حبيت من كل الاخوات اللي تعرف تخدم القريوش تمدلي المقادير والطريقة
بصح القريوش هاداك اللي جي الحبة كبيرة ومظفور بطريقة غريبة ونلقاو العجينة خفيفة رانا نلقاوه في المحلات تاع الحلويات و الناس راهم يمدوه في لعراس
اليك اختي طريقة القريوش
المقادير:
1كلغ فرينة
2كاس زبدة ذايبة
نصف كاس شاي ماء زهر
3ملاعق اكل خل
1كيس خمارة الحلوى
قرصة ملح وقرصة زعفران
التحضير: بسي الفرينة بالزبدة مليح ثم صيفي قرصة الملح والزعفران ثم الخمارة وخلطي الكل وضيفي الخل وماء زهر ثم اداي ترشي بالماء بالشوية وانت تعجني حتى تحصلي على عجينة متجانسة ومتماسكة ومشي طرية ادلكيها مدة 5دقائق ثم قسميها الى كور وخليها ترتاح مدة ربع ساعة ثم ابداي حلي العجينة بالرولو او بالالة وتكون رقيقة وقطعي مستطيلات 4سم على 7سم وبالجرارة املي 3فتحات بحيث يتكون عندك 4شرائط وشكلي القريوش .بعد ماتكملي اقليه في زيت غزير وساخن ولما يبرد عسليه في عسل دافي .