السلام عليكم إخوتي
راني درت ضرك المايونيز و فسدلي طلع نورمال كيما موالف مي مبعد طلق روحو كيفاه ندير ربي يجازيكم
و بارك الله فيكم
أين أنتم من فضلكم
………….
ضربي حبة بيض وزيديلها المايوناز لي خدمتيها
كيفاه نضربها بالباتور نردها مايونيز و نزيدلها المايونيز اللي فسدتلي رجعي عليا ربي يجازيك ان شاء الله
ضربي حبة بيض وحدها وبعدها زيديلها المايوناز لي خدمتيها بالشوية وانت تضربي
جربيها ورديلي الخبر قبل ما ندخل للكوزينة ^^
بارك اله فيك ربي يعطيك ماتتمناي انا درت زوج بيضات نزيد نضرك زوج بيضات ولا بيضة وحدة برك و شكرا
ديري واحدة
شكرا لك أختي درتها حكمت روحا شوية و زادت طلقت كي الاول
probleme على ما أظن السخانة اللي ف المطبخ 
بوركت أختي
البيض لازم يكون على حرارة المطبخ كي يكون بارد يفسد المايوناز عن تجربة كي تحبي تخدمي المايوناز خرجي البيض من الثلاجة لمدة حتى تذهب البرودة نتاعو وجيبي كاس زيت والباتور وبداي تخاطي وتفرغي في الزيت قطرات مثل الخيط رقيق بدون ما تحبسي حتى تشوفي البيض طلع لأنو كون ديري الزيت ضربة وحدة يفسد ومن بعد ديري قرصة مللح في الأخير وشوى خل وقطعة جبن وخلطي وبصحتك المايوناز يجي هايل وصح سحوركم ورمضان كريم
السلام عليكم ، أختي أنا ندير المايوناز بطريقة أم كوثر و جامي فسدلي يجي هايل و الله الوصفة مديتها لصحباتي كامل و لي جربوا يصلحلها ، إسم الموضوع هو "مايوناز و ماسيدوان من مطبخي " ، إن شاء الله نكون أفدتك و لو بالقليل .
|
المشاركة الأصلية كتبت بواسطة MERIEM SETIF-2-
 السلام عليكم ، أختي أنا ندير المايوناز بطريقة أم كوثر و جامي فسدلي يجي هايل و الله الوصفة مديتها لصحباتي كامل و لي جربوا يصلحلها ، إسم الموضوع هو "مايوناز و ماسيدوان من مطبخي " ، إن شاء الله نكون أفدتك و لو بالقليل .
|
إيــه ختي موالفة toujour يصلحلي و يجي هااايل خير من تاع برا مي هاد المرة طلقلي
شكرا