السلام عليكم
اليوم وضعت كلمات باللهجة العاصميةو ساعيدها باللهجة الوهرانية
واكيد ستلقون اختلاف كبير
امشي تقرى = اذهب للدراسة أو للمراجعة = روح تقرى
ردي بالك تغلطي = احذري الخطأ = حرز تغلط
ماتهدرش معايا = لا تتكلم معي = ما تهضرش معايا
زوج تقايق برك درك نولي = 2 دقيقة فقط وأرجع = زوج دقايق و نولي
شوف هكا = انظر هاكذا = شوف هاكا
لول بارح = أول أمس = لول بارح
لعشيا و في بعض المناطق العشوا = المساء = العشيا
غدوا = غدا = غدوا
راني زعفانة منك = أنا زعلانة منك = راني زعفانة منك
توحشتك بزاف = اشتقت اليك كثيرا = توحشتك بزاف
واش تحوس؟ = ماذا تريد ؟ = شا خصك
كي نجي نعطيك حاجة = عندما آتي أمنحك شيء = كي نجي نعطيك حية
جاني النعاس = غلبني النعاس = غلبني النعاس
لازم تحفضوا الدروس مليح و إلا التأشير ماكانش = عليكم حفظ الدروس جيدا و إلا لن تمنحوا التأشيرة = يليق تحفضو الدروس مليح و لا مكانش الفيزا
هيا تو = تعال الآن = رواح ضرك
أراح جاي = تعال = ارواح
راني خراج للزقاق = إنني متوجه للشارع = راني خارج برى
رد بالك من الكياس = إحذر من طريق السيارات = حرز روحك من الطريق
وشحالكم اليوم = كيف حالكم اليوم = كي راكم اليوم؟؟
أعطيني جغمة ماء = أعطيني قليلا من الماء= عطيني شوية ما
اليوم نروحو نقطعوا من الهود = اليوم نذهب لواحة النخيل كي نجنى ثمار التمور
نيشان= يعـني تمام= نيشان
تبروري= البَـرد بفتح الباء = التبرلو
الزاوش=العـصفور = الزاوش
المرميطة=القِــدر بكسر القاف = قدرة
غيرغدوا=أي بعد يوم غد= مغد
البوقاطو=المحامي= افوكا
صندوق العجب=الدِش= البرابول
غير هي=هي فقط= غي هي
طلّع الطونوبيل فوق الطروطوار باش ما تقيسش العاقبين =وضع السيارة فوق الرصيف كي لا تؤدي المارين= طلع اللوطو فوق التروتوار باش ما يضربش الناس اللي فايتين في الطريق
مارايكم
هههههههههههههههههههه
مليحه بزااف
هههههههه
صحيتي بزاف
على كل حنا تاني نهدروا قريب كيما هاك
لاني ماشي من تلمسان المدينة
راني بين تلمسان ووهران
lol
شكرا لك والسلام عليكم
تقبلي مرور اختك bogossa hugossa
هذا وين كنت نقرى … آآآآآآآآآآآآآآآآآآآآآآآآآآآآه … مشكــــــــــــــــورة … ك راكي ختي ؟
صح اختي عاى هده المعلومة
حتى أنا وهراني من الصديقية
المشكل أن اللهجة في الغرب تتشابه في جميع الولايات ماعدا تقريبا تلمسان اختلاف بعض الشيئ
أما عند أخواننا في الشرق فتكثر اللهججات من ولاية الى ولاية
ايه=نعم=واه
لعيون بلاك ماشي كيف كيف هههههههههههههههههههههههه
صحا أختي fati كيراكيي غاية لا باس
الدار راهم غاية
لباس لحمد الله و نتوما
السلام عليك الأخت فاطمة الزهراء أنت حاولت تقديم بعض المعلومات حول اللهجات المتداولة في الشارع الجزائري وهذه المصطلحات لا تعني منطقة بعينها وإنما هي عامية شكرا على المحاولة
واش كاش جديد رنا هنا
نخبركم ههههههههههههه
علابالي بلي هدرتن شابة
مادابيكم تعلمن تزيرية 
اه نيشان اختي
|
المشاركة الأصلية كتبت بواسطة fati-fleur
 السلام عليكم
اليوم وضعت كلمات باللهجة العاصميةو ساعيدها باللهجة الوهرانية واكيد ستلقون اختلاف كبير امشي تقرى = اذهب للدراسة أو للمراجعة = روح تقرى |
جميل جدا جدا جدا جدا جدا
لكن انا عايز اعرف معنى جملة موجدة في قصيدة المرسم
"قاضي البحث مع البريزيدان وحكام السيفيل ذلونا "
يعني ايه؟؟؟