اليوم جبتلكم مقادير سرية للقلب اللوز مكانش اللي يعرفها ويخرجللك بنين كيما اللي يتباع .المقادير. 10كؤس لتاي سميد خشن +7كؤس لتاي سكر +3كؤس لتاي ماء الزهر .مقادير الشاربات..1لتر ماء+رطل سكر .طريقة التحضير . اخلطي كل من السميد +سكر+ماء الزهر حتى تولي عجينة طرية ادخليها الفرن واتركيها تنضج وبعد ذلك احضري الشاربات بمزج الماء مع السكر واتركيها تغلي مدة 20د لازم تخليها 20د متزيدي دقيقة وما تنقصي دقيقة باش تجيك مليحة ودعووووووووووولي
بعد الخلط ما يرتاحش نصف يوم؟
شكرااااا………….
لالا اختي طيبيه ديراكت كي يطيب لازم تخليه في العسل نتاعو يشرب مليح كاين اللي يخلوه حتى يومين في العسل
شكرا جزيلا
شكرا لك ………………………..
واش معناها فاقو والله العظيم غير هاذي المقادير سرية خبرتني بيها وحدة سبيسيال فيه على العموم جربيه وشوفي يا اخت اشراق وقولي شكرا
|
المشاركة الأصلية كتبت بواسطة aminatoumi
 واش معناها فاقو والله العظيم غير هاذي المقادير سرية خبرتني بيها وحدة سبيسيال فيه على العموم جربيه وشوفي يا اخت اشراق وقولي شكرا
|
بارك الله فيك
أختي صدقيني كنت انوي تجربته لكن بعد يومين لأنني امس كنت قد عملت قلب اللوز تاع ام انفال
عندما نجرب تاعك راح نحط الصور باذن الله
مشكورة على الوصفة ساجربها على ضمانتك و تديريش في بالك النقد
شكرا على الوصفة
ولكن عندي سؤال:
متبسوش العجينة
يعني مكانش الزبدة؟؟؟
شكرا. راح نجربو.اذا نجحلي نحط الصور
السلام عليكم, وعندك الحق يا أختي كي قولتيلها فاقو , أنا تكلحت جربتها ودرت كيما قالت الاخت, ربي يسامحها خسرتني فالوقت والمكونات, راهي تخرج يابسة حجر , الحجر يتكسر وهي ماتكسرتش , مليح الي تولهت الاخت عاشقة الجنة للزبدة, منا والجاي يا الاخت aminatoumi جربي قبل ما تمدي الوصفة, والتكليحة مليحة, أنا تبهدلت البارح, ربي يسامحك, رمضان رمضان.
كيفاش طريقة أم أنفال مافيها الزبدة وهي دهنتها من الفوق بالزبدة وخلاتها ترتاح ,فهاداك الوقت تتغلغل الزبدة للداخل العجينة , مادابيا تجربي وقوليلي , صح فطورك أختي.
|
المشاركة الأصلية كتبت بواسطة جمانة2017
كيفاش طريقة أم أنفال مافيها الزبدة وهي دهنتها من الفوق بالزبدة وخلاتها ترتاح ,فهاداك الوقت تتغلغل الزبدة للداخل العجينة , مادابيا تجربي وقوليلي , صح فطورك أختي.
|
شفتي كيفاه درت مقدار 1 م ك زبدة وضعتها قطع صغيرة؟
من تجربتي الشاربات هي التي تخلي قلب اللوز طري ماشي الزبدة
لأنني جربتها للمرة 2 و دهنتها بالقليل تاع الزبدة و جاتني طرية
جربتها و جاتني ناجحة الحمد لله فقط الشاربات كانت اكثر من العجينة اليك تطبيقي
تطبيقي لقلب اللوز للأختين aminatoumi و miri_27 (سر نجاح الوصفة)
اكلوها كل في يومها الأول ما خلاوهاش تشرب الشاربات وهذا ما بقى في السحور
