السلام عليكم ورحمة الله وبركاته
انا صاحبة مشكلة العمر
اشكركم جزيل الشكر على مداخلاتكم التي اراحتني .
اود ان اعقب على ما قاله الاخ التبسي حين طلب مني تسمية الامور بمسمياتها كما يقول 
اخي انا و هو ندرس قرابة عشر سنوات مع بعضنا في نفس الحجرة ، و كل هذه المدة لم يسبق ان بقينا لوحدنا ماعدا المرة التي طلب فيها رأيي للزواج
وتقول كيف نعرف طباع بعضنا ؟ اجيبك بانني رأيت من يصاحب ، وفي وقت الطيش و المراهقة حين كان باقي الزملاء منشغلين بالتدخين و اللهو مع الفتيات حتى انهم حين يمرون بنا "يخنقوننا برائحة الدخان " كان هو بعيدا عن هذه الامور ، حتى في الحجرة لم يكن ممن "يشريو الهدرة " مع البنات ، كما انه ذو مستوى عال و يعرف دينه و سمعته تسبقه و صدقني يا اخي ليس هو اول من طرق الباب و لو كان مثل سابقين ممن رأيت خللا في دينهم و اخلاقهم لرفضته في الحين
فسامحك الله على كلامك الذي آلمني ، لانه ما خشيته تماما حين قلت اخاف ان يتهموني
بالنسبة لاخواتي اللواتي نصحنني بالاهتمام بظروفه و عمله ، شكرا لكن عزيزاتي ، انا فعلا اهتميت بهذا الجانب و هو قد اخبرني به فله طابق خاص به في المسكن العائلي و هذا اكثر من مناسب بالنسبة لي فكما اريد لزوجات اخوتي ان يكونوا عونا لامي الغالية يجب ان اكون انا الأخرى سندا لام زوجي
وهو يعلم اني اكبر منه ويبدو ان الامر لايهمه
اما العمل فبمجرد التخرج كل من عملينا مضمونين و الحمد لله ، على الاقل تعب سنين الدراسة تلك لن يذهب سدا
على العموم لقد استخرت و طلبت منه الحديث مع والدي ، و بالمقابل اخبرت امي التي استنكرت الامر تماماً ، فدعواتكم ان يستطيع اقناع والدي
الله يوفقك اختنا الكريمة الفاظلة ويوفق الرجل هذا الذي يريدك وربي يبارك عليكما ويجمع بينكمافي خير
وفقك الله اختي
ya okhti el mochkil dyalek machi kbir bark a7na nkabrouh ;raki kima ana swaswa ana ma9bel tani kont nchouf bali 6 mois bzf o jamais j’ai imaginé bali rajli ana kbira 3lih o ki ja yakhtabni 9olt l ma mere mais ma 9oltcg l mon pere et mon frère bien sur apres 3arfou o t9ablou el amr 3adou o mazali o doka takhtabt sa fais une année o mazali 4 mois natzawej,ana n9olek 7na bark nsa3bouha o hiya bzf 7aja normal l ‘essentiel tatfahmi m3a hada el chakhs o les gens li b3ad 3lach 7ata t9oli kbir wala sghir 9oli 9adi o hani ro7ek o normal 9oli l ta maman kayen wa7ed 9ra m3aya o 7ab yakhtabni et c tout ,rabi ywaf9ek o madabina ki tatkhatbi 9olina
الله يوفقك اختنا الكريمة
اختي تحبي الصح انا مش موالف ندخل روحي في حياة كل واحد كلام الاخ لي قالهولك هو قال كلام الله يسهل عليه كل واحد حر في رايو ومسؤول عن كلامو راهو كبير وراشد وعاقل الله يسهل عليه هنا الشعب الجزائري الكل عندنا اللسان مش هو فقط هو وانا وغيرنا
