الفيلا والدار زيادة 2024.

000000000000000

اهلا اختى مريومة
اولا احنا دارنا واسعة والحمد لله وعددنا مش بزاف يعنى احنا ثلاث اولاد ربى يبارك فينا
بصح لما الانسان يتزوج تتغير المعطيات
يعنى مثلا عندى زوج خاوتى بصح لما يتزوجو مستقبلا ونولى عمة الله الله عليا ههه راح يحتاجو لمساحة اكبر
يعنى يا مريومة من الطبيعى ان يبحث الانسان عن التوسيع لما يكون عندو اولاد بزاف
ربى يرزق الجميع

السلام عليكم
مريم ان شاء الله تكوني مليحة
مريم حنيا في ولايتنا عندنا الرجال مهبولين على البنية و النساء مهبولين على الذهب
زرت ولايات بزاف بصح جامي شفت بنايات طالعين و ناس هابلا باه تبني كيما في ولايتنا
المهم الاب مايتهناش انوا بنا ليه لي ولادوا يبني حتى لولاد ولادوا المهم يخليها في كرشوا و يبني
صح حنيا معندناش بزاف البيوت القصديرية
و رغم كل هذا
طلبات على السكن الاجتماعي و السكن التساهمي و حتى السكن الريفي يخوف
كي تشوفي طلبات تقولي ناس كامل ماعندهاش وين تسكن
ربي يفرج على كل واحد
هو القادر على كل شيئ
دمت اخي في رعاية الله و حفظه

صح فطورك مريم حنا عندنا باتيمة ههههههه عندنا الارضي نسكنو فيه وفي الطابق الاول والثاني يسكنو خاوتي لمزوجين كل واحد في طابق وخويا لكبير بدارو يعني حنا ماعندناش مشكل فالسكنى مي والله كاين ناس رام عايشين في باطة كيما يقولو مي والله كي يعطيو السكنى مايمدولهومش وزعمة هوما صحاب الحق وزيد هاد الوقت كل شي بالمعريفة ولي ماعندوش معريفة ماتطيحلوش وباااااااااااااي

السلام عليكم ……….المسكن الواسع نعمة كبيرة ……….لكن في بعض الاحيان يولي نقمة ……………مثلا في بيتنا كل عام يخرجونا بفكرة جديدة طلعو هاذي كسرو هاذي ووووو…………العام هذا انا هو صاحب الافكار هههه………………مانكذبش عليك مرات نروح لصاحبي ساكنين في العمارات تضيق روحي من الضيق ……………………….على كل حال الضيق في القلوب ……….وكاينين ناس ماشاء الله رغم ضيق المسكن لكن بركة من عند الله خير من 30 غرفة زيادة ……………وعلى كل حال الناس ولات تتنافس وتبذر في السكن لدرجة رجعو السكنات كالحمام الفايونس للسقف والرخام في الدروج والبلاط المزخرف في كل ركن او زاوية ………انا يخرج قلبي من هذه السكنات احب السكن البسيط الذي يتوفر عللى الاساسيات بشكل مريح ………يعني دوش وحمام متقنين ومطبخ متقن بكل لوازمه ………….ولي نخسرها على الفايونس في كل بلاصة نديرها مسبح في البيت وعلاه لا لا …………………….وكاين ناس عندها الدراهم جل اهتمامه طلع 20 طابق بلا ما كاين طابق مريح واحد فقط…………………..وانا نحب السكنات تاع القرمود اللي بانيتهم فرنسا ماشاء الله نوريلك سكن عمي والله احسن سكن مريح شفتو في حياتي………..الداخل تفصيل روعة رغم قدمه لكن مايخدموش واحد كيفو الان

بالنسبة للبناء الفوضوي وسرقة الاراضي فحدث ولاحرج …………وان لم تستح ففعل ماشئت والله المستعان …………قبل اسبوع حدث شجار في حيينا بالاسلحة البيضاء من اجل مكان مسروق اصلا

اقتباس:

المشاركة الأصلية كتبت بواسطة النجمة القطبية اهلا اختى مريومة اولا احنا دارنا واسعة والحمد لله وعددنا مش بزاف يعنى احنا ثلاث اولاد ربى يبارك فينا بصح لما الانسان يتزوج تتغير المعطيات يعنى مثلا عندى زوج خاوتى بصح لما يتزوجو مستقبلا ونولى عمة الله الله عليا ههه راح يحتاجو لمساحة اكبر يعنى يا مريومة من الطبيعى ان يبحث الانسان عن التوسيع لما يكون عندو اولاد بزاف ربى يرزق الجميع

