السلام عليكم و رحمة الله تعالى و بركاته
ما لقيتش كيفاه نبدا :d
انا فتاة عمري 20 سنة و نقرا سنة 1 طب و هنا العقدة تاعي
نبداو
اجتزت اول شهادة للباكالوريا فال 2024 و تحصلت عليها بمعدل 13…..و ما لحقتنيش للصيدلة اللي كانت الهدف تاعي و حلم حياتي .المهم سجلت و الا سجلني اخي الاكبر تخصص التغذية \ مهندس دولة فالتغذية \ و ما كنتش نحبها ايا ما قريتهاش و سجلت فابالباكالوريا للمرة التانية
عاودت الباك و تحصلت عليها بمعدل اكبر فال 2024 و هنا بدات المشكلة
خويا لكبير سجلني طب و بلا ما قالي و الا شاورني حتى للتسجيلات النهائية حبيت نبدل و ندير حاجة خلاف ما قبلوش لدرجة والديا قاللولي نتبراو منك لوكان ما تديريش ميدسين
ايا درت الطب مي عييت نقراها تخنقت و الله كنت لا علاقة اول عام و درتها بروحي و عاودت العام
فالدار قالولي ماعليش الناس كامل تعاودت و وووو بصح انا اللي ما قدرتلوش اني طول عمري ممتازة و من الاوائل و درك ريحت 3 سنين من عمري و معيدة تاني
اقتنعت درك بالطب و الله بصح كل ما نجي نقرا نتفكر الاعوام اللي ريحتهم و اهلي كيفاه عييتهم معايا و نقول اللي كانو يقراو معايا وين وصلو و اللي تخرج و اللي يدير فالماستر وووو و انا راني مازلت سنة 1
ما لقيتش حل تعقدت تبانلي روحي عجوزة و شارفة مازالت بروميار
عييت انحي هاد الافكار من راسي
عاونوني حابة نقرا و ننجح و نتقائل و نفرح والوديا بيا مانيش حابة نهتم بالناس لخريين وين لحقو المهم انا ويني مي ما لقيتش كيفاه
ربي يستركم و السلام عليكم
صدقيني اختي لا تقاريني نفسكي بغيركي المهم تداركتي نفسكي وانت الان تعرفين ما تريدينه وهذا هو الاهم ليس السن لي شخص في العائلةدرس طب وعندما انهى الطب العام كان عمره30سنة ترك الدراسة لسنوات افي هذه السنة سينهي تخصصه ان شاء الله وعمره45سنة ومتزوج في حين من درس معهم في رتب عالية وفقكي الله لما يحبه ويرضى
اختى سنك 20 سنة انت فى اول الطريق والديك حبو تقراى طب لكى يفتخرو بيك و عندهم حق انظرى امامك و لا تنظرى خلفك السنوات تمر بسرعة و تصبحى طبيبة ان شاء الله ربى معاك و بالنجاح و التوفيق
اختي أولا عملتي مليح لانك غيرتي التخصص مادام انك لستي مقتنعة به ..
يعني ما شاء الله راكي قوية الشخصية ولم ترضي بما اختاره لكي اخوك .
تانيا يكفيك فخرا انكي تحصلتي مرتين على الباكالوريا .
كاين اللي مازالوا يعاود ويعاود ومتمكنوش يتحصلوا عليها رغم تقدمهم في السن .
ثالثا اعلمي ان تخصصك من انبل التخصصات وكل الاولياء يضغطوا على اولادهم ويدرسوهم دروس خصوصية حتى يتحصلوا على معدل يسمح لهم باختيار تخصص الطب .
ولا يكترثون بعامل السن بل يعيدون الباكالوريا حتى يتحصلوا على المعدل اللازم .
رابعا ياختي هؤلاء الذين تحصلوا على الليسانس للاسف لم تعد تجدي نفعا في وقتنا الحالي .
انا انصحك ان تكملي دراستك ولا تنظري الى عامل السن وخاصة اكملي التخصص اذا اردتي ان تنجحي بشكل جيد .
واختاري تخصص جيد حتى تنجحي.
ثم الدراسة لن تمنعك من الزواج والارتباط ومواصلة الدراسة .
بالتوفيق ان شاء الله
السنوات القادمة اصعب من السنة الاولى بكثير
و لكن اعلمي جيدا ان العمل مضمون
حتى تنزعي هذه الوساوس من رأسك يجب ان تفكري بشكل عكسي ان تتخيلي مثلا انه قدّر الله عليك بمرض
بعيد الشر عليك و اضطررت للتوقف عن الدراسة او حدثت هناك مشاكل عائلية وووووو ستجدي نفسك توصلتي الى
نفس النتيجة و هي التوقف عن الدراسة لا تيأسي ابحثي في الدفعات الاخرى ستجدين انه من لم يعيد سنة اولى اعاد
سنة رابعة و خامسة ….. الخ هذه مجرد عثرات لا تجعليها معيقات فكري لما تتخرجي طب لا احد سيسألك
كم عمرك عندما تخرجتي ؟؟؟ اعتبريه فاصل و نواصل
يا جماعة راني فاهم مليح حالتها
لم يفت الأوان………..