ناتي لنقطة انو الشاب عجبك بالبزاف ونضن هو ايضا طبعا يكون معجب فيك وراني نحس حسب كلامك انو بعد فترة المصاحبة بينكم كل هادي المدة الطويلة جدا اكيد وراني متاكد راح ينشا حب بينكم الاثنين وهادي ماتقوليليش لا لانو حسيت انو حبيتيه من كل قلبك ودخل قلبك كما يقولو سايي وهو ايضا دخلتيلو قلبو باين المسكين ربي الكبدة عليك بالبزاف
صراحة كزوج يعني لمرا مليح تتزوج راجل تحبو بعقلها وقلبها والراجل ايضا هكدا تحسو مليح بالزواج ونتي ماراحش تكرهيه وهو ايضا لانو صراحة اساس المشاكل عندنا في الجزائر اغلبهم تزوجو بلا حببببببببببببببب الور لمرا ماتحس بالراجل كي يعاشرها والعكس ومن يقول العكس اتحداه علماء النفس واكدوها خصوا المرا علاش النسا تاع دك يحوسو الحب قبل الزواج او بلاك كاين لي تحب بعد الزواج نتي راكي في الفايدة حب قبل الزواج مليح
ماداكممتحابين ااصبري عليه صراحة حتي يلقي خدمة ستابل ويسقم روحو اما الدار قلتي راح يبني او قادرين تكرو ونتي تعاونيه مادامو راح يكون راجلك تاعك وحدك
المهم نصيحتي ماتفرطيش فيه وهو ايضا يحاول يقنع بوك وامك بكل قوة
لانو شفت نسا بزاف بزاف يحبو رجال وكي يزوجوهم ماليهم اخرين حياتهم تولي تعيسة صراحة لدا الوالدين يخمو مليح علي ولادهم
ربي يوفقك
اي استفسار راني هنا اختي وماتسمعيش لكلام الناس تمرضي هدا رايي حسب واش قلتي قاع
مثلما قلت لكي انتي لتحددي واش تحبي انتي لراح تتزوجي وماتشفيش لناس واش يقولو كاين لتقبل وكاين لمتقبلش كل واحدة ورايها ومتديريش بهدرة ناس ارضي نفسك فقط لا غير
اد مراطيش ضد زواج بمن انتي اكبر منه فوافقي واد راكي ضد فرفضي شوفي انتيا واش يقولك عقلك ديريه ومتجيبيش بحجج ناس لان كل واحد ورايه
ولكن على مااظن انتي عجبك بصح خايفة من كلام ناس وجاتك شوية صعيبة املا رفدي تلفون وقوليلو موافقة والف مبرووووووووووك وكي يخطبك كتبي لينا وقولينا ماهي اخبارك
نستناو منك اخبار جميلة
يااختي والله العضيم فارق 6 اشهر مش حاجة قاع كاين لي تزوجو بفارق 20 سنة اقصد جزائريين مع اجنبيات وعادي عايشين حياتهم هنا مشكلتنا نسمعو الكلام هه انا كنت كفك نسمع للناس بزاف بزاف وجبتها في روحي دري القطن في ودنيك
وحافضي علي هدا الراجل ربما اقول ربما يؤثرو فيه العائلة والاحباب وتخافي يروح عليك رغم انو يحبك لدا حافضيييييييييييييييييي عليه مادام ربي اعطاك راجل قارء وفاهم ومقبول الصحة والعقل فهنيئا لك والعاقبة للزواج برك
وندعيلك من قلبي تتزوجي بيه ويرزقك ربي منو بالدرية
نعم اختي ماتدريش بكلام الناس هزي التلفون وقوليلو قابلة مش عيب انو مرا تتعرف علي راجل اثناء الدراسة عادي جدا بالعكس تسهل امورك بالبزاف لانك حافضاتو عقليتو وتعرفي كل تفكيرو وراح تستحمليه بيجابياتو وسلبياتو وهو ايضا يستحملك
