السلام عليكم
ارجو منكن اخواتي كل واحدة تقلي كيفاش اطيب الملوخية انتاع الغبرة والملوخية انتاع الورق الخضراء كاينة تتباع في الجزائر ولا لا اشكركن انتضر منكن الوصفة
للأسف أختي مانعرفهاش
وأرجو من الأخوات ان يساعدنك
في أمان الله
اني انتضر اخواتي
انا ايضا شريتها
رايحة نجربها اول مرة كي يقولولك على الطريقة خبرني اذا بنينة ولا ماكالاه نجربها هههههه
تفضلي اختي وجتها في احد المنتديات على الطريقة التبسية
المقادير:
1-كيس ملوخية حجم 100 غ (للأمانة أنا استعمل ملوخية الذواقة) وفي نوعين حارة واخرى من غير حار
2- ملعقتين صغيرتين من التوابل(توابل الملوخية الأصيلة حسب تقاليدنا : تابل و كروية )
3- كمية من الهريسة حسب الرغبة أنا أضع ملعقة قهوة
4- راس توم متوسط الحجم
4- بصلة متوسطة الحجم
5- مقدار ملعقتين طعام دبشة أو كزبر ملعة ص ملح.فلفل أسود.، و انتبهوا تملحوها بزاف لأن حجمها ينقص بعد النضج و تتفاجؤوا بالملوحة الزايدة
7- كمية من زيت المائدة -تكفي لقلي اللحم والبصل
8- رطل من لحم خروف-مذاقها يكون احسن مع هذا الاخير-وفي ناس يستعملو لحم الدجاج او البقر لكن انا شخصيا جربت لحم الخروف تطلع ابن والذ من اللحوم الاخرى-
طريقة التحضير:
أولا نحضروا الدرسة:
كالآتي
تهشمي الثوم بالسكين وتحطيه في الهاون
و تضيفي عليه البصل المقطع لقطع عشوائية
الدبشة المقطعة خشينةوملعقة من التوابل
شوية ملح و فلفل أسود (رشة خفيفة حتى تسهل علينا درسه ميلح في الهاون أو المهراس كيما نقولو نحنا)
بعد ما تصير الدرسة مثل الكريمة نضيفولها الهريسة أو الشطة أو الفلفل الحار الأحمر قد ما تحبوا
و نخلطوها حتى تتجانس المكونات تماما
في هذ الوقت نجيبوا اناء التحضير:
*نضع فيه قطع اللحم بعد تنظيفها و ملعقتين طعام من الدرسة و 3 ملاعق من الزيت انا شخصيا اضع زيت المائدة العادي
* نضيف باقي كمية الملح و الفلفل الأسود و القليل من التوابل السابق ذكرها فقط ربع ملعقة صغيرةو طماطم مصبرة من 2-3 ملاعق طعام
*نترك الخليط على نار هادئة تتقلى المواد و ينشف الماء الناتج من البصل و اللحم
في هذه الأثناء نكونوا حضرنا ماء ساخن على جنب
و نضيفوا حوالي الكوب كبير من الماء شوية شوية
و نخلو الخليط يغلي على نار هادية
*اما عن كيس الملوخية من الاحسن انك تخلطيها بالزيت قبل ساعات من طبخها ومن الاحسن تبات في الزيت في الثلاجة-وهناك من يقوم بخلطها ووضعها مباشرة فوق المرق الموضوع على النار-لكن الاحس تخليها فترة طويله بالزيت للحصول على نتائج افضل
اخيرا نضيف خليط الملوخية لللحم و….-المرق-ونخلط قليلا قليلا ثم نضيف عليها الماء المغلي حوالي لتر وتقفلي عليها الكوكوط او الاناء المضغوط مدة ساعة المهم حتى تخثار تفتح عليها وتخليها تكمل حتى يطلع زيتها
منقول للإفادة
|
المشاركة الأصلية كتبت بواسطة wafa.wafa
 تفضلي اختي وجتها في احد المنتديات على الطريقة التبسية
المقادير: 2- ملعقتين صغيرتين من التوابل(توابل الملوخية الأصيلة حسب تقاليدنا : تابل و كروية ) طريقة التحضير: *اما عن كيس الملوخية من الاحسن انك تخلطيها بالزيت قبل ساعات من طبخها ومن الاحسن تبات في الزيت في الثلاجة-وهناك من يقوم بخلطها ووضعها مباشرة فوق المرق الموضوع على النار-لكن الاحس تخليها فترة طويله بالزيت للحصول على نتائج افضل منقول للإفادة |
يعطيك الصحة ومن الافضل تشري تاع ميزان تجي حلوة
وافضل المنتجات من القالة او بسكرة او تونس فقط
بصحتك اختي
بارك الله فيكن وجازاكن الفردوس
نزيدك على ما فالت الاخت وماما تقلى الملوخية فى زيت زيتون على نار هادئة وتمرقها ثم تحضر فى مقلاة اللحم والتوابل والبصل ملح وطماطم هريسة رند تقليهم مليح وتمرقهم وتسكبهم على الملوخية وتكون كمية الما كبيرة معدل 4 ملاعق ملوخية ب 2 ليتر ماء وعلى نار هادئة نتركه تتطبخ حتى ينقص الكمية ويطلع الزيت نزيد قرن فلفل حار وبعد بالصحة والهناء ومعروف الملوخية عندنا
وبالتحديد فى الشرق على الشريط الحدودي بتونس اما ملوخية الورق نحن لا نستعملها فى الجزائر معروف عند اخوتنا بالمشرق العربي وهي اسهل من الغبرة
https://www.djelfa.info/vb/showthread.php?t=1276996
هاهو هذا الرابط نتاع الملوخية ﻻم كوثر وبصحتكم اختي
يعطيك الصحة
ربي يخليكم ليا يا اخواتي الحبيبات ويعطيكم ما تتمنوا يا رب
حنا نديرو هادي
جامي دقت انتاع الغبرة
يا اختي هاذي ماش ملوخية هاذي قناوية
أختي حنا في نديروها بنفس طريقة أم كوثر جربيها و ما تندميش راهي روووووووووووعة خاصة مع المطلوع
و من الاحسن الملوخية تكون مرحية و شكرا
اطريقتي تشبه طريقة ام كوثر غير اني منديرهاش في الكوكوت