إذا لم تريدي الطب فيمكنك التبديل من الآن حتى ولو لفرع أدبي…………..
المهم إذا رأيت نفسك لا تستطيع لا تضيعي وقتك …………….مع هذا الفرع………..
تعرفي في أحد الأيام في الجامعة
على الساعة 12 ليلا وبينما كنا في الغرفة أن وزمبلي ……….
سمعت صوتا غريبا في الممر ………….
قال لي الزميل لا شيء يدعو لللقلق مجرد إنسان سكران لا أكثر
فتحت الباب ويا هول ما رأيت………….
أحد الطلبة حاول الإنتحار بقطع معصم يده ولولا أننا أنقذناه لممات………
وحين سألنا عن السبب أخبرنا زملائه أنه يدرس السنة 3 طب وقد فشل مرتين في ذلك العام………..
وكما قال أحد الإخوة العام الأول سهل في العام الثاني والثالث كيف………………
نصيحة أخيرة : إذا رأيت أن إمكانياتك ضعيفة قومي بالتحويل لفرع بسيط كالإعلام الآلي أو اللغات ……….أو علم النفس…………أحسن
من ضياع العمر كله والبكالوريا أيضا
اختي اخي الكبير تاني لافامي نتعنا قالولو خير ميدسين دار مدسين
ماقدرش يقراها ومع الوقت بدا يقراها
هو دا الباك في 1998 وذركا رانا في 2024 ومزال ماكملش هاد العام ان شاء الله يكمل
لوكان يشوف لصاححابو لي قراو معاه لي دار دكتورة دار ولا ماجيستاردار ولي زوج زوج وهو مزالو في الجامعة
صح اختي اذ شايفة روحك امكانيتكي لا تسمح ان تدرسي طب فالاحسن ان تغيري الان تخصص قبل فوات الاوان .
واذا راكي عارفة بلي راكي شاطرة فقط المشكل يكمن انكي كنتي مهملة اخطر مكنتشي تحبي تخصص فهنيا المسالة واضحة
الحمد الله كي فقتي روحك قبل فوات الاوان المهم انكي تقراي وتفكريش باي شي ثاني يشغل تفكيرك لازم تفكيرك يكون نظيف حتى تقدري تفكري غير على قرايتك والطب كامل ناس يعودوا فيه وماشي عيب اذ فشلتي كل ناس تفشل المهم انكي تعلمتي من فشلكي ومرحش تغلطي مرة ثانيية ان شاء وغمضي عينينك وفتحيهم راح تلقاي 7 سنين فاتوا ديجا العام هذا قريب يخلص. عقدي العزم على روحك بالتوفيق
ادرسي ماتحبين او احبي ما تدرسين والوقت ليس مشكل
lختي و الله ربي يهديك الطب هي احسن شعبة و واديك حبولك غي الخير
الحمد درك كي اقتانعتي بيها اقراي ربي يسهلك و ما تشوفي حتى لواحد مادامك تقولي باللي نتي ممتازةو شاطرة فالقراية يعني عندك الامكانيات
اقراي و ربي يوفقك
+ عمرك 20 سنة ربي يبارك مازلك شابة و صغيرة ما تشوفيش للعمر غمضة عين يجوزو ال 7 سنين و تصبحي طبية قد الدنيا هههه
اولا مازلك صغيرة
وثانيا ماتلتي بحتي واحد مادام علباك وين واكي رايحة وواش رراكي دييري
يك حد ماعايش حياة خوه دونك هاذي حياتي وواحد مادخوا
ربي يهديك 20 سنة راكي صغيرة أسمعي و الله راكي في أفضل الشعب الناس راهم يعاودو في البكالوريا 4 خطرات باه يديرو طب معدل الطب 15،64 حاجة كبييرة و العام الجاي رح يرتفع أكثر المعدل أحمدي ربي على الطب ليل و نهار و على 2 باكالوريا اللي عندك الله يبارك عليك لا تضيعي هذه الشعبة من يديك قليل اللي يوصل لمعدل الطب أدرسيها و إن شاء الله تصتحي طبيبتنا طبيبة المنتدى و يأتي كل الأعضاء عندك هههههه لا تفكري كثيرا من خلال كلامك أرى أنك ممتازة الله يوفقك
وفقكي الله لما يحبه ويرضى