انا سمعت عليه بصح مانعرفوش نتمنى لبنات يفيدونا شكرا
اختي ابحثي في المنتدى فوق إضغطي على مستطيل البحث في المنتدى واكتبي
اللحم المفور يخرجلك جميع المواضيع
نعطيك طريقتي
ديري اللحم بقري او غنمي قطع في كسكاس و ديري عليه ملح و فلفل وكمون و قطعيلو المعدنوس و شرائح بصل و خلطي مليح و حطيه يفور حتى يطيب و جربتو مرة بدون اي اضافة درت اللحم و الملح و الفلفل و درتو يفور و جا هايل
فكرة ملييييييييحة وحنا نفورو الدجاج وبعدها الماء تاعو نطيبو بيه المرق
شكرا جزيلا
el salemo alaykom wa rahmato allahi wa barakato , hna en france ydiro allahm fayer maa al khodhra yessamoh poteufeu , yediro al batata ,al lefet zroudia nakihom wa khalihom hab maa al bassal al thoum chwiya krounfol zeitra rand al lahm begri thoti al khodhra maa maa bla madiri alzit fi la cocote fi al kaskas taaha hoti al lahm wa khalihom ytibo ,ki ytibo hoto la soce wahdha fi les bol wa alkhodhra maa al lahm wahdhom hadh makla ydirouha fi al chetaa bezaf par ce que dafi ,dji bnina bezaf we hayla .
انا طريقتي وهي ناجحة والحمد لله اللحم غنمي يكون مقطع قطع كبار نديرلو الملح والفلفل الاسود و انحط كل قطعة في ورق الالمينيوم نغطيه مليح وكي نكمل كل القطع نفورهم ويكون الكسكاس مغطي لمدة ساعة تقريبا يكون ناضج ويمكن ان تزيد المدة على حسب حجم قطع اللحم او العكس
بارك الله فيكم عى الفكرة
انا بالنسبة لي لم اكن اعرفه من قبل .
اريد ان استفسر عن استعمالته وعن البنة ديالوا يعني ماهو المغزى من وراء تفويره هل هو ينفع المرضى ام بنة ديالوا مختلفة ام ماذا
أنا في حياتي مفورتش اللحم بصح من ردود الأخوات أخذت أفكار شكرا لكم جميعا
|
المشاركة الأصلية كتبت بواسطة lyna2017
 بارك الله فيكم عى الفكرة
انا بالنسبة لي لم اكن اعرفه من قبل . اريد ان استفسر عن استعمالته وعن البنة ديالوا يعني ماهو المغزى من وراء تفويره هل هو ينفع المرضى ام بنة ديالوا مختلفة ام ماذا |
بنتو احسن وجربتها تجي بنينة بزاف وايضا يوب في الفم واما الصحية يقعد كل الفيتامينات ديالو دون ايضافات
وايضا يديرو الجاج او السكالوب لمرضى القلب منعا للكوليسترول الزايد ويحجي طري وبنين والله بنتو هايلة جربيه ورديلي الخبر
صباح النور تبلي اللحم انتاعك انت واش حاب سمك دجاج كوتلات ……الخ وزيدي قطعي البصلة دوائر و الطماطم دوائر غلي البرمة امليح حطي كلش في كسكاس واغلقي اعليه بورق الالمنيوم وامبعد كطيب اذا حاب ادهنيه بالموتارد ولاالزبدة اوحمريه في الفور ماعندي ما انقولك خير من الشواءههههههههههههههههه وبصحتك
|
المشاركة الأصلية كتبت بواسطة ميمنة الجزائر
بنتو احسن وجربتها تجي بنينة بزاف وايضا يوب في الفم واما الصحية يقعد كل الفيتامينات ديالو دون ايضافات
وايضا يديرو الجاج او السكالوب لمرضى القلب منعا للكوليسترول الزايد ويحجي طري وبنين والله بنتو هايلة جربيه ورديلي الخبر |
بارك الله فيك
فكرة جديدة بنسبا ليا انا نديره في الكوكوت بدون ماء وحده مع اللح والفلفل الاسود يجي هايل تقو مشوي يتيب 2 سا علا نار قليلة جدا
نديروه ياسر باسكو يطيب كي زبدة طري وبنين وزيد ليدام كامل يهبط يعني تتخلصي من ليدام نتاعو.انا ننصح بيه الكل