هدا طبق الملوخية من مطبخي المتواضع
للتحضير
ملوخية
لحم غنمي
بصل
ثوم
حية طماطم
طماطم مركزة
توابل
الطريقة نضف الملوخية بالسكين او بفوطة مبللة وانا كنختار السكين احسن
نقطع الجزء العولي منها
في الكوكوط نضع اللحم نضيف له كمية كثيرة من البصل الطماطم ثم التوابل والزيت
نضيف الماء ونطيبها لمدة معينة يعني لما يبدا اللحم يدخله الطياب
نزيد الملوخية والثوم ونرجع الكوكوط فوق النار لمدة 10 الى 15 د
ونقدمها مع خبز الدار انا نسيت نصور لكم الخبز
ان شاء الله تعجبكم
وبالصحة والراحة
تسلم الايادي الي طيبت لكن اختي هذه قناوية الملوخية طبق اخر
ssaahhh ahnna fi shark ngouloulha gnnawiya w mloukhiya tji khadra w marhiya ;;;;
|
المشاركة الأصلية كتبت بواسطة sabimarsine
 تسلم الايادي الي طيبت لكن اختي هذه قناوية الملوخية طبق اخر
|
الله يسلمك اختي..على بالي حنا في الجنوب كنسموها الملوخية
raki sakhaftiinni hram 3lik wayan nouskn makach ranni natmasskhar bsahhatkoum
|
المشاركة الأصلية كتبت بواسطة oum yahya
ssaahhh ahnna fi shark ngouloulha gnnawiya w mloukhiya tji khadra w marhiya ;
;;; |
فعلا اختى ام يحيا ملوخية الشرق الجزائري تختلف عن ملوخية الجنوب لان عندنا بالجنوب هده الملوخية وعلى هد حطيتها وان كنعرف ملوخية الشرق ونعرف نطيبها ايضا لان جارتي من قالمة علمتني اياها
ياااو نندب حنا في الغرب قاع ماناكلوهاش ههههههههههههههه قليل قليل وين تتباع عندنا وصافي بليزير نشوف طريقة تنظيفها وطيابها ربي يحففففففففففففففففظك اختي
وبغيت نقوللكم خطرا جارتنا بعثتلنا قالتلنا هده ملوخية بصح هي جاية شغل حساء أخضر ثقيل ؟؟؟؟؟ بغيت نفهم هده طحنتها ولا شاه
حنا الغرب عندنا هده الاكلة جديدة ومانكلوهاش بزاف
بصح انا معولة في حالة ما ادا لقيتها تتباع نطيبها
وادا عندك وصفة اخرى لملوخية الشرق كيما قلت غير حطيهالنا بلا صور ماعليش
وصحا فطوووووووورك يالغزالة
تاعنا ماشي هكا تتباع مرحية و نجيبوها من تونس خاطر حنا تاع الحدود
اها صحيتي هده هي اللي كليتها صحا فطوووووووووووورك
شكرا على الوصفة احنا نقولولها القناوية
انا نحبها بزاف يعطيك الصحة
|
المشاركة الأصلية كتبت بواسطة جسر الأمل
ياااو نندب حنا في الغرب قاع ماناكلوهاش ههههههههههههههه قليل قليل وين تتباع عندنا وصافي بليزير نشوف طريقة تنظيفها وطيابها ربي يحففففففففففففففففظك اختي
وبغيت نقوللكم خطرا جارتنا بعثتلنا قالتلنا هده ملوخية بصح هي جاية شغل حساء أخضر ثقيل ؟؟؟؟؟ بغيت نفهم هده طحنتها ولا شاه |
هههههههههه الله يسلمك اختى
هدي الي حطيتها فالجنوب الجزائري نسموها الملوخية والملوخية الي قلتي عليها نتاع الشرق كما الصورة الي حطت اختنا هبة
وصح فطورك حتى انت
|
المشاركة الأصلية كتبت بواسطة الطبيبة مخطارية
انا نحبها بزاف يعطيك الصحة
|
صح فطوركم يا اختي هذيك الوصفة تاع القناوية والملوخية زي الحنة الخضراء لكن طعمها رائع
allah ya3tik essaha bark habit nwadhehlek haja idha samahti—– nas dair ysamouha mloukhiya wnas echark yesamouha gnawiya et c tres different le gout et la preparation desolee pour mon clavier francais