ربي ان شاء الله يزوجكم وابوك راح يقبل بيه ان كان ولد حلال وعاقل فقط كي يسالوكم علي السن قولو نفس السنة وخلاص والا بوك مانضنش راح يرفض لفكرة 6 اشهر وامك نعرف راح تقنعيها لانو الام حنينة بزاف وتشوف مصلحة بنتها تتزوج طبعا
ربي يوفقك يا أختي
يا اختي الكريمة لا ارى مشكلة فيما تقولين…سوى ان الامر لا يتعدى الارقام كونها 6 اشهر …هل ستسمحين للارقام ان تفسد عليك سعادتك…وهل سيهتم بك المجتمع والناس ان كنت غير سعيدة…لا اعتقد ذلك…بل اني اجزم ان سعادتك انت وحدك تعرفينها طبعا بعد استخارة المولى عزوجل …ضفي الى ذلك ان هذا الشخص تعرفينه حق المعرفة اخلاقه ودينه طباعه…الخ…لذا فان كانت مسالة السن هي من تعيقك فاقول لك انها ليست بعذر ولم يكن السن يوما معيار سعادتنا…فانا اعرف الكثير من الرجال متزوجين بنساء اكبر منهم بفارق كبير لكن تجده سعيدا معها ربما لم يكن ليجد السعادة مع من تصغره…والمسالة مسالة اراء شخصية وكل يراها حسب تفكيره….اتمنى لك التوفيق
|
المشاركة الأصلية كتبت بواسطة mrmilano1984
 نعم اختي ماتدريش بكلام الناس هزي التلفون وقوليلو قابلة مش عيب انو مرا تتعرف علي راجل اثناء الدراسة عادي جدا بالعكس تسهل امورك بالبزاف لانك حافضاتو عقليتو وتعرفي كل تفكيرو وراح تستحمليه بيجابياتو وسلبياتو وهو ايضا يستحملك
ربي ان شاء الله يزوجكم وابوك راح يقبل بيه ان كان ولد حلال وعاقل فقط كي يسالوكم علي السن قولو نفس السنة وخلاص والا بوك مانضنش راح يرفض لفكرة 6 اشهر وامك نعرف راح تقنعيها لانو الام حنينة بزاف وتشوف مصلحة بنتها تتزوج طبعا |
سؤال انتي طفلة ولا طفل اول مرة نشوف طفل متثلك ي منتدى الجلفون هل انت متاكد انط طفل
فقط سؤال هل تقبل لاختك انها تحب قبل زواج
خلونا نقدموا شويا راني غير للوراء واش فيها بضعة اشهر والوااااااااااااااا اتكلي على ربي او انسستي عليه و ان شاء اله ما يكون غي الخير الى الامام ما تخافيش اذا هو كيما راكي تقولي ما تضيعيش الفرصة ولاد الفاميليا قلال في الوقت هادا مادريش حساب للقشور الناس تهدر تهدر …..
واحدة تخدم مع اختي خطبها زميل قديم اصغر منها في نفس المؤسسة قبلت بيه و تزوجوا او راهم مهنيين يا اختي ما تسمعيش للناس كلامهم شوك ز ان شاء الله تقولينا عرسي قريب .
انا شاب نعم ولست طفلة وماعنديش اخت اني طفل وحيد امي بصح علاه طرحتلي هدا السؤال تاع حب قبل الزواج كاين علاقات وعلاقات يااخت نيلي كاين علاقة تاع قبل الزواج فيها وعليها هي تقول السيد محترم ومثقف ومختلق ووو ندير علي كلامها واين العيب شفتو غر فيها انها تعرف واحد قبل الزواج كاين ياحسراه شفناهم الالوفات وانا راني راحنتزوج بصينية ااصلا مش جزائرية خالص
انا مجرب بنات الجزائر بزاف قاع تقلك انايا سيريو بزاف ووو متدينة ومن بعد نطيحهم في الفخا وبانولي علي حقيقتهم راني شايفهم قاع يبغيو الرجال النسا وماكانش لي تقلي لا غريزة اعطالها ربي في دمها والراجل ايضا يحب النسا وعادي جدا
ا