الى الاخت التي طلبت مني وصفة الملوخية والى كل الاخوات
هي اكلةمعروفة ومشهورة عنا بكترة ونحبوهابزااااف ونهار لي تطيب في الكارتيي الناس كامل تعرف عند دار شكون هههههههههه
لان ريحتها فاااضحة
كاين لي يقولوا مانحبوهاش او يتخيلوها حنة
نقلهم فاتكم نص عمركم ادا ماجربتوهاش اوماكليتوهاش
الطريقة
لكل 100 غ ملوخية
كاس زيت
10 كؤوس ماء
نخلط الملوخيةوالزيت جيدا
ومن بعد نضيف الماء على النار ونحرك مليح حتى تتجاننس
لما تغلي هكدا
في طريقتين
اما تخليها على نار هادية حتى 3 ساعات تطيب مع التقليب مرة على مرة
اوكما ندير انا
لاني نكره نبقى رايحة جايةنحرك
نغلق عليها في الكوكوت ولما تصفرنهدي النار خلاااص باه لاتلصق لاتتحرق
ونخليها حتى ساعتين او ساعتين ونصف
لما نفتح نلقاها نسفت وطلقت كامل الزيت بلاماتكون لصقت او تحرقت
في هداك الوقن نكونوا وجدنا الصوص
بصل وتوم وملحوفلفل اسود واحمر حار وورقةرندوزيت ولحم اودجاج او دوارةتان بيها تجي بنينة
تراقبوا الملح مالازمش تكتروا لاتنو الصوص راح تكون ناشفة
نقليوها مليييح
ونضيفو مغرف طماطم
ونمرقها شوية ونغلق الكوكوت حتى يطيب اللحم وتتخثر لاصوص وتنقص
الان نحضر الدرسة
في مهراس ندق توم وهريسة وشووووية ملح مليح
ونضيهم للصوص
ومن بعد نصب فوقهم الملوخية ونرجعها على النار تغلي5 د ونطفي
وهنا صارت جاهزة
وتتقدم لااازم مع كسرة
وخاصة المطلوع
اتمنى نكون حببتكم فيها ولو شوية لانها تستاااهل
اممممممممممممم شكلها بنين للاسف حنا معندناش يعطيك الصحة
يعطيك الصحة اختي
انا نحبها مي ماهيش متوفرة عندنا
يعطيك الصحة ام كوثر ملوخية رائعة و كما انها سيبت زيتها خير دليل عا ملوخية حراير
الله يسلمكم اخواتي
منورين الموضوع
تبان هايلة شكرا ليك يا أم كوثر ندير كوراج و نجربها عن قريب بلاك نولي ناكلها هههههههههههههي
5 نجوم من عند أختك أم إياد الموضوع يستاهل
يعطيك الصحة ام كوثر
تبان بنينة كنت نخاف نشريها صح تبانلي كي الحنة
شكرا ام كوثر نجرب ونشوف
يعطيك الصحة حبيبتي و الله انك هنيتيني من البحث و التنقيب على الوصفة الناجحة بارك الله فيك
واااااو راني رايحة نجري نطبقها وعينيا مغمضين لانو اثق في وصفاتك وعندي ساشي مولوخية هذا شحال وانا نقول نديرو ونتفنين نجرب طريقتك تبان هايلة شكرا حبيبتي
انا نموت عليها يعطيك الصحة اختي ام كوثر يمي يمي يمي
شهيتيني
شكرا لك و جزاك الله خيرا
الله يعطيك الصحة. باينة بنينة
يعطيك الصحة جامي كليتها و غير متوفرة عندنا