ما هي طريقة صنعك فلربما الخلل في المكونات؟
المشكلة ليست في المكونات . فهي الوصفة التي يستخدمها الجميع .
ها هي الوصفة :
500 غ فرينة + 1 خميرة كيميائية + قرصة ملح + 150 غ زبدة ذائبة…….نخلط و أفرك بين اليدين ثم أمرر كل شي في الغربال
+ بيضة مخفقة + 1 م ك ماء الزهر + 1 م ك خل أبيض …..نخلط ثم أجمع بالماء .
بعد تشكيل القريوشات ( نديرهم مليح ) نقليهم في الزيت ثم أغطسهم في عسل بارد . ( ماشي كل شي ساخن )
أرجو المساعدة
السلام عليكم
شوفي جيبي حبة البيض مع الزبدة حليهم مليح يكونو كيما لابوماد ومبعد ديري مغرف المازهر ومغرف الخل ومغرف السكر (م ك)وشوي ملح ومبعد ديري الفرينة والخمارة ولمي بالماء والمازهر هاذي احسن طريقة يجوك مقرمشين وكي تقليهم قطريهم من الزيت وعسليهم فالعسل البارد
ونشاء الله يسدقلك
انا ندير 250زبدة مع كيلو فرينة +مغرف نتاع ماكلة مازهر+خل+سكر وحدة خمارة+حبة بيض ونجمل بشوي ماء ومازهر
اي انواع القريوش خدمتيه
pjn hkh ld^dkdq lrvlqqqqqqqqqqq
شكرا على الردود و خاصة jiji ندير كيما قلتي لي و إن شاء الله يصدق .
سؤال فقط : البيضة مع الزبدة كي قلتي يولو بوماد معناه الزبدة ماشي ذايبة؟؟؟
سلام
مع نصاءح الاخوات الفضليات نزيدلك هاد الرابط تفضلي اختي
https://www.djelfa.info/vb/showthread.php?t=1610710
- شوفي أختي أولا تأكدي من المقادير المضبوطة و كي تستعملي نصف المقادير تأكدي من المقايس
- خلطي مليح المقادير بالتناوب
- و كي تستعملي الزبدة أو السمن دايب يكونو دافين لازم الماء و الماء الزهر كي تلمي العجينة لازم يكونو أيضا دافين و العكس ادا كانت الزبدة باردة الماء و الماء الزهر يكونو باردين(قاعدة الحلاويات المعسلة)
- العجينة مالازم تكون طرية بل حاكمة روحها ادا كانت طرية راه القريوش يجيك طري
- كي تطرحي العجينة رشي شوية نشاء أو المايزينة على العجينة باش تتورقلك
- كي تكوني تقلي لازم الزيت تكون غزيرة في المقلاة و تسخنيها بش ترمي الحبة ديالك و نقصي على النار و بداي ترمي الزيت بالملعقة على الحبة ديالك كي تتنفخ مليح زيدي أرمي الحبة الثانية و أرمي فوقها الزيت و هكدا….و تأكدي باش تكون الزيت ديالك في وقت القلي ماشي شايطة خاطرش الحبة ديالك تتحمرلك بالخف من الخارج و الداخل تبقى طرية بصح القلي في زيت سخونة و النار أقل شوية من المتوسطة تنفخ الحبة تاع لقريوش و تورقها و تعطيها قرمشة
- كي تكملي القليان تاع الحلوة ديالك عسلي الحلوة ديالك في عسل ثقيل معطر بشوية برك ماء الزهر خاطرش لعسيلة لخفيفة تطري حبة القريوش و تفقدها قرمشة نتاعها و أيضا تخليها ما تداينش بزاف
نتمنى نكون أفدتك أختي
سلام
|
المشاركة الأصلية كتبت بواسطة sabrina206
 أختي يعطيهم الصحة الأخوات راهم قدمولك مساعدات الله ابارك
نتمنى نكون أفدتك أختي
|
شكرا جزيلا أختي , أدركت أخطائي و هي أن العجينة نديرها طرية و العسل نديرو جاري نوعا ما .
نعاود نديرها بنصائحك . شكرا لك
وختامها مسك أختي اوصيك يقريوش ام اماني فعلا رائع واعملي الشكل لي تحبيه
شوفي اختي هاد الوصفة انا مجربتها و يخرج كيما اللي يتباع برا و الله العظيم يا اختي غير جربيه و متندميش بصح لا تتبعي الخطوات كيما قالت ما تزيدي ما تنقص و السر باه تجي مقرمشة في التوريق لازم تعجني العجينة و تخليها ترتاح و من ثم تورقيها ففي الة التوريق الارقام 6 تم 3 تم 1 و من بعد ريشها بالفرينة و طبقيها و عاودي مريها في الة التوريق في نفس الارقام و العملية هده تعاد 4 مرات https://www.djelfa.info/vb/showthread.php?t=1234247
انا جديدة في صنع الحلويات و لكن من يومين صنعت قريوش قمة في السهولة و القرمشة. اخذت الوصفة من عند بنت عم الوالد و هي خبيرة في الحلويات و عملتلنا في حج الوالدين كل الناس هبلوا عليه!!!
الان المقادير::
1 كغ فرينة
1.5 كاس شاي زيت نباتي
1.5 ملعقة صغيرة ملح
1 ملعقة خل
1 بيضة
1 ملعقة كبيرة خميرة فورية تاع الخبز (ماشي البودرة البيضاء)
1 كاس شاي من ماء الزهر
ماء حسب للحاجة
التحضير
في اناء، ضعي المقادير كالتلي و خلطي بمغرف تاع اللوح باش مايتعجنش…
غربلي الفرينة و الملح و خلطي و زيدي الزيت، هنا تقدري تستعملي يديك باش يتخلطوا مليح و يترمل
امبعد زيدي البيضة و الخل و الخميرة و جمعيهم بالماء الزهر. الا كان العجينة مازالت يابسة زيدي الماء بلعقل حتى تولي العجينة مليحة.
اصنعي القريوش كيما العادة و قليهم ياخذوا لون ذهبي. خليه يقطر و عسليه. انا سخنت شوية العسل على خاطر بزاف ثقيل.
و الله جاني هاااااااااااااااااايل و يقرمش بزاااااف.
هادي وصفة جديدة و ماشي بزاف يعرفوها و انا عملتها لأخت زوجي جاها مزيود و الناس يسقسيوا شكون داروا….
تقدري تجربي 250 غ فرينة…و رجعيلي بالخبر
بارك الله فيكن اخواتي على النصائح…….رح نجرب طريقة الاخت yildoو نشوف.