في القديم كانت الكنة طيب تغسل تسيق تعمر الماء وإذا كانت عجوزتها طاعنة في السن تدوشلها تغسل ملابسها وتحطلها الماكلة بين يديها حتى وإن كانت هذي العجوزة واعرة ولا تعامل الكنة معاملة جيدة
أما اليوم من نهار الاول تطلب دار وحدها الا من رحم ربي وتظل 24/24مسكرة الشمبرة على روحها وإذا دارت مزية و طيبت العشا متغسلش الماعين 
في رأيكم ماهي الأسباب التي جعلت الكنة تفعل ذلك نتمنى المشاركة من الجميع خصوصا المتزوجين
لا نعمم الكلام على الجميع هناك بنات الصيل
وعليكم السلام
موضوع جميل اخي
انا نقولك السبب الرئيسي هو الزوج على خاطرش هو لي يعتبر اشارة مرور لزوجته اما ضو الاخضر او الاحمر
يعني الراجل يلا مد الضوء الاخضر لمرته راهي دير رايها وتتمرد
ويلا مدها الضو الاحمر تم تعرف حدودها وتسقم روحها
راني متابعة للموضوع ان شاء الله تكون عندنا تدخلات من لي رانا نسمعوه فالمحيط نتاعنا
صح أول سبب هو الزوج لاأن الكثير من الأزواج يسمع لمرتو بزاف حتى لو تكون غالطة يعني يسمع من طرف واحد
والسبب التاني هو قلة التربية الزوجة ماتكونش متربية على الاحترام الكبير وتوقيره
والسبب التالت المعاندة بين لكناين كاين لي تقولك هي ماطيبش انا تاني مانطيبش هى ماتديش عجوزتها للحمام انا تاني مانديهاش…….وهي رايحة
و حبيت نشير الى نقطة هي انو في بعض البيوت الناس ما يمدوش الحرية للكنة بش تخدم كيما تعرف و عجب العجاب ما يعجبهمش يعني ما تاخدش راحتها و تحس روحها ديما مقيدة و ما رحش تعرف تخدم حتى و ان كانت فحلة رح يتثبط النشاط تعها ……………..انا نظن من الاحسن الناس هذو يخليو الكناين يخدمو براحتهم لانو الدار دارهم و نقول للكناين اذا خدمو في دارهم حماتهم ما رح ينقص منهم والو فقط يخليوها لوجه ربي على الاقل يكونو ماجورين عليها
انا شخصيا مالقيتش مشكلة نهائيا لقيت راحتي كي نعود نخدم ديما يقولولي اخدمي كيما تعرفي احنا 3 كناين في نفس الدار و كل وحدة تفهم روحها وش تخدم و عندنا سلافاتنا كبار و مش متزوجين هوما يخدمو الشغل تع برا و احنا فالدار و عل 9 نكونو خلصنا كلشي و كل شي نورمال
السلام عليكم
زمانهم غير زماننا ,,,,,,,,المراة مرا ,,,,,,,,والرجل رجل ,,,,,,صعب ان تجد هذه المعادلة في هذا الزمن
الماضي ,,,,تقوم بكل الاعمال ان كانت راضية ام لا ,,,,,,,تحت اسم الخوف
اليوم ,,,,,,,تمردت ,,,,,,
سلام
و علاه جابها خدامة لبيت اهلو؟؟؟؟؟؟؟؟
المراة كي تعود بنت اصل بلا ما تخاف من راجلها ولا يحطلها الخطوط هذا احمر وهذا اخضر وحدها تعرف وكتاه تدير هاذ الحاجة ولا ما تديرهاش
يعني العجوز وبناتها يرقدو ويريحو والكنة تبونش ؟ظ؟؟؟ اعتقد انه ليس من العدل
|
المشاركة الأصلية كتبت بواسطة happy luck butterfly
 و علاه جابها خدامة لبيت اهلو؟؟؟؟؟؟؟؟
المراة كي تعود بنت اصل بلا ما تخاف من راجلها ولا يحطلها الخطوط هذا احمر وهذا اخضر وحدها تعرف وكتاه تدير هاذ الحاجة ولا ما تديرهاش يعني العجوز وبناتها يرقدو ويريحو والكنة تبونش ؟ظ؟؟؟ اعتقد انه ليس من العدل |
اسمحيلي ختي على الاقتباس لكن لي تكون باغية دير لخير وتتهلى في اهل زوجها ماتحاسبش اذا خدمو ولا لا تدير هاد الصوالح من جودها
علاه ولات عندنا عقلية وحدة بوحدة والمعاندة والله الوحدة كي تخدم اهل زوجها ماشي حقرة بالعكس هداك وين تزيد قيمتها وتكبر في عين زوجها
حنا ولينا ديما نستنو الناس تشكرنا علاه مانخلوش ربي سبحانو هو لي يجازينا
تقبلي ردي اختي بغيت غير نوضح فقط
|
المشاركة الأصلية كتبت بواسطة happy luck butterfly
و علاه جابها خدامة لبيت اهلو؟؟؟؟؟؟؟؟
المراة كي تعود بنت اصل بلا ما تخاف من راجلها ولا يحطلها الخطوط هذا احمر وهذا اخضر وحدها تعرف وكتاه تدير هاذ الحاجة ولا ما تديرهاش يعني العجوز وبناتها يرقدو ويريحو والكنة تبونش ؟ظ؟؟؟ اعتقد انه ليس من العدل |
حنا مقولنش جابها خادمة لكن يتعاونو في الخدمة ولنفرض أن هذي العجوز معدهش بنات أو جميعهم متزوجين
تخدم كيفها كيف اخوات زوجها مشي تخدم عليهم هدا ظلم
اما ادا كانت فقط هي ووالدي زوجها فيجب عليها خدمتهما وهو في الحقيقة تدخل في حسن المعاملة مع اهل الزوج وخاصتا الوالدين
����������������
وادا تتكلم على زمان كانت البنت محقورة ومظلومة و لاحقوق لها من الي تبدا تعقل تعرف بلي هي ليكيب ولخرين كامل شاف ديكيب
كان الدكور يدخلو للمدارس يتعلمو والبنات للشغل في البيت من الصغر هكدا باه ماتتعلمش وتولي تفهم وتطالب بحقها في العدل بينها وبين اخوانها وزوجها مستقبلا
اما الان فتعلمت وعرفت الي ليها والي عليها مثلا كاين امور مايفرضهاش عليها الدين الاسلامي لكن العرف يفرضها عليها ويطالبها بها
وموضوعك هدا خير دليل
صح الكنة تاع ضرك ماشي تاع بكري مي حتى العجايز تاع ضرك مش كيما تاع بكري
و الفاهم يفهم
الله يهدينا
المرأة عندما تتزوج تقول أن بيت زوجها هو بيتها صح أم لا
ولكن كي تروح لدار باباه تخدم نورمال وكي تجي لبيت شيخها تمتنع عن الخدمة
هل صحيح أم لا؟
لازم تنوي برك وربي يجيب الخير ويهدينا جميعا
كل وحدة يجبدها أصلها ……..