السلام عليكم
انا ولدت وعشت في العاصمة لكن أصولي من مدينة البرج التي أعتز بها كثيرا.
وراهم البرايجية يعلمونا اللهجة؟؟
سلام أخي الكريم انا بنت البرج و تربيت في عاصمة البيبان و اش تحب تعرف على اللهجة البرايجة ابعث و انا نردلك و عموما اختلاف في نطق حرف القاف
سلام
السلام عليكم يا جماعة البرج واد سوف تسلم عليكم الكل
رانا ولاد البلاد ونحبوا بعضانا وما عندناش العنصرية
واش راكم انتم وواش راهي البرج خيار الناس
تحدثولنا بالبرجية ونشوفوا رواحنا نفهموكم ولا لا
هيا على خير و استهالا في روحك وسلملي على اصحابك اللي راهم في البرج ياسر ياسر
السلام عليكم
اشكرك الأخت البرايجية على الرد انا كان هدفي ان العضاء البرايجية يديروا صفحة للتعريف باللهجة البرايجية ولهم في ذلك اختيار الصيغة المناسبة لذلك.
بالتوفيق ونحن في الانتظار
سأبدأ انا إن شاء الله
لم انتبه يقولوها ما تولّهتش
أنظر يقولوها دنق
لايوجد مكانش بزيادة نون عن اللهجة العاصمية
جارنا يقولو عشيرنا
كلمة ماعليش يقولو لاشتى
السلام عليكم و رحمة الله و بركاته
أخي الكريم أنا كذلك برايجية ساكنة في البرج تقبل مروري أخي الكريم و شكرا على الموضوع بارك الله فيك
سلام
وليد لبلاد
أخي الكريم أنا كذلك برايجيةبصح ساكنة في الجزائر
كاش ما خليت من كلمات راك كامل قلتهش و هاك واحدة
عندما يتكلمو يزيدو يطولو في الكلمة تولي ملحنة نقولو لواحد أرواح هنا هم يقولو أرواح لهون تراش
بابا يقولولو بُّي
عندو ما دخلك يقولوها عندو ما فرّاك
ابتعدي ( بعدي) يقولوها حايدي
سلام أخي وليد بريجة انت تاني برايجية ساكنة في البرج تقبل مروري أخي الكريم و تحية كبيرة أزفها لك من عاصمة البيبان
سلام
السلام عليكم
معذرة اخي انا لست من البرج
هناك لهجة البرج بالعربية و هناك كذلك قبائل في البرج يتكلمون القبائلية
مثل لهجة تيزي وزو
السلام عليكم
أعرف في البرج قبايل بزاف لكننا نتحدث عن اللهجة العربية لهم لأن الأخرى لا تختلف عن قبائلية تيزي كما ذكرت إلا قليلا.
السلام عليكم
طفل صغير يقولوا يشير بسكون الياء الأولى
لما يكون شئ ضخم يقولوا قد ماهو بالقد
سلام انا من واد سوف نحب نعرف اللهجة البرايجية