدارنا يعني دار والديه باش نطيبوها؟؟؟
وانا مانعرف حتى وصفة ومانعرفش كيفاش حتى نظفها لاني اول مرة نتعامل مع سمكة بهاذ الحجم
وبيناتنا راني خايفة منها 
ههههههههههه
ياريت اللي تعرف درك تنورني بالطريقة الصحيحة للتنظيف نتاعها وكيفاش نطيبها واش لازم نرفق معاها كأكل
وربي يعطيكم ماتتمناو ان شالله
هامليك صورها تخوف 
ماتشوفوهاش في الصور تقولو صغيرة راهي كثر من فخذ نتاع الخروف الله يبارك
[SIZE="7"5]تعيشو مابقاليش الوقت على 4 نروحو ولا [/SIZE]
نفس راي رحوق ان شاء الله متشبهش لهادي
اسمحيلي مرانيش حابة نخلعك و نهرب قلبك منها
يالله يارحوقة افيديني بالوصفة انا مانعرفش الحوت والفنا غير السردين هههههههههههههه
وجدي الدرسة تكون مفحفحة
رابي بزاف الثوم و قطعي البصل جوانح و حطي الزيت و زيدي الكثير من الكمون هو الاساس في السمك و شوية توابل فلفل اسود و احمر و زعفران و ملح و زيدي قطعي المعدنوس قيس ربطة و حطي 3 اوراق رند و فتتي غصن نتاع زعيترة و خلطي الكل جيدا
و قبل ذلك افتحي السمكة من تحت بشكل طولي و نحي كامل امعائها و ووووووو …… وحتان تتخلصي من الكل و حطيها في ماء و ملح و الخل الخل ضروري باش تتخلصي من الرائحة خليها لمدة 5 دقائق منقوهة و من بعد اغسليها و ديريها تقطر
و قبل ذلك مرري بالسكين على سطحها باش تنحي كامل الحراشف و اقطعي الزعانف و تحبي تنحي السيرسو لانو النوع الكبير يكون معمر شوك اذا عنك لقاط نحي الشوك الكبير
و اغسليها وديريها تقطر
و من بعد جيبي المول نتاعك و غلفيه بقطعة المنيوم كبيرو حطي تحتها شرائح البصل جوانح و شرائح ليمون ان اردتي ذلك و امسحي السمكة بالعقدة جيدا داخل و برا ممكن تجرحيها بالسكين باش تدخل المكونات جيدا تقدري تحطي من فوق طماطم دوائر و تغلفيها جيدا
و تقدميها مع الارز الابيض المفور تلوني نصو بالزعفران
او تقطعي البطاطس دوائر هي و الفلفل الحلو و طيبيهم مع السمكة
ارجو اني اكون افدتك
اذا خوفك الراس تقدري تقطعيه
الحمد لله مش السمكة الي حكيت عليخا انا و رحيق
اسفو و الله قصدي تنبيهك
اي سؤال رامي هنا و تقدري تبداي من ضرك و تخليها بيها بالمول بالعقدة في الثلاجة كهذا تبنان و تدخللها الدرسة و كتروحي طيبيها في الففرن برك
و قدمي معاها ما تشائي ارز او بطاطا و خضر …. و سلاطة ممم خاصة سلطة البسباس تمشي مع السمك
او تقدري ديري حساء خضر و سلطة مع السمك
هههههههههههه لالا راني حطيت الصورة نتاعها
ربي يعطيك ماتتمناي حبيبتي توام روحي خلاص درك يجي الما نبدا بيها نقيها كامل ونديرها في الخل باش تتنحى الريحة ونروح غير نطيبها برك
راه عندي مشكلة اني نخاف منها ههههه اي حيوان كبير نخافو مانقدرش نمسو هذاهو خوفي الكبير ان شالله نقدر نقيها وماندزعش
درك نهبط نشري لي قون هههههه
هههههه يا ويلك موني بلاك تعظك
متنسايش غير تقطر دوزنيها و حطيها في الثلاجة راح تبنان اكثر
ان شالله راه جا الما درك شوية هاك نوضلها لازم نهبط نشري الكمون خلاصلي مع الفلفل لحمر الزعيترة ماعنديش في طريقي كي نجي رايحة ليهم نشريه اذا قبل راجلي يحبس ههههههه
يعطيك ربي ماتتمناي ان شالله
راها فاداتك ام مريم يعطيها الصحة
برك زيدي للدرسة عصير ليمون مممممممممم
بصحتكم مسبقا
حنونتي كيفاش جاتك الحوتة انشاء الله برك خليتينا شوية ندوقو ههههه
قولولي برك ماهيش هاذ النوع سمكة ارنب راهم خوفوني منها بعد مادوزنتها؟
ههههههههههههههههههه مونيا قتلتيني بالضحك وفكرتيني باختي كيما انت ههههههههههههههههههه
وحقى حبيت نزيدلك حاجة ديري لاموتارد في الحشو يواتي الحوت ويطلق بنة رهيبة ونزيدلك حاجة مع اعجابي بطياب ام مريم نحي الالمنيوم من الطياب راهو مضر بزاف طيبي في مول مايلسقش وماتنسايش تدوقينا
قولولي برك ماهيش هاذ النوع سمكة ارنب راهم خوفوني منها بعد مادوزنتها؟
حقى نسيت نقلك حاجة مهمة جدا حوت انتاعك
مسرار بزاف ههههههههههههههههههههههههه