موضوعي ليوم عن الغريبية بكل اسرارها
وان شاء الله تجربوبوها وتنجح معاكم من اول تجربة
اولا نحضر السمن
اللي هم السر رقم 1
انا عادة نعبر ببول تع شربة لاني ندير كمية مليحة
هنا عبرت بالكأس باه يكون الكيل واضح لكم
كاس سمن
دايب وبارد ونحطوه في الثلاجة مدة ليلة كاملة من الاحسن او نصف يوم
يوم غد نخرجوه من الثلاجة قبل بوقت يعني يطرى شوية برك كما في الصورة
واكتر من نصف الكاس سكر قلاصي
نضرب الكل بالباتور مليييييح مليح ونضيف فاني تع الميزان
حتى نتحصل على مزيج كريمي ابيض ناصع
نبدى باضافة الفرينة مغربلة ورشة ملح
استعملت 3 كؤوس فرينة
ولازم تكون من نوعية مليحة مثل لابال
ونعجن بكف اليد مليح مليح باه تخرج رطبة
تكون العجينة رطبة وطرية
انا هنا كيلتلكم بالكاس بفرينة لابال 3 كيسان يكفوا
ممكن فرينة اخرى اكتر او اقل
لهدا ججربوا طيبو حبة وشوفوا ادا هبطت معنتها الفرينة ناقصة
هنا لونت بالكاكاوو للتزيين فقط
ونشكلها على ورق الخبز
حسب الرغبة
السر الــ 2
كي نبدى نشكل نسخن الفرن على 200 د
ندخل السينية في الرف الاول ونشعل من تحت برك
ونرجع الحرارة على 150 د
ونخليها تطيب مدة 20 د لا اكتر
وهنا لما طابت
هنا باشكال اخرى للتنويع
وهدي هي الغريبيه
وراهي كل يوم تبقى تزيد تطرى اكتر
خاصة ادا خبيتوها في بورت مونجي مغلقة
اتمنى تنال اعجابكم
يعيطك الف عافية
شكرا لك ام كوثر لكن اذا ممكن تصحيلي الوصفة القديمة ولا راني صح ثلاث كيلات فرينة بكيلة نص زبدة ونص زيت وكاس سكر ناعم وشكرا جزيلا مسبقا
يعطيك الصحة ربي ما يحرمناش منك ومن اسرارك الحلواجية ههههههههههه
روعة بوركت
اه يا شاف
اي حاجة من يديك ولو بسيطة تصبح انيقة
في ميزان الحسنات بوركت
الف شكر شاف ماشاء الله رائعة وعد نجربها غير نلقا الطابع نتاعها
بارك الله فيك على الموضوع
دائما عندنا مشاكل مع الغريبية
راح نجرب بالمقادير هاذي ونردلك لخبر
ربي يجازيك حابة ندير كمية قليلة للعيد نموتو عليها أنا وأختي 
قوليلي هذي الكمية قداش ديرلي من حبة 
أحسن حاجة عجبتني في وصفتك أنو كمية الفرينة واضحة عادت وصفات الغريبيت يقول شيحي بالفرينة وخلاص هكذا الواحد يكون عارف الكيل بالتقريب
شكرا مرة أخرى 
بارك الله فيك دائما مميزة
بوركت عزيزتي ام كوثر وجزيت الجنة بما تقدميه لنا
الف الف شكر على الاسرار والتوضيح
والغريبية من يديك ماشاااء الله
تسلم الايادي
وربي ما يحرمنا من عطائك المتواصل
حلوى عريقة باسرارها تستحق التثبيت
بارك الله فيك جزاكي الله خيرا
لازمنديرها لخولة راح تهبلني عليها وانا مانعرفش نديرها او بالاحرى ماتصلحليش
رووووعة تسلم ايدك نموت علي لغربية
رووووووووووووووووووووووعة عن جد نفس طريقتي ونموت عليها هذه احسن بنة تاع الغريبية
يعطيك الصحة .كالعادة وصفاتك كلها مميزة .شكرا
allah yebarek kima alada om kawthar fanana rabi yahfdhak w yejazik al jana nchallah