السلام عليكم اختي صحا فطورك
هي شوفي الشباب باينين بليسكنو مع اهاليهم بكن لما يكون السكن بالطوابق علاه البنميان الفضوضاوي هذا نتاغ طمع يعني الدار كينة ويحبو يتبعو نساهم يعني ما يسكنوش مع اهاليهم قهمت اختي إن شاء الله تولي عمة عن قريب

اقتباس:

المشاركة الأصلية كتبت بواسطة سعاذ السلام عليكم مريم ان شاء الله تكوني مليحة مريم حنيا في ولايتنا عندنا الرجال مهبولين على البنية و النساء مهبولين على الذهب زرت ولايات بزاف بصح جامي شفت بنايات طالعين و ناس هابلا باه تبني كيما في ولايتنا المهم الاب مايتهناش انوا بنا ليه لي ولادوا يبني حتى لولاد ولادوا المهم يخليها في كرشوا و يبني صح حنيا معندناش بزاف البيوت القصديرية و رغم كل هذا طلبات على السكن الاجتماعي و السكن التساهمي و حتى السكن الريفي يخوف كي تشوفي طلبات تقولي ناس كامل ماعندهاش وين تسكن ربي يفرج على كل واحد هو القادر على كل شيئ دمت اخي في رعاية الله و حفظه

السلام عليكم حنونة انا ظنظن من المشاكل فالدار يخرجو يسكنو وحدهم على طها الكل تلقايه يحوس على سكن فري بعيد على العايلة هي البنيان مليح لكن في حدود الواحد يستر روحو وولادو بزاف عليه
شكرا حنونة

اقتباس:

المشاركة الأصلية كتبت بواسطة الواثق السلام عليكم ……….المسكن الواسع نعمة كبيرة ……….لكن في بعض الاحيان يولي نقمة ……………مثلا في بيتنا كل عام يخرجونا بفكرة جديدة طلعو هاذي كسرو هاذي ووووو…………العام هذا انا هو صاحب الافكار هههه………………مانكذبش عليك مرات نروح لصاحبي ساكنين في العمارات تضيق روحي من الضيق ……………………….على كل حال الضيق في القلوب ……….وكاينين ناس ماشاء الله رغم ضيق المسكن لكن بركة من عند الله خير من 30 غرفة زيادة ……………وعلى كل حال الناس ولات تتنافس وتبذر في السكن لدرجة رجعو السكنات كالحمام الفايونس للسقف والرخام في الدروج والبلاط المزخرف في كل ركن او زاوية ………انا يخرج قلبي من هذه السكنات احب السكن البسيط الذي يتوفر عللى الاساسيات بشكل مريح ………يعني دوش وحمام متقنين ومطبخ متقن بكل لوازمه ………….ولي نخسرها على الفايونس في كل بلاصة نديرها مسبح في البيت وعلاه لا لا …………………….وكاين ناس عندها الدراهم جل اهتمامه طلع 20 طابق بلا ما كاين طابق مريح واحد فقط…………………..وانا نحب السكنات تاع القرمود اللي بانيتهم فرنسا ماشاء الله نوريلك سكن عمي والله احسن سكن مريح شفتو في حياتي………..الداخل تفصيل روعة رغم قدمه لكن مايخدموش واحد كيفو الان

السلام عليكم اخي صحا فطورك
والله دار عمك تشبه بزاف لدار جدي قديمة ونتاع زمان وهايلة من داخل قرمود ثاني
والله نوافقك الراي تماما السكن المبالغ فيه فايونسورخلم وما نعرف واش تبذير وبدع المهم سكن مريح وربي يرزق البركة شكرا اخي انا لما شفت الصولاة قلت واش جاب ح جدي للجلفة هههههههههههه مغلوة غدوى نروح نجري شكرا

اقتباس:

المشاركة الأصلية كتبت بواسطة مسلم سني السلام عليكم المشكل يوم تجدين الواحد لديه سكن ويحصل على آخر بطرق غير سليمة القناعة مفقودة عند البعض صح فطورك وسلامي لأمك الطيبة تحياتي

