السلام عليكم
كثيرات يشتكين من فشلهم في اعداد حلوى المورانغ و يبحثن عن طريقة دقيقة
اليكموها من مطبخي
2 بياض بيض
120 غ سكر عادي
قرصة بيكربونات
ملون
على حمام مائي نضع كل المقادير
البيكربونات و البيض و السكر و نخفق على سرعة عالية مدة 7 الى 8د
نتحصل على مزيج ثلجي متماسك نلونه حسب الرغبة انا عملت ملون وردي
نحط في اللمبوط و نشكل اشكال على ورق الخبز
ندخلهم في فرن غير مسبق التسخين على اقل درجة عندك
مع ترك باب الفرن مفتوح
من ساعة و ربع الى ساعة و نصف حسب كبر الحجم
كي يطيبو نطفي الفرن و نغلق عليهم حتى يبردو تماما
هدي من تحت بقات بيضاء كما هي
هدي من داخل هشييييشة و طايبة
سلامي
وأخيرا انا اول من يرد عليك اختي ام كوثر والله فرحتي مايسيعها والوووو
الله يجازيك كل خير
ربي يحفضك ام كوثر
الله يعافيك على كل مجهوداتك اللي راكي تبذليها من اجلنا
وجعلها الله في ميزان حسناتك انشاء الله ويحفظلك اولادك انشاء الله
بارك الله فيك
بارك الله فيك
أختي أم كوثر 120غ سكر رطب كم كيلها بالملعقة لأن وعاء الكيل مافيهش السكر الرطب
جزيت عنا خيرا
الله يسلمكم اخواتي
ام قادة السكر عادي مش ارطب راني عدلتها الف شكر
نورتي
روعة شاطرة ماشاء الله عليك
هايلة نجربها ان شاء الله ونردلك بالنتيجة
تعيشي راح نجربها ونقلك
هايل …… دمتي مبدعة
شكرا على الوصفة الدقيقة
بارك الله فيكي
شكرا جزيلا على الوصفة جزاك الله كل خير
يعطيك الصحة اختي على هاد الوصفة هكدا مانحيروش كي يفضلنا البياض واش نديرو بيه شحال هادي وانا حابة نجربها وخايفة ماتخرجليش خاصة ان ابني يوسف يحبها بزاف انجربها ونردلك بالخبر
بصح حابة نسقسيك ندخل حبة المورنغ مباشرة بعد مانشعل الفرن بدون مانسناه يسخن او مادا