من فضلكم اخواتى رانى جربت طريقة التفوار للكوكاو شفتها فى المنتدى بصح ولى الكاوكو ذوقو مبلول رانى حاطاتو فى الشمس يبس من البارح ووالو؟؟؟ واش ندير خاوتى ؟
صباح الخير انا كوكاو نحطو في فرن على درجة 140 غي يصفار شوية ثم نخليه يبرد ونرحيه متوسط و نزيدلو فانيلا وعطر اللوز
hata ana dert tarika taa el okht kharjatli mliha alors chaali el four ykoun skhoun tafih hati el kawkaw diri had el amaliya wahed 3 fois hakak et normalement c bon
السلام عليكم
اختي انا نحمر الكوكاو في الكويزينار على درجة 160 حتى يولي لون ذهبي و نرحيه
كل 1 كيلو كوكاو نستعمل معاه 2 فنجان ماء زهر 2 فنجان سمن ذايب و 2 كاس سكر 3 م ص عطر اللوز
ربي يوفقك
ديريه يحمار في الفور
نعم كيما قالوا الاخوات
مشكورين
حطيه في الفور كيما قالولك الأخوات
أنا أيضا انحمرو في الفرن كيما قالو لبنات…لكن مشكلتي في طريقة رحيه…يعني فاه راكم ترحيو الكاوكاو..ماهي أحسن وسيلة…اللي مجرب افيدني وربي ايجازيه..
حطيه في الفورينشف
حنونة " اميرة قرطبة " انا نرحيه في الرحاية تاع المكسرات يدوية ماشي كهربائية و كي يجيني خشين نغربلو و نعاود نرحي الخشين حتى يوليلي كامل حجم واحد , مانخليشو حتى يولي غبرة خلاص لكن منحبوش يجيني خشين في الحبة تاع البقلاوة
حتى انا نرحيه فى الرحيوة اليدوية يجى كامل حجم واحد
|
المشاركة الأصلية كتبت بواسطة professor chaima
 حنونة " اميرة قرطبة " انا نرحيه في الرحاية تاع المكسرات يدوية ماشي كهربائية و كي يجيني خشين نغربلو و نعاود نرحي الخشين حتى يوليلي كامل حجم واحد , مانخليشو حتى يولي غبرة خلاص لكن منحبوش يجيني خشين في الحبة تاع البقلاوة
|
شكرا ربي يجازيك اختي شيماء ويعطيك ما تتمناي…قالو أنو فيه طريقة أسهل..لست أدري ما هي
يااختي الكريمة يشف في اسبوع ماشي غير يوم واحدوطريقتك صحيحة
|
المشاركة الأصلية كتبت بواسطة أميرة قرطبة
أنا أيضا انحمرو في الفرن كيما قالو لبنات…لكن مشكلتي في طريقة رحيه…يعني فاه راكم ترحيو الكاوكاو..ماهي أحسن وسيلة…اللي مجرب افيدني وربي ايجازيه..
|
عنك طرق عدة ووسائل مختلفة حسب الامكانيات :
1* في سنوات مضت كنا نستعملو المهراس ونغربلو كل شوية باه نايتعجنش من الدق
2* بعدها استعملنا : اما رولو أو الحلال تاع العجين :ديري الكاوكاو في بلا أ و فوق أرضية البوتاجي بعد ماتنقيها بالجافيل وتنشفيها مليح ثم تحطي الكاوكاو بالشوية تبداي تضغطي عموديا تحصلي على نتيجة هايلة وتغربليه وممكن تطحنيه مليح
3 استعمال الأجهزة الكهربائية على اختلاف مسمياتها وأشكالها
انا نرحيه في روبو لي يفرم الخضر( محضرة الطعام )