السلام عليكم اخي صحا فطورك
هذي هي اخي القناعة ماكانش والطمعة والناس ملهوفة وما تشبعش ربي يستر ويباركنا فالدار اللي ساترتنا بزاف عليا الصح دار لاخر هذي نروحو ونخلوها

اقتباس:

المشاركة الأصلية كتبت بواسطة مريم الصابرة السلام عليكم اختي صحا فطورك هي شوفي الشباب باينين بليسكنو مع اهاليهم بكن لما يكون السكن بالطوابق علاه البنميان الفضوضاوي هذا نتاغ طمع يعني الدار كينة ويحبو يتبعو نساهم يعني ما يسكنوش مع اهاليهم قهمت اختي إن شاء الله تولي عمة عن قريب

انا ضد البنيان الفوضوى وهو دايما يكون منتشر خارج المدن
بصح كل واحد وظروفو مريومة كاين اللى تكون عندو ظروف تجبرو والله اعلم
المهم ربى يفرج على الجميع ويرزقهم كامل

شوفي يا مريومة مكانش كيما السكنة الواسعة والله الا الضيق يدير المشاكل و انا نموت على لحواش نكره الباطيمات نحس روحي مجيفة فيهم .و هي كي يتزوجو الرجال لازم يولو يخممو في الديار لانو الواحد كي يكون عندو الوسع مايلهاش للمانقرات وقتاش تلمي و بلاك مانتلاقاوش الا وقت الفطور و لا العشا معنتها المشاكل مكانش مي تخيلي كاين حماتات و سلايف و راكي ساكنة في باطة تاع زاليمات والله الواحد يولي يداقي في روحو كي يولي يشوف في المرايا.و على البناء الفوضوي كون نهدرو منا للعام الجاي و ماتكملش الهدرة و هي بداو يبانو وقت العشرية السوداء لهلا يردها يمات الناس هبطو من ديورهم و ماكانش وين يسكنو بناوهم و ريحو فيهم مي والله الصح يغيضوني والله السخانة و لا الشتا يسوفريو مساكين مي كاين والله الي عندهم سكاني و قابلين على رواحهم هاذيك المعيشة و هي كون نجو نشوفو اذا الواحد تكل على الدولة بلاك وليد وليدو رايح يعطوه دار و يسكن فيها و من جهة تاني الدولة الله يقاويها ضروك كل واحد يتزوج يقلك نسكن روحي والله لازمنا كل دار مولاها يطلع باطيمة تم بلاك ازمة السكن رايحة تخلاص .مي الي عندو سكنة و يبني بناء فوضوي نوغمالمو يدخلوه للحبس هكا باه يتعلمو الناس

السلام عليكم
حسب اخر احصاء للسكن و السكان
عدد المنازل أكبر من عدد العائلات…………….
أغلب أصحاب السكنات الفوضوية من النازحين
و المطلوب منهم فقط أن يتركوا بعض الظواهر و السلوكات في الريف

يا ارحم والديكم ..ما تقولوش راك دخلت في أمور رسمية و أرقام وزاؤية
وما تقولوش راك هاجمت فئة من المجتمع

مشكووورة على الموضوع لولي ،أنا رأيي في البناء الفوضوي صحيح مبشع البلاد لكن كاين فقراء ليس لديهم السكن ربي يعينهم

اقتباس:

المشاركة الأصلية كتبت بواسطة karimblida السلام عليكم حسب اخر احصاء للسكن و السكان عدد المنازل أكبر من عدد العائلات……………. أغلب أصحاب السكنات الفوضوية من النازحين و المطلوب منهم فقط أن يتركوا بعض الظواهر و السلوكات في الريف يا ارحم والديكم ..ما تقولوش راك دخلت في أمور رسمية و أرقام وزاؤية وما تقولوش راك هاجمت فئة من المجتمع

تعرف خويا راك هدرت على اهم نقطة و هي انو السكان الاصليين للبناءات الفوضوية كانو من النازحين من الريف للمدينة و الي بدات في فترة التسعينات على جال العشرية السوداء و بعدها مابغاوش يرجعو لاراضيهم و بقاو ساكنين زيدلها المشاكل الاجتماعية و هي كملت على الواحد