اخواتي العزيزات ان شاء الله تكونو في احسن حال
حبيت نجيبلكم اليوم الغريف نتاعنا اللديد والهش ومن اعدادي =احم احم احم = ههههه
هدي صراحة ثاني مرة نجربو لكن المرة لي فاتت كان بالميكسور اما هاد المرة عجنتو بيديا =زعمة فحلة =هههههه
اما الطريقة فسهلة لانو اصلا يتخدم بالميكسور او يمكن الباتور او باليد عادي
2 كيلات سميد وكيلة فرينة و ملح وم ك خميرة المطلوع وباكي خميرة القاطو و2 بيضات و و سكر وفنجال زيت وماء دافي
اولا نبلل العجينة شوية ثم نديرها في الميكسور ونخلط مع اضافة الماء تدريجيا حتي تولي في قوامها المطلوب لي كامل نعرفوه ونخليوه يطلع عادي ونطيبوه عادي واكيد راح تلاحظو الفرق بينو وبين العادي هدا يكون اخف والد اكثرررررررررررر
اما ادا ما عندكش الميكسور عادي انا درتو بيديا نخلطو المقادير الجافة ثم الزيت ونحكو بين يدينا نديرو شوية ماء ثم البيض لانو كون نديروه طول قبل الماء راح يتكتل ويتعبنا في الخدمة …اما الباقي نعرفةه كامل
اسمحولي على رداءة الصور والتقديم جات صحبتي وكنت مزروبة فحطيتو بالزربة وصورتو ثمثم لدلك اسفة
[IMG]://www.marocimages.net/images/a7e0yqeljcmtuawzcint.jpg[/IMG]
هيا اخواتي نتمنى يعجبكم راني مبتدئة برك ما تعلقوش عليا هههههههه
نتمنى تجربوه لانو اسهل والد من العادي
سلاااااااااااااام
الله الله عليك
يبااان هااااااااااايل
هايل تبارك الله علبك شاطرة يعطيك الصحة
مبدعة يعطيك الصحة يشهي راكم كامل شاطرين مع الصباح
والله جاك ا هايل يعطيك الصحة غيرتينى وقيلة انديرو
السميد درتي لرطب ولا المتوسط
الله يبارك جاك روعة و مثقب كيما يلزم
اهلا سماح وش راكم ان شاء الله لباس ستنيتك تعيطي و ما عيطتيش يخي غير الخير
لغلارايف جاك روعة يعطيك الصحة وجدي ذرعيك كي جي باه ديريه انا اني مريضة شوية
سلمي عليهم و اني نستنا اتصالك
سلام
باين فيه بنين يعطيك الصحة فحلة ونص
يعطيك الصحة يا الفحلة
جاك هااااايل
باه حشيتيه ؟؟؟؟؟؟ احنا نديروا زبدة وسكر او زبدة وعسل
الله الله عليك يا الفحلة
احنا في دارنا نخدموه بالسميد برك الفرينة ممنووووووووووع
خطرة جربتو بالفرينو ماجاش كيما اسميد وحدو
يعطيك الصحة بصح مع ولادي مانشوف مليح ماوالو
اممم و الله غير يشهي
الله يبارك عليك
الله الله عليك يا بنت العلمة مكنتش عارفة بلي شاطرة هك يعطيك الصحة خرجلك يهبل ومثقب بزااااااف كثر من التقليدي نتاع زمان تكليه بالصحة والهنا
|
المشاركة الأصلية كتبت بواسطة ام بسومة
 الله الله عليك
يبااان هااااااااااايل |
شكرا جزيلا عزيزتي على كلامك الطيب نورتيني
